| أنا الغالية | |
|
|
كاتب الموضوع | رسالة |
---|
مديحة رشدى
مشرف
عدد المساهمات : 381 تاريخ التسجيل : 10/08/2011 العمر : 61
| موضوع: أنا الغالية الجمعة فبراير 17, 2012 2:57 pm | |
|
أنا الغالية ******* أنا مصر واما اقولها تهتز الأرض لمكانتى طول عمرى زى الجبل مين يقدر على مهانتى عشت آلاف السنين .. مين إلى يضعفنى بعد طوفانك يانوح ايه ممكن يخوفنى؟ كنت سكن المؤمنين ودعوتك لأم البلاد وأرض الطيبين ماإنت اللى سميتنى أنا أم الدنيا من يومى وتشهد على الكلام هاجر ووصى علىٌَ الآمين ماانا صاحبه رحم ودين لانفع معايا تتار ..ولا صليبيين وولادى شموس.. فى السما وفى الوجود عاليين خير جنود الأرض والعالمين أنا الغاليه ... راسى فى السما عاليه حرة بولادى.... وعمر الحرة ماتطاطى ياما مشيت على الأحزان وعطشانة لبر أمان وريقى نشفه الحرمان منافقين... عاملين فيها عيالى جرحوا فيٌَ وخانونى ياريت من ميلادهم يمسحونى قالوا انى امهم طب ليه قطعونى ومن حر دمى عبوا منى وباعونى خفت على .. بحرى...اهراماتى ...قنواتى ...حضاراتى شفتهم من رحمى من غير رحمه بينزعونى ولاهمهم.. لو كان مماتى لما قصوا شعرى غصب عنى وباعوه... وقطعوا جلدى حتى كبدى ضنايا ضيعوه صرختك صحتنى يابنى وانا نايمة ..تعبااااااانه ولسانى يادوب قايمة ماانا نايمة من سنين يااامة حقنتنى حقنه وريد وقلت يامٌُة ده يوم جديد فوقت من مرضى ومسحت دموعى وكنت لسه لفه ضنايا شهيدى مكفناه بقلبى وضلوعى رفعت عنى سحابه عميانى سنين وسنين أحلى سنين العمر ضاعت على ايدين فاسدين قربت اوصل لشطى ولبر الأمان إياك تسيبنى يابنى وتلوعنى بالحرمان هتقولى خليكى وحدك دى فوضى وإنفلات هوحبك ليَُه .. ليه زهدته وقلت خلاص ده راح ومات أنا أمك وايه ذنبى ..؟ ده انا ربيت وما تهنيت وفى الآخر تسيبلى البيت ده انت ضنايا ومنى عينى ومين غيرك هيرضينى سلفى إخوانجى ... وسطى علمنجى مين فيهم هيحمينى؟ مين فيهم يغطينى ؟ ضامن ضميرهم ... ؟ واثق أوى من نواياهم .. ؟ مش هتكون خايف علىًٌ لما تسيبنى ... وحدى وياهم ...؟؟؟ فكرت مين فيهم هيحكمنى... مين هيحفظ كرامتى ..؟ ويتوجنى ويصونى عايزاه يكون كريم ميحرمنيش من قوتى وميكونش لئيم ويخافنى فى كلامى وسكوتى عايزاه شجاع مش بياع ويخاف على أرضى .. على عرضى ويرجع لحضنى كل اللى ضاع يرفع للعدل رايه فى كل مكان ويعوض ولادى ابشع سنين حرمان عايزاه يقدر يكون إنسان وعمره ماينسى مهما كان ِِِِِِ أنا الغاليه ..أم الدنيا عظيمة فى كل خرائط الأزمان
| |
|
| |
يوسف ابو زينة
من أصحاب المنتدي
عدد المساهمات : 52 تاريخ التسجيل : 07/12/2011
| موضوع: رد: أنا الغالية السبت فبراير 18, 2012 9:59 pm | |
| تسلمى ياغالية
الله ينور عليكى
تحياتى | |
|
| |
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: أنا الغالية الثلاثاء فبراير 21, 2012 7:57 pm | |
| الله عليكي استاذة مديحة
على مشاعرك واحساسك بالوطن
ياريت يكون لمصباح جزء ولو بسيط
حتى يضيىء
كل مودتي
| |
|
| |
مديحة رشدى
مشرف
عدد المساهمات : 381 تاريخ التسجيل : 10/08/2011 العمر : 61
| موضوع: رد: أنا الغالية الأربعاء فبراير 22, 2012 6:23 pm | |
| شكرا ذوقك ورأيك الذى أسعدنى أستاذ/ يوسف ...
