خيبة أمل

موضوع: خيبة أمل الجمعة مايو 27, 2011 7:43 pm

(خيـبة أمل)
حاخـْبَطْ دماغى فى حيط المحكمه بالليل
وارفع بايدى القرار مكتوب على منديل
وأغنىّ ع اللىّ هرب لو كان واخد اعدام
ازّاى هايرحل نظام سايب وراه كام ديل
,,,,
دعْوة لصنف النسا بدل الحَبـَل هانبـيضْ
علشان نظام البلد فيه الرجال بتحيض
اصل القانون عندنا راح يعدم الهَرْبان
وياخد براءة اللىّ كان ع الامر والتحريض
,,,,,
يا ام الشهيد افرحى ابنك طلع غلطان
من يوم مادفع التمن بشهادة الميدان
كان فاكر ان البلد حاتعود لأولادها
لقى اللىّ خدْها شبح بيحطم الانسان
,,,,,
والجدْر ماددْ وفارد فى البلاد سمّه
داير يـبَحْـتر فساد ولا حَدْ هايلمّه
يلخمنا فى الاستاد ونتوه مع الاعلام
وان كان على الاعدام ولا حدْ هايشمّه
,,,,,
خيـبة أمل يابلد بتلفىّ ع الفاضى
الجانى فيكى هربْ والمتهم قاضى
سيف العداله أمل عايشين على نوره
لو غاب ضميره يموت الطفل مش راضى
,,,,,
حوار ياوطنى ياشامل م الديول شلـّه
حتى ف مصير الاممْ نقعد ونـتسلــّه
هدّيتوا ليه عزمنا بوّظتوا أعصابنا
واليأس صابنا وأصحاب الشرف قٍلــّه
,,,,,
لو فاض عليّه الغاز هاعمللىّ شوّايه
واصنع طابور الجاز للخلق سهّايه
والجانى لو فى القفص هايبان بشكل جديد
كومبارس داخل حديد متغطىّ بملايه
,,,,,
يوم المحاكمه خراب فى كنيسه أو جامع
ويروح نظرنا لضباب مع كام واحد لامع
والجوْ يومها تلاقيه ع الحق غمىّ عنيه
والامن انده عليه يعمللىّ مشْ سامع
,,,,,
ماهى كات ماسورة فساد ومْتـَرْشقه فى الارض
لوّث خرابها العباد والفقر جه بالعرض
والحزب منها انـتشر وأخدله كام سكــّه
وفاضلْ لـُه تكــّه وهايـبـيعها عشان القرض
,,,,,
يامقسّمين البلد كوم الغلابه فين؟
ماتفكــّروش انهم ماتوا عشان ساكتين
دا الشرع حدّدْ نصيب للىّ حضر مقسوم
وهمّا كومهم هموم لازم يسدّوا الدّين
,,,,,

موضوع: رد: خيبة أمل الجمعة مايو 27, 2011 8:52 pm

شــاعــر التـوتــة

الأســـتاذ

ســعـد الـشــرقـاوى

والله يـاخـال الأحـوال ف الـبـلـد مـتـدهــورة قـوى

لـكــن الأمـل إن الأمــور تـتـعـدل وتتـحـــسِّـن ...

وأنـا شــايـف الـلـى إنـت شــايـفــه ومـكــتـئــب زيـَّـك

تـعــرف إنـى كـنـت مـخـطـوف فـى مـيـكــروباس مـن أربـع أيــام

ف عـز الضـهـــر طلعوا علينا بلطجية وخطفوا الميكروباس

والحمد لله ربنا سـتر وسابـونـا نـروح

كـلامــك جــه عـالجــرح والـوجـيـعـــة

تـســلـم إيـديــك يـا شــاعـر يـا كـبـيـــر

لـك مـنــى كــل الـمــودة
حمدى شـبـانــة

-------------------------------------------------------------------------------------------------------------------------------------------

موضوع: رد: خيبة أمل الجمعة مايو 27, 2011 11:35 pm

عمى سعد الشرقاوى
شكرا سيدى الكريم
استجابتك لى
وقيامك بنشر هذه القصيدة هنا وهناك
فأنت شاعر كبير
لا يجوز أن توقف نبض قلمك من أجل أى شىء
ولابد من سير القافلة بأى ثمن
كلمات جميلة ورائعة تكشف الواقع بكل آلامه
ومش عارف خكاية ضرب النار اللى باسمعها ليلاتى
ضرب نار كثيف ومخيف
العيال بيسألونى أيه ده يا بابا
بقول لهم رحلة صيد
وربنا يسترها
منتظرين الخير
كل ودى

موضوع: رد: خيبة أمل السبت مايو 28, 2011 12:21 pm

ماهى كات ماسورة فساد ومْتـَرْشقه فى الارض
لوّث خرابها العباد والفقر جه بالعرض
والحزب منها انـتشر وأخدله كام سكــّه
وفاضلْ لـُه تكــّه وهايـبـيعها عشان القرض
,,,,,

الشاعر الكبير

الاستاذ سعد الشرقاوي

هذا النص استوقفني كثيرا

حيث اني حاولت ان اقتبس منه اجمل ما فيه

وجدت النص قالب متكامل

وصور فنيه لا يستطيع ان يركبها غير شاعر

له باع طويل

نص يرصد حال مصر بكل ما فيها

وعدة رسالات بلهجه لاذعه وساخرة

الله عليك ايها الفنان الكبير

كل مودتي وتقديري

.

