أفضل 10 أعضاء في هذا الأسبوع | |
| | انا وجدتى | |
| | كاتب الموضوع | رسالة |
---|
سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: انا وجدتى الخميس ديسمبر 29, 2011 3:10 pm | |
| (أنا وجدّتى) سعدالشرقاوى قولت ياجدّه حا المْ العدّه وقبل النوم تحكيلى حدّوته أنا ملــّيت من شـُغل الغيط وأنين الساقية وضل التوته
قالت يابنى ياريت تسمعنى وتسهريعنى بلاش النوم أصل عنيّه بعافيه شويّه من التقليّه وقشر التوم
وجيبت الماصفه عملت الوصفه وراطه عليهم صُرّة لابخه وانت ياعيّل يالله اتـنيّل حا تبوّظلى ياواد الطــّبْخه
قولت ياجدّه حاتعمل مِدّه وحا تضيّعلك سحر عنيكى وتبقى عواله وحالتك حاله مافيش رجاله تبص عليكى
جات مخزيّه وشخطت فيّه وقالت بـَسْ اخرسْ يامنيّل عايش خيبه ماتدرى العيبه ما انت حاتفضل عمرك عيّل
قولت ياحول الله مش قصدى اوعى ياجدّه تكونى زعلانه كله يحب العين وخصوصا لمّا تكون ساهته ودبلانه
وانا مش شايف او مش عارف ليه العين بالزات حبوها ؟ واللىّ عيوبها لحد كعوبها لآجل عيونها الناس خطبوها
يعنى النقطه الواحده تفرّق بين العين والعيب ياخوانـّا يبقى بلاش النون من أصله وعند الباء نعدل احوالنا
شوفى ياستى ان كان يرضيكى وفكرة كل الناس معقوله أنا حاتجوّز واحده أصيله لو كات عوره ياجدّه وحوله ,,,,,,
عدل سابقا من قبل سعد الشرقاوى في السبت ديسمبر 31, 2011 1:01 am عدل 1 مرات | |
| | | حسن النجار
من أصحاب المنتدي
عدد المساهمات : 58 تاريخ التسجيل : 17/12/2011
| موضوع: رد: انا وجدتى الخميس ديسمبر 29, 2011 6:10 pm | |
| كل الناس بتشوف الاصل وتجرى عليه كدة بالمشوار دور مهما تدور برضو واوعاك عنه فى يوم تحتار زوجة اصيلة بتحفظ غيبتك وان يوم عيبت تدارى فى عيبتك فى عز الزنقة واقفة معاك وبكلمته بتحفظ هيبتك ,,,,,,,, عمنا الكبير اوى وشاعرنا الاكثر من رائع سعد الشرقاوى احييك على جديد ابداعاتك ودائما فى تالق ننتظر المزيد لكى نتمتع اكثر ونتعلم اكثر تحياتى وتقبل مرورى | |
| | | حمدى شبانة
من أصحاب المنتدي
عدد المساهمات : 501 تاريخ التسجيل : 07/05/2011 العمر : 61 الموقع : الـجــيــزة - أُم الدنـيــا
| موضوع: رد: انا وجدتى الخميس ديسمبر 29, 2011 7:34 pm | |
| الـصـديـق الـشــاعــر الأســتـاذ
سـعــد الـشــرقــاوى
وكـأنـك تـرفـض أن يـرحـل هـذا الـعـام دون أن تـخـتـمــه بـرائـعــة مـن روائـعــك أنـا وجــدتـى
والله الـعـظـيــم فـكــرتـنـى بـأسـتـاذ كـتـابـة الـمـنـلــوج عـمـنـا أبـو الـسـعــود الأبـيـارى أنـا هـنـا شـايـف كـل أركـان الـمـنـلــوج يـاريـت لـوأسـتـاذنـا مـحـمـد الآلاتـى يـلـحـنـهـا ويـغـنـيـهــا أى حـد إن شـالله حـمـدى شـبـانـة عـلـى فـكــرة أنـا كـنـت زمـان مـنـولـوجـســت بـس مـاتـقـولـش لـحـد مـلـحـوظــة : بـجـد يـاعـم ســعـد هـيَّـة سـتـَّـك لـسـة عـايـشــة دا إنـت أكـبـر مـنـى يـاراجـل وأمـى مـاتـت مـن عـشـريـن سـنـة
ربـنـا يـكـرمـك يـا شـاعـرنـا الـكـبـيـر الأسـتـاذ سـعــد الـشــرقـاوى سـلـمـت وسـلـم قـلـمـك الـمـبـدع
لـك مـنـى كـل الـمــودَّة حـمــدى [/b]--------------------------------------------------
| |
| | | ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: انا وجدتى السبت ديسمبر 31, 2011 2:12 am | |
| هههههههههههههه
الله الله ياكبير
بجد رائع أنت وطعم كمان
مودتي
ربما أعود
أعملك جدّه جدّه ما تعرفش المونوكير ولا حتى حبوب التغيير شقيانة في البيت محتاسة في هدوم جوزها والتنشيير
| |
| | | محمد عبد الواحد شاعر
عدد المساهمات : 220 تاريخ التسجيل : 14/07/2011
| موضوع: رد: انا وجدتى السبت ديسمبر 31, 2011 8:16 pm | |
| الرائع سعد الشرقاوي
رائعة كما عودتنا
وكل عام وأنت بخير
وشاعر جميل
| |
| | | سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: انا وجدتى الأحد يناير 01, 2012 12:48 pm | |
| - حسن النجار كتب:
كل الناس بتشوف الاصل وتجرى عليه كدة بالمشوار دور مهما تدور برضو واوعاك عنه فى يوم تحتار زوجة اصيلة بتحفظ غيبتك وان يوم عيبت تدارى فى عيبتك فى عز الزنقة واقفة معاك وبكلمته بتحفظ هيبتك ,,,,,,,, عمنا الكبير اوى وشاعرنا الاكثر من رائع سعد الشرقاوى احييك على جديد ابداعاتك ودائما فى تالق ننتظر المزيد لكى نتمتع اكثر ونتعلم اكثر تحياتى وتقبل مرورى
سندبادنا الجميل اخى الاستاذ حسن النجار مرورا طيبا اسعدنى وتواصلا رائعا دمتم ودام ابداعكم لكم كل تقديرى وكل عام وانتم بخير
| |
| | | عزة الزرقاني
من أصحاب المنتدي
عدد المساهمات : 816 تاريخ التسجيل : 22/06/2011
| موضوع: رد: انا وجدتى الإثنين يناير 02, 2012 7:41 am | |
| والله ما تلقى ابدا غيرها
حد يحلك ولا ماثلها
أصلها حب وغالى حقيقى
ولا يمكن تقدر على تبدلها
| |
| | | | انا وجدتى | |
|
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |