| الأدباتـى ( لـلـتـواصـــل ) | |
|
+21محمد عبد الواحد حسن النجار عفريت المصباح يوسف ابو زينة الشاعر عبد الناصر رجب إبتسام حسين رضا محمود أم مدحت على ماهر الشاعر أبو هاشم الأخميمى الشاعر ناصر على محمد البسيوني سعد الشرقاوى هانئ الجمل عزة الزرقاني محمد ابو يوسف احمد الشرقاوى سيد سلطان حنان نجار أحمد راضى حمدى شبانة 25 مشترك |
|
كاتب الموضوع | رسالة |
---|
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: الأدباتـى ( لـلـتـواصـــل ) الثلاثاء يوليو 26, 2011 3:20 am | |
|
ادباتي داخل على رمضان
شهر الصيام كله غفران
لفهش كدب ولا حرمان
رجاله ميت فل وعترة
الله الله يابدوي ..جاب اليسرا
...........................
****************
| |
|
| |
حمدى شبانة
من أصحاب المنتدي
عدد المساهمات : 501 تاريخ التسجيل : 07/05/2011 العمر : 61 الموقع : الـجــيــزة - أُم الدنـيــا
| موضوع: رد: الأدباتـى ( لـلـتـواصـــل ) الخميس يوليو 28, 2011 12:13 am | |
| هــذه الـمـشــاركــة إســتـثـنـائــيــة
بـمـنــاســبـة عـيـد مـيـلاد
الأســتاذة عــزة الـزرقــانـى
-----------------------
أنــا الأديــب .... داخــل أغــنــِّــى
لـلأخــت عــزة ........ وأهـــنــِّـى
ف عـيــد مـيـلادهــا إسـمـعــو مـنـِّى
عُـقـبــال 200 سـنــة ..وعـشـــرة
الله الله يــاعـــزة ... جـاب الـيـســرا
------------------------------------------------
| |
|
| |
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: الأدباتـى ( لـلـتـواصـــل ) الخميس يوليو 28, 2011 9:33 pm | |
|
الكبير حمدى شبانه كتب :
أنا الأديـب جـىّ أهـــنـِّى
لـعـم مـاهـر .. وأغـنـِّــى
حقولكـم واسمعوا مِـنـِّـــى
م القاهرة لـحـد الحـضـرة
الله الله يـابـدوى جـاب الـيـســـرا
محمد البسيونى رد :
إنت الأديب الأُدباتى !
اللى مِشَرَّح كتاباتى
إزاى دخلت لى فى حياتى
والمصطفى سنَتَك خضرا
الله الله يابدوى جاب اليسرا
| |
|
| |
حمدى شبانة
من أصحاب المنتدي
عدد المساهمات : 501 تاريخ التسجيل : 07/05/2011 العمر : 61 الموقع : الـجــيــزة - أُم الدنـيــا
| موضوع: رد: الأدباتـى ( لـلـتـواصـــل ) الخميس يوليو 28, 2011 10:57 pm | |
| - محمد البسيوني كتب:
الكبير حمدى شبانه كتب :
أنا الأديـب جـىّ أهـــنـِّى
لـعـم مـاهـر .. وأغـنـِّــى
حقولكـم واسمعوا مِـنـِّـــى
م القاهرة لـحـد الحـضـرة
الله الله يـابـدوى جـاب الـيـســـرا
محمد البسيونى رد :
إنت الأديب الأُدباتى !
