سهام الحُب

سهام الحُب



شَغـَل الحُب كتير من قبلـي

و جِه يشغلني وقِف ماقدرشي

علشان قلبي عَنيد من يُومُه

كان يغمزلي أطاوعُه و أمشي

حاول يرمي بسَهمُه ف قلبي

خاب تنشينُه معَايا ما صابشي

و بعـد العُمر ما حَصّل آخرُه..

و خط بقلمُه خطُوطه ف وشّي

شفت عيونها صُدفه لقيتني

سهران طول الليل ما بانامشي

رمش عيونها النّاعم صـابني

قلبي وقِع في هَواها ما قامشي

بقى مسكين أحواله تبكِّي

و كان في العِند .. ما حدّش قدُّه!

بعد ما شافها اتغيّر حالُه

سلِّم أمُره و بَطّـل عِنـدُه

و قال ازاي الحب أخاصمُه

رفع الرّاية البيضَا .. لوَحدُه

و بَعد سكُوت العُمر دا كُله

ألقَـا لساني ..انفكَّت عُقَدُه

وقال فى الحُب كلام .....

ما اتقالشي!!!!

منتظرك ياغالى فى أى وقت تشرفنى ياماهر بك