| على الفيس بوك | |
|
+5رضا محمود إبتسام حسين رضا فايد ماهر حامد رضا عثمان 9 مشترك |
كاتب الموضوع | رسالة |
---|
رضا عثمان
عدد المساهمات : 4 تاريخ التسجيل : 09/12/2011
| موضوع: على الفيس بوك الجمعة ديسمبر 09, 2011 12:08 am | |
|
بتكلمني على الفيس بوك
وبتوهمنى انها عشقاني
وقاعده ف نفس الوقت تلوك
ويا اتناشر واحد تاني
وانا ف الأول كنت عبيط
كل شويه تقول لي ثواني
فا افضل راكن جمب الحيط
لما يجيلها مزاج تلقاني
واما بييجي تقول اناجيت
معلش اتأخرت عليك
أصل عليا نضافة البيت
واختي سميره بتعمل كيك
فا اهدى بسرعه واقول اوكيه
هيا كريمه هاتكدب ليه
دي بتعشقنى اكتر من روحها
وياما قالت لي بروحي افديك
ومفيش كام حرفين على كلمه
فجأه الاقيها تقوللي ثواني
أسفه يا روحي البت الرخمه
كل شويه تقوللي تعالي
خمسه هاشوفها بتنده ليه
وارجع تاني لنفس سؤالي
انت يا بيبي بتعمل ايه
لما بروح وارجعلك تاني
.... رضا عثمان
[/center] [/center] | |
|
| |
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: على الفيس بوك الجمعة ديسمبر 09, 2011 12:18 am | |
| ههههههههههههههه
يامراحب يامراحب
ربنا يستر علينا من الفيس بوك والسامعيين
يارجل الظلم حرام
اهلا وسهلا بالقلم اللذيذ
والشاعر الغنائي
الاستاذ رضا عثمان
| |
|
| |
رضا عثمان
عدد المساهمات : 4 تاريخ التسجيل : 09/12/2011
| موضوع: رد: على الفيس بوك الجمعة ديسمبر 09, 2011 12:24 am | |
| بنورك يا عمنا هههههههه معلش بقا لسه جديد ونظام الكتابه هنا غريب شويه فالكلام مش منظم تحياتى لك يا استاز ماهر | |
|
| |
رضا فايد
من أصحاب المنتدي
عدد المساهمات : 22 تاريخ التسجيل : 07/10/2011
| موضوع: رد: على الفيس بوك الجمعة ديسمبر 09, 2011 1:01 am | |
| ههههههههههههههههههههههههههههههههههههههه اصل البنت بتلعب بيك ناوية تطلع حبابي عنيك عارفه سيادتك دايب فيها واول مره انا بشمت فيك ههههههههههههههههههههههههههه
حبيبي ياابو الرووض والله انت مالك مثيل ياجدع هنروح نبيع بطاطا احنا ونسيبلك المكان ياعم تحيتي وتقديري اخي | |
|
| |
إبتسام حسين
مشرف
عدد المساهمات : 132 تاريخ التسجيل : 25/06/2011
| موضوع: رد: على الفيس بوك الجمعة ديسمبر 09, 2011 4:32 pm | |
| ههههههههههه
والله يابيبى انت تستاهل الحلوه كريمه اللى بتتاخر تغنى عليك وبتلعب بيك وانت ياعينى عليك م الاخر جنب النت تقول وتفاخر انا حبيت خليك تستاهل
الشاعر الرائع دايما رضا عثمان
كلمات ساخره معبرة بحرف جميل راقى احسنت اخى
راق لى تواجدى واستمتاعى بجميل ما قدمت | |
|
| |
رضا محمود مشرف وناقد
عدد المساهمات : 87 تاريخ التسجيل : 16/11/2011 العمر : 49 الموقع : السعودية
| موضوع: رد: على الفيس بوك الجمعة ديسمبر 09, 2011 5:42 pm | |
|
تعبت من الكلام ووجعت راسي
ومهما نصحت فيك غافل وناسي
دخول النّـــت عندك شيئ أساسي
وهدفـك في الحياه مبقاش قضيّة
على الفيس بوك ياروميو ليك مكانة
يومين مع نسمة والتالت ...لنانا
تحب الغدر..وتموت في الخيانة
وكل مكان...سايبلك فيه ضحيّة
بنات الناس.. مهيش لعب وتسالي
تسيب سلوى..وتشغل قلب سالي
ياريت تقدر... تجاوب عن سؤالي
ضميرك فين...وفين الإنسانيّة..؟؟
هههههههه معلش بقى يا أبو الروض سياق ا لموضوع وفكرته حكموني أرد عليك بالشكل ده
حبيبي ..وصديقي الشاعر الغنائي المُبدع...رضا عثمان أولاً...أُهنئ منتدى مصباح الشعراء بإنضمامك الذي سيضيف الكثير بأمر الله إلينا جميعاً ثانياً...أرى في قصيدتك الزجليّة الراائعة تميّزاً ملحوظاً وإصراراً على التفوق في فن الزجل كما تفوقت بجدارة في الشعر العامي والغنائي.
ملحـــوظة....يُثبت النص لجماله وإكتماله وروعة بناءه
| |
|
| |
حمدى شبانة
من أصحاب المنتدي
عدد المساهمات : 501 تاريخ التسجيل : 07/05/2011 العمر : 61 الموقع : الـجــيــزة - أُم الدنـيــا
| موضوع: رد: على الفيس بوك السبت ديسمبر 10, 2011 3:00 pm | |
| رحـم الله الـرائـع إسـمـاعـيـل يـس والـرائـع مـحـمــود شـكـوكـو فـلـو كـان أحـدهـمـا عـلـى قـيـد الـحـيـاه .. لـرُبـَّـمـا إسـتـمـعـنـا إلـى ( عـالـفـيـس بــوك ) بـصـوت أحـدهـمـا
الـرائـع الأســتـاذ
رضــا عـثـمــان
وأنـا أقـرأ ( عـلـى الـفـيـس بـوك ) تـذكـرت عـمِّـنـا أبـوالـسـعـود الأبـيـارى وعـمـنـا فـتـحـى قــورة وعـمـنـا صـلاح طـنـطــاوى .. وإبـن الـلـيـل ... أعـظـم مـن كـتـبـوا الـمـنـولـوج وأظـن - وبـعـض الـظـن صـواب - أنـك إمـتـداد طـيِّـب لـهــم
عـلـى الـفـيـس بـوك .. الـبـعـض رآهـا مـقـطـوعـة زجـلـيـة طـريـفــة والـبـعـض رآهـا كـلـمـات سـاخـرة جـمـيــلـة
أمَّـا أنـا فـقـد رأيـت فـيـهــا إحـيــاء لـفـن شـعـرى لايـسـتـطـيـع كـتـابـتـه سـوى مُـتـمـكِّــن وهــو فـن الـمـنـولـوج والـرائـع أنـك أتـيـت هـنـا بـفـكــرة جـديـدة وعـصـريــة
شــكـراً .. شــكــراً .. شــكـراً يـاعـم رضــا وأمـلـى أن تـسـتـمـر فـى مـحـاولاتـك الـرائـعـة بـإحـيـاء فـن إنـقـرض مـن حـولـنـا وهـو الـمـنـولـوج
لـك مـنـى كــل الـمــودَّة حـمـــدى
-------------------------------------------------------------------------------[center] | |
|
| |
يوسف ابو زينة
من أصحاب المنتدي
عدد المساهمات : 52 تاريخ التسجيل : 07/12/2011
| موضوع: رد: على الفيس بوك السبت ديسمبر 10, 2011 10:35 pm | |
| أخى رضا عثمان ..
احييك على نصك الجميل
دمت مبدعاً
تحياتى | |
|
| |
عزة الزرقاني
من أصحاب المنتدي
عدد المساهمات : 816 تاريخ التسجيل : 22/06/2011
| موضوع: رد: على الفيس بوك الأحد ديسمبر 11, 2011 1:17 pm | |
| هههههههههههههههههههههه
والله جميل قوى حلو كلامك
بس بجوز دا من اوهامك
وانت كتير دايما تظلمها
وايه يخصبها ترد سلامك
| |
|
| |
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: على الفيس بوك الثلاثاء ديسمبر 13, 2011 2:48 pm | |
|
حبيب قلبى رضا باشا
منور حتى ع الشاشه !!!!!
إيه رأيك فى الوزن والقافيه بتوعى دول ؟
منور ياحبيبى وسعدت جدا بوجودك بيننا ، أخ وشاعر نعتز به دائما .
نرجع بقَى ياحبيبى للنص الجميل بتاعك .
قوللى بتظلم ليه فى البنت ؟
ناصح وبتعمل واد فِت ؟
ياتخليك مُتَحرر حبَّه
ياتبطَّل تدخل ع النت
مش كده ولا إيه ياعم رضا !؟
تقبل تحياتى ياغالى .
| |
|
| |
| على الفيس بوك | |
|