لأنك.....مصر

لأنك.....مصر
................
أمبارح كان قلبى واقف على بابك

نفسى ف ركعه ف محرابك

عايز أقولك انى بحبك

ان جبينى سجادته ترابك

عايز أقولك متخافيش

ازاى تقللّ النقطة بحر

عايز اقولك مايهمكيش

ازاى تدارى النجمه بدر

مهما تناسى الأغبيا

ان التراب ده طول عمره حر

ان العلم ده متلوّن بنصر

ميهمكيش.......

أنتى ....مصر
...............................

أسألى الشهيد بدمه

ضحى لجلك

ما أنتى أمه

فوسط الضلمه قام

ربط الحزام

شدّه على وسطه تمام

وحلف بحبك

ماتعيشى لحظه قلق

ولاعمره يامصر أتخلق

اللى يهزك

ولو بكلمه ع الورق
....................
انتى الابية

وانتى القوية

وانتى الصمود

انتى الولاد متحصنين

بقنابل الغاز والبارود

انتى فجر ولايوم يغيب

انتى رمز الحياة

والكون والوجود

ماهوى فى هواكى عاشق

وارتبط اسمه بأسمك

الا ونال الخلود

ماطغى طاغى وتعدىّ

يوم عليكى

الا وانتهى ولايوم يعود
..........................

شدة ومرت زيّها الاف

علمينا نثبت

ولايوم نخاف

مديّنا من قوتك

من عزتك

من صلابة وقفتك

فوش الطوفان

وسنين الجفاف

وان كانت الجايه

السنين العجاف

فيكى يامصر

الف يوسف

عليكى أمنا

وايديهم نضاف

(عزيزموسى 24\11\2011)

محمد البسيوني كتب:

تسلمى يــامصرنــــــا ..... تسلمى يــاأمنــــــا

إحنا عايشين فوق ترابك وانتِ عايشه ف قلبنا

زوبعه وتفوت .. وإنتى ياما شفتى كتير زوابع

بس فى المره دى يامَّه .. الفلول جت والتوابع

واحنا راح نحميكى منهم بالسلاح .. وبدمنـــا



جميل ماخطت يدك أستاذ عزيز

وتقبل ماخربشه قلمى إنفعالا بما كتبت ، وإن

كان لايرقى لم كتبت أنت .

تقبل تحياتى

زادتنى خربشاتك خجلا وتواضعا
شكرا لك فى كل وقت اينما مررت على ما اكتب وتمنحه شرف الاطلاله الراقيه لكم

ودى وتحياتى

عزة الزرقاني كتب:

تحبتى لحرفك الجميل

رغم ان عندك احسن من كدا استاذ عزيز

دمت بكل حب

كل الشكر لك يارائعه

ودى وتحياتى