يااهل الهوى

موضوع: يااهل الهوى الأحد يناير 01, 2012 10:04 pm

[size=21]يا أهل الهوى

سألت أهل الهوى
فين سكة المحبوب
قالولى شوفلك دوى
دى الفرقه شئ مكتوب
صرخـْت من ألمى
وتاهتْ حروف قلمى
والحب لا بيعْدل
ولا ينصف المغلوب

,,,,,

مظلوم يا أهل الهوى
وأشكى لمين حالى؟
ومنين أجيب الدوى
والكل عزّالى؟
بانده على الأيّام
بتقولىّ تدفع كام
آدى آخرتك ياغرام
لو يوم ملكت قلوب

,,,,,,

ايه ذنبى ايه يازمان
أدفع تمن حبىّ
تجازينى بالحرمان
لمّا انكسر قلبى
تغدر ولا تهدّى
وتقولىّ مابيدىّ
العيب طلع عندى
والحظ بالمقلوب

,,,,,

حانسى اللى كان يازمان
وأتحدّى أيّامى
ماقدرش أعيش فى هوان
والفرحه قدّمى
تشبع عيونى منام
وأغنىّ للأيام
واصنع بايدى غرام
م الاصلى مشْ مضروب

[/size]

الله الله الله

على روعة الكلمات

والفن الاصلى الجميل

اللى بيشجى القلوب

وأصلى مش مضروب

تحبتى غاليتى الجميله

القديرة ام مدحت

ملحوظه

تثبت بواسطتى

لروعة الحرف

ست الكل الشاعرة الكبيرة المحترمة ام مدحت
انتى شاعرة متميزة وكلامك حلوة
قصيدة بها كلام جميل وصادق من القلب
كى يصل الى القلب
اخيكى حلمى

الـشــاعـرة الـمـبـدعــة
الأســتـاذة
أم مــدحـــت

أهــل الـهــوى ..رائـعــة جـديـــدة مـن روائـعــك
الـكـلـمـة الـجـمـيـلـة أنـتـى عـنـوانـهـــا
والـمـعـانـى الـرقـيــقــة نـراهـا فـى قـصـائـدك

شـكــراً يـا شــاعــرة
حـمــدى

=========================================================

الشاعرة الكبيرة مقاما
والاخت العزيزة على قلوبنا
ابداعك ليس بجديد علينا
نتمنى لك دوام الرفعة والصحة فى الحياة
ورائعة كما تعودناك فلا تحرمينا من روائعك
تحياتى وتقبلى مرورى

.......

الأستاذة الرائعة دائما

الشاعرة أم مدحت

دائما نجد الابداع والمتعة تتخلل سطورك

كل مودتي

» الهوى