أفضل 10 أعضاء في هذا الأسبوع | |
| | أنا والنكد | |
|
+5الشاعر عادل عثمان الحجار عزة الزرقاني ماهر حامد محمد البسيوني سعد الشرقاوى 9 مشترك | كاتب الموضوع | رسالة |
---|
سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: أنا والنكد الخميس ديسمبر 08, 2011 11:44 pm | |
| (أنا والنــّكد)
سألت مرّه النكد هاتروح معايا لفين؟
والفقر عقده انتهى ومجدّده بسنتين
أتاريها حسْبه وشايلهالى بأثر رجعى
بيعيد معايا قرف منهى سنة الفين
,,,,,,,,
أنا قلت لأ يانكد قوم بينا نتفاصل
ماعادش عندى جلد ولا عقل هايواصل
بعت مكانه الزهق وزعل ساعتها وقال
البُعْد عنــّك مُحال هالغى بقى الفاصل
,,,,,,,,,
لو كنت يوم أطلبه ويقولوا مش فاضى
وانسى عهوده اللىّ كانت من زمن ماضى
راح ماضى منـّه يمين مايغيب بعيد عنى
والفقر سوقته عليه وجنابه مش راضى
,,,,,,,,
ولقيتنى باجرى عليه وأنا كلىّ لهفه وشوق
ابوس كعوب رجليه واقول له انا المحقوق
عتب عليّه بقرف وقال انا الغلطان
صاحبت يوم انسان طلع قليل الزوق
,,,,,,,,,,
طاب حدْ منكم يغلــّطنى وانا سدّاد
من صغرى غاوى الفلك قاللىّ اشتغل حدّاد
باعامله أحسن معامله لأىّ حدْ اتخلق
شادد ماسورة زهق وباحاسبه ع العدّاد
,,,,,,,,,,
مسّكنى ديل القطط وقال فى ايدك ديب
تبّت وجدّل عليه ماتحنـّلوش وتسيب
وعطانى رابطة هموم وخدْ تمنها غضب
والناس مزاجها عنب وانا زرعتى بتخيب
,,,,,,,,,
طلبت آخد أجازه قال بلاش ياجميل
عمْرك عزيز عندنا يعنى مالكش بديل
دا انت واحد منـّنا ..بنآمْنه على سرّنا
لو غيبت يوم عنـّنا حانجيك فى عز الليل
,,,,,,,,,
يامفرّقين الأمل اليأس ليه كومى؟
داخل معايا ف عمل ملازمنى طول يومى
اضحك يروح زعلان وياخدنى بالاحضان
باين عليه عريان مشاركنى فى هدومى
,,,,,,,,, | |
| | | محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: أنا والنكد الخميس ديسمبر 08, 2011 11:57 pm | |
|
ياحلاوتك ياجميل
والنبى كل كلامك عسل ياعمنا
فينك ياحج سعد إنت مخاصمنا ولا إيه ؟
ياعم عاوزين منك تكثيف فى الدخول على المنتدى شويه
إنت من الأعضاء المؤسسين ، واللى لازم يعملوا المستحيل
لنجاح هذا الصرح الذى أسستموه بجهد !!!
وتركتموه يصارع الحياة ... وحده !!
ماتبعدش عننا كده ياعمنا ، إحنا محتاجينك
زجليه من أزجالك اللى تخلب العقل ، وتعقد اللسان
وتخللى الواحد ( يحسدك ) على هذا التميز والتفرد .
دمت دائما بهذا الجمال ياعمنا ، ماتخافش إنا ماسك الخشب
تقبل تحياتى وأشواقى لرؤياكم .
| |
| | | ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: أنا والنكد الجمعة ديسمبر 09, 2011 12:29 am | |
| والله النكد دا مشكلة العصر الحديث استذنا وصديقنا الغالي
الأستاذ / سعد الشرقاوي
شاعر التوتة بلا منازع
الله عليك بجد حرفة وضياعة وصنعة ومهارة عالية
من شاعر هداف
وكما قال الأستاذ محمد البسيوني
حرمنا من انسك كدا ليه
| |
| | | سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: أنا والنكد الأحد ديسمبر 11, 2011 4:34 pm | |
| - محمد البسيوني كتب:
ياحلاوتك ياجميل
والنبى كل كلامك عسل ياعمنا
فينك ياحج سعد إنت مخاصمنا ولا إيه ؟
ياعم عاوزين منك تكثيف فى الدخول على المنتدى شويه
إنت من الأعضاء المؤسسين ، واللى لازم يعملوا المستحيل
لنجاح هذا الصرح الذى أسستموه بجهد !!!