موضوع: رد: خيبة أمل السبت مايو 28, 2011 4:26 pm

سعد الشرقاوى كتب:: (خيـبة أمل)
حاخـْبَطْ دماغى فى حيط المحكمه بالليل
وارفع بايدى القرار مكتوب على منديل
وأغنىّ ع اللىّ هرب لو كان واخد اعدام
ازّاى هايرحل نظام سايب وراه كام ديل
,,,,
دعْوة لصنف النسا بدل الحَبـَل هانبـيضْ
علشان نظام البلد فيه الرجال بتحيض
اصل القانون عندنا راح يعدم الهَرْبان
وياخد براءة اللىّ كان ع الامر والتحريض
,,,,,
يا ام الشهيد افرحى ابنك طلع غلطان
من يوم مادفع التمن بشهادة الميدان
كان فاكر ان البلد حاتعود لأولادها
لقى اللىّ خدْها شبح بيحطم الانسان
,,,,,
والجدْر ماددْ وفارد فى البلاد سمّه
داير يـبَحْـتر فساد ولا حَدْ هايلمّه
يلخمنا فى الاستاد ونتوه مع الاعلام
وان كان على الاعدام ولا حدْ هايشمّه
,,,,,
خيـبة أمل يابلد بتلفىّ ع الفاضى
الجانى فيكى هربْ والمتهم قاضى
سيف العداله أمل عايشين على نوره
لو غاب ضميره يموت الطفل مش راضى
,,,,,
حوار ياوطنى ياشامل م الديول شلـّه
حتى ف مصير الاممْ نقعد ونـتسلــّه
هدّيتوا ليه عزمنا بوّظتوا أعصابنا
واليأس صابنا وأصحاب الشرف قٍلــّه
,,,,,
لو فاض عليّه الغاز هاعمللىّ شوّايه
واصنع طابور الجاز للخلق سهّايه
والجانى لو فى القفص هايبان بشكل جديد
كومبارس داخل حديد متغطىّ بملايه
,,,,,
يوم المحاكمه خراب فى كنيسه أو جامع
ويروح نظرنا لضباب مع كام واحد لامع
والجوْ يومها تلاقيه ع الحق غمىّ عنيه
والامن انده عليه يعمللىّ مشْ سامع
,,,,,
ماهى كات ماسورة فساد ومْتـَرْشقه فى الارض
لوّث خرابها العباد والفقر جه بالعرض
والحزب منها انـتشر وأخدله كام سكــّه
وفاضلْ لـُه تكــّه وهايـبـيعها عشان القرض
,,,,,
يامقسّمين البلد كوم الغلابه فين؟
ماتفكــّروش انهم ماتوا عشان ساكتين
دا الشرع حدّدْ نصيب للىّ حضر مقسوم
وهمّا كومهم هموم لازم يسدّوا الدّين
,,,,,

أولا .. الله الله ياأستاذ سعد كلمات فى منتهى الروعة بجد

ثانياً والله عند حضرتك حق البلد مبقتش بلد

يا ام الشهيد افرحى ابنك طلع غلطان
من يوم مادفع التمن بشهادة الميدان
كان فاكر ان البلد حاتعود لأولادها
لقى اللىّ خدْها شبح بيحطم الانسان

أضحك ولا أعيط وانا بسمع الكلام ده

ربنا ينتقم من الظالم

أسعدنى كثيراً قراءة هذا النص الرائع

دمت بكل خير

تحياتى

موضوع: رد: خيبة أمل الخميس يونيو 09, 2011 12:25 pm

حمدى شبانة كتب:: شــاعــر التـوتــة

الأســـتاذ

ســعـد الـشــرقـاوى

والله يـاخـال الأحـوال ف الـبـلـد مـتـدهــورة قـوى

لـكــن الأمـل إن الأمــور تـتـعـدل وتتـحـــسِّـن ...

وأنـا شــايـف الـلـى إنـت شــايـفــه ومـكــتـئــب زيـَّـك

تـعــرف إنـى كـنـت مـخـطـوف فـى مـيـكــروباس مـن أربـع أيــام

ف عـز الضـهـــر طلعوا علينا بلطجية وخطفوا الميكروباس

والحمد لله ربنا سـتر وسابـونـا نـروح

كـلامــك جــه عـالجــرح والـوجـيـعـــة

تـســلـم إيـديــك يـا شــاعـر يـا كـبـيـــر

لـك مـنــى كــل الـمــودة

حمدى شـبـانــة

-------------------------------------------------------------------------------------------------------------------------------------------

الاخ الاستاذ
حمدى شبانه
وكا لعادة
نستأنس بمروركم
ونسعد بتوقيعكم
ونعتز بحرفكم
وكلماتكم الندية
دمت اخا حبيبا
ودامت محبتكم
جزاكم الله خيرا
ولا حرمنا منكم
خالص تحياتى