تسلم دائما شاكرة فضلك
الأستاذ/ الفاضل / ماهر حامد ....
تسلم دائما أعلم أنى لست متواجده دائما
... وأعلم أنك تعذرنى لكثرة مشاغلى
لكنى لا أستغنى ابدا عن المصباح الذى يضىء بوجود حضرتك
وصحبه رائعة سلمتم جميعا .... شكرا لك
| |
|
| |
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: أنا الغالية الأربعاء فبراير 22, 2012 6:45 pm | |
|
إبنتنا الغاليه مديحه هانم رشدى
تحياتى
أولا لى الحق أن ألومك على هذا الهجرللمصباح كل هذه لفترة .
ثانيا لك الحق أنتِ أيضا أن تلومينى لأنى كنت بعيدا مثلك لفترة طويلة
( واحده بواحده يعنى بصره)
سعدت بوجودك اليوم على صفحة المنتدى ، وسعدت أكثر لقراءة هذا النص الوطنى الجميل .
على فكره أنا خلصت من عندى عبارات الإستحسان وانتِ اللى خلصتيها على روائعك
كفايه أقول الله يفتح عليكى . نص جميل ولكنى أطلب منك إعادة المرور عليه ليزداد جمالا .
تقبلى تحياتى .
| |
|
| |
مديحة رشدى
مشرف
عدد المساهمات : 381 تاريخ التسجيل : 10/08/2011 العمر : 61
| موضوع: رد: أنا الغالية الأربعاء فبراير 22, 2012 7:04 pm | |
|
تسلم أستاذى ومعلمى الفاضل / محمد البسيونى
دائما أنتظر رأيك لأسعد بختم الجوده والمرور
شكرا لك وأتبع دائما نصائحك ولك كل الفضل فى تشجيعى على الأستمرار
| |
|
| |
ربيع محمد عبد الناصر
عدد المساهمات : 13 تاريخ التسجيل : 14/03/2012 العمر : 54 الموقع : اسيوط
| موضوع: رد: أنا الغالية الخميس مارس 15, 2012 7:55 pm | |
| | |
|
| |
مديحة رشدى
مشرف
عدد المساهمات : 381 تاريخ التسجيل : 10/08/2011 العمر : 61
| موضوع: رد: أنا الغالية الأربعاء أبريل 11, 2012 2:28 pm | |
| الأجمل مرورك .. توجنى..........
استاذى الفاضل / ربيع
سلمت وشكرا ذوقك .. دمت بخير
| |
|
| |
سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: أنا الغالية الأحد أبريل 22, 2012 9:45 am | |
| ومصر تتحدث عن نفسها بقلم الشاعرة الاستاذة مديحه رشدى بارك الله فيكم خالص تحياتى | |
|
| |
مديحة رشدى
مشرف
عدد المساهمات : 381 تاريخ التسجيل : 10/08/2011 العمر : 61
| موضوع: رد: أنا الغالية الجمعة مايو 04, 2012 10:06 pm | |
|
رائعة رؤيه حضرتك .. نظر ثاقب ..أستاذى العملاق/ سعد الشرقاوى وجودك بعد حرفى شرف كبير أرجو من الله أن لا يحرمنى منه ... شكرا استاذى
| |
|
| |
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: أنا الغالية السبت مايو 05, 2012 10:55 am | |
|
ومين الأغلى يابلـــــدى على قلبى
ومين غيرك أقدم له .. فروض حبى
(كلاب) سعرانه شايله الحقد فى كروشها
وعاوزه تعُض فى الثوره ، وفى جيشهـا
تصونها وتحرس اولادها يابارى الكون
ياربى ......................................
محمد البسيونى
| |
|
| |
| أنا الغالية | |
|