وتركتموه يصارع الحياة ... وحده !!
ماتبعدش عننا كده ياعمنا ، إحنا محتاجينك
زجليه من أزجالك اللى تخلب العقل ، وتعقد اللسان
وتخللى الواحد ( يحسدك ) على هذا التميز والتفرد .
دمت دائما بهذا الجمال ياعمنا ، ماتخافش إنا ماسك الخشب
تقبل تحياتى وأشواقى لرؤياكم . كل اعتذارى اخى الغالى الاستاذ/محمدالبسيونى والله المنتدى شاغلنى وكان فيه مشاكل كتير ضيعت منى وقت كتير شكرا للسؤال وان شاء الله ستتعدل الاحوال فلا حرمنا الله منكم ابدا | |
| | | عزة الزرقاني
من أصحاب المنتدي
عدد المساهمات : 816 تاريخ التسجيل : 22/06/2011
| موضوع: رد: أنا والنكد الأحد ديسمبر 11, 2011 7:34 pm | |
|
والله كلامك عنب
مرسوم كما الرسام
والنكد منك قرب
علشان لقاك فنان
ملحوظه
تثبت بواسطتى لروعة الشعر والشاعر
| |
| | | الشاعر عادل عثمان الحجار
من أصحاب المنتدي
عدد المساهمات : 47 تاريخ التسجيل : 07/11/2011
| موضوع: رد: أنا والنكد الإثنين ديسمبر 12, 2011 4:55 am | |
| زيح الهموم ياخي
تلقى الأمل والضي ...
كل الهموم ح تخاف ..
وتقول يامليون جي
***********
تكتب رباعيات / الحزن ساكنها !
وان فرحه يوم ح تبات / نلقاه فقع عينها !!
والحزن فينا اكوام / بس احنا بنقاوم
زيح الهموم ياخي / واوعاك تهادنها
***********
كاس الهموم كاسي
أشرب واعيش ناسي !
أفراحي مبتوره
ولاحدِّ بيواسي
*********
أُصرخ وقول جضِّيت
من حزنها وملِّيت
وايَّاك تسيبها تخش
لو مره واحده البيت. عادل عثمان الحجار =========== | |
| | | إبتسام حسين
مشرف
عدد المساهمات : 132 تاريخ التسجيل : 25/06/2011
| موضوع: رد: أنا والنكد الثلاثاء ديسمبر 13, 2011 5:56 pm | |
| كلمات من قلمك غاية فى الابداع والتعبيرات الشجية
احسنت شاعرنا القدير سعد الشرقاوى
تقبل مرورى واعجابى بقلمك | |
| | | سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: أنا والنكد الخميس ديسمبر 15, 2011 8:44 am | |
| - ماهر حامد كتب:
والله النكد دا مشكلة العصر الحديث استذنا وصديقنا الغالي
الأستاذ / سعد الشرقاوي
شاعر التوتة بلا منازع
الله عليك بجد حرفة وضياعة وصنعة ومهارة عالية
من شاعر هداف
وكما قال الأستاذ محمد البسيوني
حرمنا من انسك كدا ليه
شكرا لمروركم المحبب الى قلوبنا اخى الشاعر الاستاذ ماهر حامد لك التحية والتقدير | |
| | | محمود بسيوني
من أصحاب المنتدي
عدد المساهمات : 43 تاريخ التسجيل : 13/11/2011
| موضوع: رد: أنا والنكد الخميس ديسمبر 15, 2011 6:30 pm | |
| مالك بس ياعم سعد
مالك بس ليه زعلان
أيه هيفيدك لو هتفكر
يوم فى امبارح ولّا زمان
عايز يفضل شغلك همك..؟
خايف تصبح يوم تعبان
ماشى تخانق دبان وشك
ونظن حصللك توهان
اصحه ياراجل عيش الدنيا
صلي وكبر
مالها العيشة ..؟