اللى مِشَرَّح كتاباتى
إزاى دخلت لى فى حياتى
والمصطفى سنَتَك خضرا
الله الله يابدوى جاب اليسرا
----------------------------------------------
أدبـــاتــى ..... عــاشِـــق لـفـنـــونـى
حـــبـِّـيــت أخــويــا الـبــســـــيـــونــى
مِــن غــيـر مـاشــوفــك بـعــيـــونــى
دَـخــلـت قــلــبــى .... مــن فـَـتـْــرة
الله الله يــاسى بـسـيـونـى جــاب الـيـســرا
----------------------------
بــس عــلـيــــك .... أنــا عـــاتـــــب
بــاشــا و بـيــــه .. بـلاقـيــك كــاتـب
إنــت الأديــب ..... وانـت الـكــاتِــب
وانـت اللى حـتـخـلـيـهــا ... عِــشـْــرة
الله الله يــاسى بـسـيـونـى جـاب الـيــسرا
-------------------------------
أســـتاذى الـفــاضـــل والـكــريــــم
أخــى مـحـمـــد الـبـســيــونـــى
ســعــادتــى لاتـوصــف بـوجــودك هـنــا
وســعـادتــى الأكـبــر بـمـشــاركــاتـك الـرائـعـــة هـنـا
فــى الأدبــاتــى
والله أنـا حـاسـس إن الأمــور بـيـنـنـا سـتـكــون أكـبـر
مــن الـمـحــبـــة
أشــكــرك صـديـقـى الـجـمـيـل .. وبلاش بـيـه وبـاشـا مـعـايـا
ههههههههههههههههههه
لــك مـنــى كــل الـمـــودة
-----------------------------------------------------------------
| |
|
| |
الشاعر ناصر على
من أصحاب المنتدي
عدد المساهمات : 267 تاريخ التسجيل : 28/07/2011 العمر : 61
| موضوع: رد: الأدباتـى ( لـلـتـواصـــل ) الجمعة يوليو 29, 2011 4:44 pm | |
| انا الاديب جاى من قبلى لا حد بعدى ولا قبلى جايب معاى زمرى وطبلى للشعرا اولاد الامرا الله الله يا بدوى جاب اليسرى
| |
|
| |
الشاعر ناصر على
من أصحاب المنتدي
عدد المساهمات : 267 تاريخ التسجيل : 28/07/2011 العمر : 61
| موضوع: رد: الأدباتـى ( لـلـتـواصـــل ) الجمعة يوليو 29, 2011 4:49 pm | |
| يا عم ماهر يا معلم دا المنتدى شع وعلم بالشعر احنا هنتكلم بلغ سلام كل الشعرا الله الله يا بدوى جاب اليسرا | |
|
| |
الشاعر ناصر على
من أصحاب المنتدي
عدد المساهمات : 267 تاريخ التسجيل : 28/07/2011 العمر : 61
| موضوع: رد: الأدباتـى ( لـلـتـواصـــل ) الجمعة يوليو 29, 2011 4:55 pm | |
| [size=24]الكلمة هنقولها صريحة بشكل حلو وله ريحة قوم يالا هاتلى التلفيحة قوم يالا نحكى عن الثورة الله الله يا ببدوى جاب اليسرا [/size] | |
|
| |
الشاعر ناصر على
من أصحاب المنتدي
عدد المساهمات : 267 تاريخ التسجيل : 28/07/2011 العمر : 61
| موضوع: رد: الأدباتـى ( لـلـتـواصـــل ) الجمعة يوليو 29, 2011 5:32 pm | |
| ادباتى ماشى على كيفى
والكلمة عندى تكون سيفى
تلاقينى اكتب شتا صيفى
واكتب كمان جوة وبرة
الله الله يابدو جاب اليسرا
| |
|
| |
حمدى شبانة
من أصحاب المنتدي
عدد المساهمات : 501 تاريخ التسجيل : 07/05/2011 العمر : 61 الموقع : الـجــيــزة - أُم الدنـيــا
