الفراق

لو يوم فقدت المشاعر

يبقى الامان راح منك

وان يوم خسرت الحبايب

يبقى الدفا غاب عنك

معرفش ليه الحنين

سارق خطاوينا

لما الامان يلمحه

يجرى قوام بينا

نتبع خطاوى الفراق

وف صمت مدارى

نرحل نلم ف اساه

ف مكابره وتعالى

تشوف هدوئك وصمتك

تدمع عيونك تبوح

يتلاشى نبضه ف قسوتك

وبحزن قلبك يروح

شعوره مؤلم داخلنا

نقيمه ولا يغادرنا ؟

مرارته جوة السهاد

دايبه بتزيدك عناد

ياخدك فراقك ف نزهه

جميله بتفرد كنوزها

اماكن غريبه وحدودها

شواطىء بعيده بورودها

تلون تكسر وترمى

كأنك ف مرمى التمنى

كانك بادلت الحقايق

بسعاده ف قلبك ودايق

تحلق بروحك وتهدى

نشوه تهز الخلايق

وبدمعة ف عينك بتدعى

ياريت ماترحل تفارقِ

•••
ابتســــام