الأدباتـى ( لـلـتـواصـــل )

ارد انا على مين فيكم

شكلي معاجب معاليكم

شكوش وباب في اديكم


وشبانه داخل في مـــؤامــرة

الله الله يابدوي .. جاب اليسرا


بسيوني زميلي في الدايرة

خــــبرة ويــعدل الجايـــرة

ويمشي مراكب مهش سايرة

بكلمة واحدة ومن نظرة

الله الله يابدوي جاب اليسرا



طب انا رمز المصباح

والاستاذ حسن الشاكوش

امال الاستاذ محمد والاستاذ حمدي شبانه رمزهم ايه

الله الله يا بدوى جاب اليسرا

,,,,

,,,,

مـرحـب بـصـاحـبـى وحـلـيـفــى
قـولـك يـانـجَّــار عـلـى كـيـفـــى
عـازمـك عـلـى وجـبــة بـيـفـــى
ونُـحـفُـر ( لأصـحـابـك ) حُـفــرة
الله الله يـابـدوى جـاب الـيـســرا


---------------------------------------------------

ماهر حامد

يرد على الصخرا / رمز الطاووس


عـارفك اوي قـدهـا وقــدود

ساعة الصفا تضرب عالعود

وفي الشده صامد قلب اسود

وفي الجمال عندك خــبرة


الله الله يا بدوي .. جاب اليسرا



ماهر حامد رمز المصباح يرد على الاستاذ حمدي رمز الحدوه


عزمه على اكـلت بيفي

ياخوفي لا يروح صيفي

وبــعدها يـبقى حـلـيفي

لما يتهوه في ميدان شبرا


الله الله يابدوي شوف القدرة


ماهر حامد يرد على الاستاذ حسن النجار رمز الشاكوش


بقولك ايه ياعم يا نجار

خليك معايه لباب الدار

شكوش وكماشه ومنشار

وعلى كيفنا نختار الوزرا


الله الله يا بدوي جاب اليسرا

ماهرحامد رمز المصباح وبجواره على المنصة أ/ محمد البسيوني المرشح الشرس رمز الطاووس

في خطاب سريع لشعبه ومناصريّه


ياشعبي رشحني ما تخشاش
سيبك بقه .. حمدي دا بكاش
من النهارده .. العيش ببلاش
اسمع نصحيتي وشوف بكرة

الله الله يا بدوى جاب اليسرا
بــكرة حتغرق في فلوسك
وتقيد شموعك وفانوسك
مش اي حد سهل يدوسك
وحاجات كتيرة مــبـتـكرا
الله الله يا بدوي جاب اليسرا
لكل شاب مني عروسه
والخلفه وتـمن الـكوشه
وشقة جوه المحروسه
من غير ما تدفع الأجرة
الله الله يابدوي جاب اليسرا
لا تقولي حدوه ولا شاكوش
رمزالطاوس الحق طب حوش
مصبحنا فوري وعالمكشوف
اديّنا صوتك وشوف بكرة
الله الله يابدوي جاب اليسرا