| موضوع: رد: الأدباتـى ( لـلـتـواصـــل ) الجمعة يوليو 29, 2011 10:51 pm | |
| - الشاعر ناصر على كتب:
انا الاديب جاى من قبلى لا حد بعدى ولا قبلى جايب معاى زمرى وطبلى للشعرا اولاد الامرا الله الله يا بدوى جاب اليسرى
-----------------------------------
أهــلاً يـا نــاصــر ومـــراحـــب
الـفـرقــة أهـى زادت صـاحــب
نِـكـْـتـِـب نِــواصــل نِـتــصـاحـب
مـوضـوعـنـا بـقـا عـالـى الـفــكــرة
الله الله يـا نـاصــر جـاب الـيــسـرا
----------------------
أهـلاً بـك أخـــى الـشــاعــر الـجـمـيـــل
الأســتاذ نـاصــر عــلــى
مـرحـبــاً بـإبـن وجــه قـِـبــلــى
نـورت الأدبـاتـى
أتـمـنـى أن تـشـاركـنـا هـنـا دائـمــاً
أخــوك / حـمـدى شـبـانــة
-------------------------------------------------------
| |
|
| |
حمدى شبانة
من أصحاب المنتدي
عدد المساهمات : 501 تاريخ التسجيل : 07/05/2011 العمر : 61 الموقع : الـجــيــزة - أُم الدنـيــا
| موضوع: رد: الأدباتـى ( لـلـتـواصـــل ) الجمعة يوليو 29, 2011 10:57 pm | |
| - الشاعر ناصر على كتب:
ادباتى ماشى على كيفى
والكلمة عندى تكون سيفى
تلاقينى اكتب شتا صيفى
واكتب كمان جوة وبرة
الله الله يابدو جاب اليسرا
-----------------------------
نــاصــر مـعــانــا ... أدبــاتـى
كــمــان أديــــب زى حــالاتـى
أدْعِــــى لـربـِّــى ف صــلاتــى
يـجـمَــع مـا بِـيـنـَّـا كـمـا الأســرة
الله الله يــانـاصــر جـاب الـيـســرا
----------------------------
| |
|
| |
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: الأدباتـى ( لـلـتـواصـــل ) الجمعة يوليو 29, 2011 11:04 pm | |
|
الشاعر ناصرعلى كتب :
انا الاديب جاى من قبلى
لا حد بعدى ولا قبلى
جايب معاى زمرى وطبلى
للشعرا اولاد الامرا
الله الله يا بدوى جاب اليسرى
محمد البسيونى رد :
أهلا بقبلى وأهاليهـــــا
شرفتوا بحرى ومن فيها
ونوَّر المصباح بيهـــــــــــا
وبيك كسبنا كمان بَصره
الله الله يابدوى جاب اليسرى
| |
|
| |
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: الأدباتـى ( لـلـتـواصـــل ) الجمعة يوليو 29, 2011 11:10 pm | |
|
الشاعر ناصر على كتب :
يا عم ماهر يا معلم
دا المنتدى شع وعلم
بالشعر احنا هنتكلم
بلغ سلام كل الشعرا
الله الله يا بدوى جاب اليسرا
محمد البسيونى رد :
المنتدى شع بنورك
كان منتظر بس حضورك
ووصلت يالله وخُد دورك
إنت زعيم كل الشعرا
الله الله يابدوى جاب اليسرى
| |
|
| |
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: الأدباتـى ( لـلـتـواصـــل ) الجمعة يوليو 29, 2011 11:24 pm | |
| [f[size=24]ont=Arial[size=24]]
الشاعر ناصر على كتب :
الكلمة هنقولها صريحة
بشكل حلو وله ريحة
قوم يالا هاتلى التلفيحة
قوم يالا نحكى عن الثورة
الله الله يا ببدوى جاب اليسرا
محمد البسيونى رد :
صراحة الكلمـه دى طبعى
والحرف بالويه بصوابعى
يطلع قصايد من صُنعى
فيالله ندخل ع الثوره
الله الله يابدوى جاب اليسرى [/font][/size][/size]
عدل سابقا من قبل محمد البسيوني في الجمعة يوليو 29, 2011 11:46 pm عدل 1 مرات | |
|
| |
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: الأدباتـى ( لـلـتـواصـــل ) الجمعة يوليو 29, 2011 11:32 pm | |
|
الشاعر ناصر على كتب :
ادباتى ماشى على كيفى
والكلمة عندى تكون سيفى
تلاقينى اكتب شتا صيفى
واكتب كمان جوة وبرة
الله الله يابدو ى جاب اليسرا
محمد البسيونى رد :
طب بس خلينا ف جوه
وضع البلد مبقاش هوه
مطلوب من المجلس قوه
تجيب بقيِّة دى الزُّمره
الله الله يابدوى جاب اليسرى
| |
|
| |
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: الأدباتـى ( لـلـتـواصـــل ) الجمعة يوليو 29, 2011 11:42 pm | |
| Arial">
الشاعر ماهر حامد كتب :
ادباتي هل عليّنا وطل
دخل في زمرة زي الفل
شاعر وقلمه سحر الكل
وشكله حيحلي السهرة
الله الله ياناصر جاب اليسرى
محمد البسيونى رد :
من قِبلى يبقَى يحليها
أصل القصب مزروع فيها
وسُكَّرُه مغطى عليها
واهى جت لنا مِنُّه البذره
الله الله يابدوى جاب اليسرى
| |
|
| |
حمدى شبانة
من أصحاب المنتدي
عدد المساهمات : 501 تاريخ التسجيل : 07/05/2011 العمر : 61 الموقع : الـجــيــزة - أُم الدنـيــا
| موضوع: رد: الأدباتـى ( لـلـتـواصـــل ) الجمعة يوليو 29, 2011 11:45 pm | |
| أدبـــاتـى راســـــــى واجـعــانــى
م الـفـكــر أصــــبـحـت أعــــانـى
فـيـنــك يـا ســـعــد إنـت وهـانـى
مش عـارف اكـتـب ولا شــطــرة
الله الله يا بـدوى جــاب الـيـســرا
------------------------
راحــو الحـبــايـب وفــاتـونـــى
فـيـنـك يـاعــم يــا بـســــيــونــى
وأخـويـا مـاهـر ف عـــيـــونــى
يـارب اشــوفـكـو هـنـا بـُــكــرة
الله الله يـا بـدوى جــاب الـيـســرا
-----------------------
لـيـه أم مـدحــت تـُـهـْـجـُـــرنـــى ؟
يـابــو يـوســف أدخــل نـــوَّرنــى
يـااحــمــد يـاشــرقـاوى زورنــــى
يـا تـرجـعــوا يـا أعـــمــــل ثــــورة
الله الله يـا بــدوى جـاب الـيـســــــرا
-------------------------
سـامـحـنــى أخـى وصــديــقــى الأســتاذ
مـحـمـد الـبـســيـونـى
فـقـد شــاهـدتـك فـى الـمــوضــوع الآن
ولـكــن ســبـق الـســيـف الـعــذل
سـمــاح يـا أســتاذى
----------------------------------------------------------
| |
|
| |
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: الأدباتـى ( لـلـتـواصـــل ) الجمعة يوليو 29, 2011 11:53 pm | |
|
أنا م المحله جاى اجرى
واجب عملته وجيت دوغرى
لقيتكوا فاتحين ع البحرى
على طول بانت عينى الحمرا
الله الله يابدوى جاب اليسرى
| |
|
| |
حمدى شبانة
من أصحاب المنتدي
عدد المساهمات : 501 تاريخ التسجيل : 07/05/2011 العمر : 61 الموقع : الـجــيــزة - أُم الدنـيــا