قصدك غالية دنتا بس اللى بتتبتر
هى نصيحة ليك فى الدنيا
ترضا بعشتك تبقى تمام
تفرح طول ماانت فى الدنيا
تشكر قبل ما تيجي تنام
ولو فكرت فى يوم تتغدى
وجالك ضيف من أى مكان
ليه تتلهوج وتتلغبط
وتندب حظك التعبان
ضيفك ده لو كان بيحبك
يرضا ولو حتى بتنجان
عمنا الجميل الشاعر الرائع الأستاذ سعد الشرقاوي
قرأت قصدتك الجميله التى قد تحالفت وتضامنت فيها مع الحزن فاثارت مشاعرنا معك
كل التحية والتقدير لشخصك الكريم وتقبل مروري | |
| | | رضا محمود مشرف وناقد
عدد المساهمات : 87 تاريخ التسجيل : 16/11/2011 العمر : 49 الموقع : السعودية
| موضوع: رد: أنا والنكد الخميس ديسمبر 15, 2011 8:59 pm | |
| - سعد الشرقاوى كتب:
(أنا والنــّكد)سألت مرّه النكد هاتروح معايا لفين؟والفقر عقده انتهى ومجدّده بسنتينأتاريها حسْبه وشايلهالى بأثر رجعىبيعيد معايا قرف منهى سنة الفين,,,,,,,,أنا قلت لأ يانكد قوم بينا نتفاصلماعادش عندى جلد ولا عقل هايواصلبعت مكانه الزهق وزعل ساعتها وقالالبُعْد عنــّك مُحال هالغى بقى الفاصل,,,,,,,,,لو كنت يوم أطلبه ويقولوا مش فاضىوانسى عهوده اللىّ كانت من زمن ماضىراح ماضى منـّه يمين مايغيب بعيد عنىوالفقر سوقته عليه وجنابه مش راضى,,,,,,,,ولقيتنى باجرى عليه وأنا كلىّ لهفه وشوقابوس كعوب رجليه واقول له انا المحقوقعتب عليّه بقرف وقال انا الغلطانصاحبت يوم انسان طلع قليل الزوق,,,,,,,,,,طاب حدْ منكم يغلــّطنى وانا سدّادمن صغرى غاوى الفلك قاللىّ اشتغل حدّادباعامله أحسن معامله لأىّ حدْ اتخلقشادد ماسورة زهق وباحاسبه ع العدّاد,,,,,,,,,,مسّكنى ديل القطط وقال فى ايدك ديبتبّت وجدّل عليه ماتحنـّلوش وتسيبوعطانى رابطة هموم وخدْ تمنها غضبوالناس مزاجها عنب وانا زرعتى بتخيب,,,,,,,,,طلبت آخد أجازه قال بلاش ياجميلعمْرك عزيز عندنا يعنى مالكش بديلدا انت واحد منـّنا ..بنآمْنه على سرّنالو غيبت يوم عنـّنا حانجيك فى عز الليل,,,,,,,,,يامفرّقين الأمل اليأس ليه كومى؟داخل معايا ف عمل ملازمنى طول يومىاضحك يروح زعلان وياخدنى بالاحضانباين عليه عريان مشاركنى فى هدومى,,,,,,,,, عمّنا الشاعر والزجّال المُتمكّن...الأُستاذ سعد الشرقاوي لا نملك امام هذا الجمال..والكمال..إلاّ أن ننحني لك إجلالاً وتقديراً وإعجاباً دُمت بهذا الإبداع والإشباع والإمتاع | |
| | | محمد عبد الواحد شاعر
عدد المساهمات : 220 تاريخ التسجيل : 14/07/2011
| موضوع: رد: أنا والنكد السبت ديسمبر 17, 2011 8:22 am | |
| الشاعر القدير الجميل / سعد الشرقاوي
مررت من هنا لأجد لوحة فنية من فنان موهوب يتلاعب بالكلمات كيفما يشاء
زجلية من أجمل ما قرأت
دمت مبدعاً
| |
| | | | أنا والنكد | |
|
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |