الشاعر محمد وفيق
عدد المساهمات : 16 تاريخ التسجيل : 20/11/2011
| موضوع: ياعم نجم الأحد ديسمبر 04, 2011 1:02 am | |
| عارفة ان انتى نبض القلب زى سؤال ومالوش رد يبقى كلامى اكيد من عاشق واقرى حروفه تلقى القصد قصدى ان انتى الهدف السامى عارف قيمتك كل حرامى يسرق يعلا يجرى عليكى ويقول على نفسه انه عصامى حبه بحبة عايزله حصانة تدى وقار برضك وضمانة يصرف كام مليون ويعدى ويسيب كل الناس عيانة عمنا نجم ما قال فى بتاع مافهمناش فضلت تتباع ولما ابتدت الثورة حاتنجح زودوا فينا كتير اوجاع يا عم نجم خلاص خلصت دما الخلايق هنا رخصت وبدالبتاع بقى فيها بتوع ويا ريت قلوب الناس حست ماعرفش اقعد فى قهاودى ولا هى جوى ولا غاوى ولا لاقى شغلانة يا عمى ولا فى مرضى فيه مداوى ياعم انت صبرت ازاى وازاى ماقولتش مليون اى ده كام سنة وانا مش قادر والمشكلة كلها فى الجاى باكتب مافيش حد بيقرا علشان ياعمى انا م الفقرا ماعييش فلوس اطبع دواوين والحلم ما يكفيش بكرة انا خلاص حاكسر قلمى وكفاية كدة حرقة دمى ولا عدت حاكتب من تانى مهما الساعات زادت همى حانسى الحروف اللى قريتها وحارمى كتبى اللى شريتها حامسك مقشة واكون كناس علشان عيالى اجيب قوتها يا عم نجم ماتزعلشى دورت لـكن مالقيتشى وجوعت لجل كلامى يوصل لكنه برضك ماوصلشى خلاص حابطل واكل عيش ويمكن اخلى كمان بقشيش اه يا زمان فيك الشعرا زى الطيور من غير الريش | |
|
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: ياعم نجم الأحد ديسمبر 04, 2011 1:25 am | |
| ياسيدي حد يمتلك هذا القلم ويبطل برضك
الشاعر الأستاذ / محمد وفيق
غبت عنا وفجأة فجئتنا بوابل من القصائد الجميلة
طب لو قولنا ننشر نص كل تلت اربع ايام ونقرأ لأخوتنا الزملاء تفتكر اية اللي يكون حنبطل شعر لا بالعكس
دي النصوص حتاخد حقها من الردود والنقد البناء وحنفيد ونستفاد كلنا
الصديق والأخ العزيز
الأستاذ / محمد وفيق يد العون معنا حتى نرتقي بالمنتدى فأنت اضافة وقلم ثري لا يستهان به
ودائما نحب ويسعدنا مروركم ورأيكم في ما تخربشه أقلامنا البسيطة كل حبي ومودتي
| |
|
رضا محمود مشرف وناقد
عدد المساهمات : 87 تاريخ التسجيل : 16/11/2011 العمر : 49 الموقع : السعودية
| موضوع: رد: ياعم نجم الأحد ديسمبر 04, 2011 9:10 pm | |
| - الشاعر محمد وفيق كتب:
- عارفة ان انتى نبض القلب
زى سؤال ومالوش رد يبقى كلامى اكيد من عاشق واقرى حروفه تلقى القصد قصدى ان انتى الهدف السامى عارف قيمتك كل حرامى يسرق يعلا يجرى عليكى ويقول على نفسه انه عصامى حبه بحبة عايزله حصانة تدى وقار برضك وضمانة يصرف كام مليون ويعدى ويسيب كل الناس عيانة عمنا نجم ما قال فى بتاع مافهمناش فضلت تتباع ولما ابتدت الثورة حاتنجح زودوا فينا كتير اوجاع يا عم نجم خلاص خلصت دما الخلايق هنا رخصت وبدال تاع بقى فيها بتوع ويا ريت قلوب الناس حست ماعرفش اقعد فى قهاودى ولا هى جوى ولا غاوى ولا لاقى شغلانة يا عمى ولا فى مرضى فيه مداوى ياعم انت صبرت ازاى وازاى ماقولتش مليون اى ده كام سنة وانا مش قادر والمشكلة كلها فى الجاى باكتب مافيش حد بيقرا علشان ياعمى انا م الفقرا ماعييش فلوس اطبع دواوين والحلم ما يكفيش بكرة انا خلاص حاكسر قلمى وكفاية كدة حرقة دمى ولا عدت حاكتب من تانى مهما الساعات زادت همى حانسى الحروف اللى قريتها وحارمى كتبى اللى شريتها حامسك مقشة واكون كناس علشان عيالى اجيب قوتها يا عم نجم ماتزعلشى دورت لكت مالقيتشى وجوعت لجل كلامى يوصل لكنه برضك ماوصلشى خلاص حابطل واكل عيش ويمكن اخلى كمان بقشيش اه يا زمان فيك الشعرا زى الطيور من غير الريش ياشاعر كلمتك حلوة تمـس القلب ..وتعلّمْ وتسبح في الفضا غنوة بنـــسمعها.....ونتعلّمْ ياشاعر قوول..ولا يهمّكْ همومي..صورة من همّك ونــزف الجرح في وريدي صدى جرحك..ولون دمّكْ
الشاعر والزجّال الجميل....الأًستاذ محمد وفيق زجليّة في مُنتهى الروعة ..محكمة البناء عميقة المعنى جيدة الطرح أحييك بشدّة على إبداعك
ملحوظة...تُثبت القصيدة بواسطتي إيماناً بالموهبة الصادقة..مع الإعتذار للأستاذة عزة الزرقاني لمخالفة قواعد المنتدى بتثبيت عملين لشخص واحد في نفس الأسبوع...ولكن النص يستحق التثبيت | |
|
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: ياعم نجم الأحد ديسمبر 04, 2011 10:57 pm | |
| الشاعر والزجال الراقى الأستاذ محمد وفيق
هكذا الكلام وإلا .. فلا ..
نسجت نسيجا رائعا أبدعت فيه ، وفكرتنا بالبتاع بتاع عمنا
الله يديله الصحة والعافيه ، ويعطيك الزيادة فى الموهبة .
ومنتظرين مشاركاتك لكل الأعضاء والتفاعل مع الجميع .
تقبل تحياتى .
عدل سابقا من قبل محمد البسيوني في الأحد ديسمبر 04, 2011 10:58 pm عدل 1 مرات (السبب : إضافة حرف ناقص) | |
|
عزة الزرقاني
من أصحاب المنتدي
عدد المساهمات : 816 تاريخ التسجيل : 22/06/2011
| موضوع: رد: ياعم نجم الأربعاء ديسمبر 14, 2011 11:30 pm | |
|
الله الله على الكلمات
التى تعتبر قاموس فى اللغه العاميه الراقيه
تحيتى لك ايها الراقى محمد وفيق
دمت بحب
| |
|