| موضوع: رد: الأدباتـى ( لـلـتـواصـــل ) السبت يوليو 30, 2011 12:06 am | |
| - محمد البسيوني كتب:
أنا م المحله جاى اجرى
واجب عملته وجيت دوغرى
لقيتكوا فاتحين ع البحرى
على طول بانت عينى الحمرا
الله الله يابدوى جاب اليسرى
-------------------------------------------------
ونـا مـعــاك جــاى ومـصـحـصـــح
أدبـاتـى واعــى ...... ومـفــتــَّـــح
عــلـيـــك ..... أمـســِّـى وأصــبـَّــح
راجـل أصـيــل شـهــم وعــتــرة
الله الله يـا بسيونى جاب الـيـسـرا
________________
أستاذى الكريم
محمد البسيونى
أولاً سامحنى لأن الوزن بيخلينى أكتب إسمك بدون ألقاب
ثانـيــاً .. لـيـلـتـك فـُــل يـابــاشــا
مـنــور الأدبــاتـى
--------------------------------------
| |
|
| |
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: الأدباتـى ( لـلـتـواصـــل ) السبت يوليو 30, 2011 12:30 am | |
|
الكبير حمدى شبانه كتب :
ونـا مـعــاك جــاى ومـصـحـصـــح
أدبـاتـى واعــى ...... ومـفــتــَّـــح
عــلـيـــك ..... أمـســِّـى وأصــبـَّــح
راجـل أصـيــل شـهــم وعــتــرة
الله الله يـا بسيونى جاب الـيـسـرا
محمد البسيونى رد :
الله عليك انت ياباشا
ياجاتوه على وش بُغاشه
لمِّيتنا كلنا فى فلاشه !!
الله الله ياحمدى .. جبت اليسرى
| |
|
| |
حمدى شبانة
من أصحاب المنتدي
عدد المساهمات : 501 تاريخ التسجيل : 07/05/2011 العمر : 61 الموقع : الـجــيــزة - أُم الدنـيــا
| موضوع: رد: الأدباتـى ( لـلـتـواصـــل ) السبت يوليو 30, 2011 12:37 am | |
| - محمد البسيوني كتب:
الكبير حمدى شبانه كتب :
ونـا مـعــاك جــاى ومـصـحـصـــح
أدبـاتـى واعــى ...... ومـفــتــَّـــح
عــلـيـــك ..... أمـســِّـى وأصــبـَّــح
راجـل أصـيــل شـهــم وعــتــرة
الله الله يـا بسيونى جاب الـيـسـرا
محمد البسيونى رد :
الله عليك انت ياباشا
ياجاتوه على وش بُغاشه
لمِّيتنا كلنا فى فلاشه !!
الله الله ياحمدى .. جبت اليسرى
-----------------------------------------------
الله عـلـيــك ... وعــلــى قــولــك
أنـا ف عــرضــك وف طــولــك
يـانـجـمــة فـوق نـفـســى أطـولـك
نـورك يـاصـاحـبـى ولا الـقـمـَـرة
الله الله يـا بـســيــونـى جـاب الـيـســرا
---------------------------
حـمـد الله عـالـسـلامـة
والـبـقـاء لله
أطـال الله عـمــرك صـديـقـى الـجـمـيــــل
الأسـتاذ
مـحـمــد الـبـســيــونـى
----------------------------------------------------
| |
|
| |
الشاعر ناصر على
من أصحاب المنتدي
عدد المساهمات : 267 تاريخ التسجيل : 28/07/2011 العمر : 61
| موضوع: رد: الأدباتـى ( لـلـتـواصـــل ) السبت يوليو 30, 2011 12:47 am | |
| انا هشيلكم فى عيونى
ماهر _وحمدى _وبسيونى
ومنتظر والله تجونى
تلقوا الفطير فوق الصفرة
الله الله يا شعرا جيبتوا اليسرا | |
|
| |
حمدى شبانة
من أصحاب المنتدي
عدد المساهمات : 501 تاريخ التسجيل : 07/05/2011 العمر : 61 الموقع : الـجــيــزة - أُم الدنـيــا
| موضوع: رد: الأدباتـى ( لـلـتـواصـــل ) السبت يوليو 30, 2011 1:01 am | |
| - الشاعر ناصر على كتب:
انا هشيلكم فى عيونى
ماهر _وحمدى _وبسيونى
ومنتظر والله تجونى
تلقوا الفطير فوق الصفرة
الله الله يا شعرا جيبتوا اليسرا ---------------------------------------------------
عـلـى الـفـطــيــر بـقــا مــاتـقــولـِّـيـــش
مـعــاه عــــســـل أو جـبــنــــة قـــريـــش
أنـا ف هـــواك تـلاقـيــنــى درويــــــش
حـــتـبــقــى وجــبـــة ... مُـفـْـتــَــخــَــرة
الله الله يـا نـاصــر هــات الـسـُــفـــرة
-------------------------------
------------------------------------------------------------------
| |
|
| |
هانئ الجمل
من أصحاب المنتدي
عدد المساهمات : 26 تاريخ التسجيل : 29/06/2011
| موضوع: رد: الأدباتـى ( لـلـتـواصـــل ) السبت يوليو 30, 2011 2:45 am | |
| أدباتى وبحق يا ناصر جيت وشعرك لنا آسر تعرف بقى مين الخاسر اللى ميقراش لك مرة الله الله يا بدوى جاب اليسرا
معاك شهادة بأمانة كتير مخدوهاش ويانا ممضية من حمدى شبانة ان انت شاعر بالفطرة الله الله يا بدوى جاب اليسرا
منين يا ناصر من قبلى نورت لنا بحرى وقبلى شعرك دا قرص عسل جبلى حلاوته ربانى معتبرة الله الله يا بدوى جاب اليسرا
ومحمد البسيونى أستاذ شاعر وقلمه فيه إعجاز وحروفه لولى .. دهب.. ألماظ وكل حرف وفيه فكره الله الله يا بدوى جاب اليسرا
يا عم حمدى أنا وياك ع الندهه ودنى بتستناك يسعدنى دايما أبقى معاك تكتب لنا ونقعد نقرا الله الله يا بدوى جاب اليسرا
رمضان أتانا على الأبواب بألف خير عودا يااحباب يا ترى الأدباتى عمل له حساب وللا نخمن لنا فكرة الله الله يا بدوى جاب اليسرا
ياريت تنورنا يا حمدى علشان معاك نقدر ندى طبعا بقى انت هتبدى واحنا وراك معنى وفكرة الله الله يا بدوى جاب اليسرا | |
|
| |
الشاعر ناصر على
من أصحاب المنتدي
عدد المساهمات : 267 تاريخ التسجيل : 28/07/2011 العمر : 61
| موضوع: رد: الأدباتـى ( لـلـتـواصـــل ) السبت يوليو 30, 2011 10:58 am | |
| الاستاذ هانى الجمل كتب --------------
منين يا ناصر من قبلى
نورت لنا بحرى وقبلى
شعرك دا قرص عسل جابلى
حلاوته ربانى معتبرة
الشاعر ناصر على رد -------------------
انا من سوهاج والله ياهانى
مصرى من الغربة بعانى
لاقيتكو لولى ملفوف بحرير
ويالا بينا نعيش بكرة
الله الله بدوى جاب اليسا
| |
|
| |
الشاعر أبو هاشم الأخميمى
من أصحاب المنتدي
عدد المساهمات : 82 تاريخ التسجيل : 28/07/2011 العمر : 54 الموقع : سوهاج أخميم
| موضوع: رد: الأدباتـى ( لـلـتـواصـــل ) السبت يوليو 30, 2011 2:20 pm | |
| وانا ابوهاشم من أخميم ومن شعركم سامع ترانيم خلت فؤادى وروحى تهيم وحبيت جميع كل الشعراء الله الله يابدوى جاب اليسرا | |
|
| |
| الأدباتـى ( لـلـتـواصـــل ) | |
|