حسن النجار
من أصحاب المنتدي
عدد المساهمات : 58 تاريخ التسجيل : 17/12/2011
| موضوع: وحدى..والقلم..نتحاور الثلاثاء يناير 17, 2012 9:40 pm | |
| ماسك قلمى كانه جريح ممسوك باديه بيقطر دم حبره بيكتب فوق الورقة بعض الحزن ويرسم هم يكتب اسوة خالى عليا وظلم الناس وظلم العم يحسب من احزانى ما عارف يحسب اية او يحسب كم يرسم فوق الخد عيون دبلانة ويرسم دمعة يغزل من كلماته التوب ويغزل طرحة يرسم صحرا كبيرة عليا اتوه جواها عمره فى يوم ما بيرسم فرحة عمره فى يوم ما بيرسم ثمرة ممكن يرسم شجرة شوك ممكن يكتب ع الغزوات من لبنان لحرب تبوك وان يوم اكتب بيه فى حبايبى يقلى خلاص مشيوا وسابوك قلت يا قلمى اهلى وناسى قلى بيبيعو ويشتروا فيك قلت يا قلمى اصحابى كتير قلى انا واحدى كفاية عليك قلت ارحمنى شوية يا قلمى قلى براحتك ايه يرضيك قلت بلاش كتر الاحزان ننسى الدنيا وننسى الاسوة وننسى الهم وكل ما كان نبعد عن اشرار الناس اكيد للخير فى الدنيا مكان فيه اللى يحط الدمعة فى عينك وفيه اللى يشيل عنك احزان ضحك وقلى يا صاحبى خلاص الاحزان انا خدت عليها عاوز تجرى ورا الافراح عمر بحاله مشينا اليها حتى الدنيا (30)عام ليل ونهار بنحايل فيها حزنى ده منك شلته وشلت معاه جبال حتى كتبته بحبرى فى شعرك والازجال قالو الناس بانك شاعر حزن وللاحزان زجال واما الحبر اتغير لونه ولونه اسود بعدوا الناس عنك وسابوك فى عز جراحك ما لقيت حد عمرك شفت فى عز احزانك ايد بالفرح اليك تتمد واما فى يوم احتجت اليهم قاموا وعملوا بينك وبينهم الفين سور ومليون سد مش عارفين ان الحبر لونه اتغير م الاحزان سمعنا زمان من اهل زمان كتر الحزن يبكى العين واحنا العمر بحاله معانا حزن وجرح مرار وانين انسى يا صاحبى مفيش م الناس حد يقلك رايح فين ولا فيش حد يمد ايديه ويمسح دمعة قلب حزين حتى فى يوم ان جف الدمع بينا وبين الفرح سنين بينا وبين الفرح سنين
.........
| |
|
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: وحدى..والقلم..نتحاور الثلاثاء يناير 17, 2012 11:38 pm | |
| عمرك شفت فى عز احزانك ايد بالفرح اليك تتمد واما فى يوم احتجت اليهم قاموا وعملوا بينك وبينهم الفين سور ومليون سد
الله على عمق المعني
الشاعر الأستاذ
حسن النجار سبحت معك ومع قلمك بكل نبضاتة
اسمحي لي
بتثبيتها على الصفحة الرئيسية
كل مودتي
| |
|