ابقى قابلنى

موضوع: ابقى قابلنى الأحد مارس 25, 2012 10:40 am

(ابقى قابلنى)

ابقى قابلنى ف تلاتين سته

نشوف الدوله دى رايحه لفين

كلمة قالوها اهل الحته

لصاحبى الفقرى اللى اسمه حسين

,,,

وحسين طول العمر بيرغى

ويوجع راسى بميت حدّوته

ولمّا اسيب له البيت واتمشىّ

بيـْيجى ورايا تحت التوته

,,,

مرّه يقول لى وزارة الصحة

دورها يزيد فى العيشه المرّه

فاضيه مافيها علاج للكحّه

وحتى الابره تكون من برّه

,,,,

أصل علاجهم من غير فايده

وحاجه قديمة تاريخها معدىّ

ونص الشعب بكبد وزايده

وفايرس صعب ورحمة جدىّ

,,,,

ومرّه يقول لى وزير العدل

ما بتـّشْ لسّه ف أىّ قضيّه

وأسرع واحده بتوع امريكا

أخدوا براءه ف شربة ميّه

,,,,

وكل وزير مسئول فى مجاله

ينكـّدْ عيشة كل مواطن

لمّا نشوف الدوله بحالها

اتباعت للمحاسيب م الباطن

,,,,

ولو يختاروا اى حكومه

لازم فى التخريب هاتشارك

لمّا الكل ساعتها حا يبكى

ويقول ماله حـُكم مبارك

,,,,,

علشان نندم على ثورتنا

لمّا يقولوا مافيش ميزانيّه

وراح يلهونا بجازنا وقوتنا

وبكره يسدّوا علينا المايّه

,,,,

قولت له يخرب بيت أيّامك

انت لديمه تعكــّر دمىّ

واللا مافيش غير انا قدّامك

كل شويّه تزوّد همىّ

,,,,

روح فى نصيبه وابعد عنىّ

واخزى شطانك فـُضــّها سيره

دانا م الثورة يا واد مستنى

لمّا كرهت الناس والجيره

,,,,

راح منطور ومشوّح ليّّه

وقال مش ناقص أىّ موشــّحْ

كل ما اجيلك تشخط فيّه

ورحمة امى لازم اترشــّح

,,,,,

خللانى خدت ياناس على خاطرى

وقولت يامصر الله يجازيكى

لو ماقدرتش امسك نفسى

لازم ابكى شويّه عليكى

,,,,

موضوع: رد: ابقى قابلنى الأحد مارس 25, 2012 1:33 pm

ايوه قلت ارشح نفسي
لجل نعيش انا وانت وهي
عجبك يعني ما وصلنا إليه
ووقعنا في فخ الحرامية
ولا راضي بالشبيحه
وعصابة توفيق عجمية
ايه كان نابك ياشاعر التوته
من ثورة فوايدها ما هيّه
رفعوا معاش ابن الغلبان
وادولوا شرط وجلبيه
وكمان رفعوا سعر البصله
وبتشاورا في رفع الملوخية
رد عليه وقول لي ياشاعر
ولك عندي أكله انما هيّه

حبيب جلبي والله وحشني محركاتك ياكبير

اظن كدا قلت رأي تفاعلا

صباح الفل

منتظر ردك

موضوع: رد: ابقى قابلنى الأحد مارس 25, 2012 6:53 pm

إبـقـا قـابـلـنـى ..... يـوم تـلاتـيــن

مـن الـيـوم دا يـاسـعـد انـا خـايـف

جــايــز حـلـو ؟ وجـايـز طـيــن ؟

حـيـكـون إيــه ؟ والله مانـا عارف

الـصـديـق الأســـتـاذ

سـعــد الـشــرقــاوى

كـعـادتـى أتـواصـل مـع كـلـمـاتـك

وكـعـادتـك أبـدعــت فـى كـلـمـاتـك

ربـنـا مـايـقـطـعـش لـيـنـا عـــادة

تـقـبـل مــودَّتـى
حـمــدى

عدد المساهمات : 13 تاريخ التسجيل : 26/03/2012

أستاذى الغالى عمدة التوته سعد الشرقاوى
الله عليك وعلى توقعاتك العقلانيه
سطرت بقلمك المبدع ما أتوقعه فى تلاتين سته
دائما مبدع سلمت يداك ودام الأبداع
خالص تحياتى وتقديرى

إبقى قابلنى .. يوم تلاتين

إيه يعنى حيزيد فى حياتنا

العيش راح يبقى بكوابين

و(سنحيا كراما) (بخيبتنا) !!

عمنا الكبير الحاج سعد الشرقاوى

واحشنى يامحترم ، أدينا كل يوم نسمع شعارات

(نحمل الخير لمصر ) و(سنحيا كراما ) ولسه ياما

حانسمع .. المهم اننا نسمع وبس !!

كان زمان يقولولنا بتوع الاتحاد الاشتراكى بتوع

كلام ، مش بتوع شغل ، إنت عارف النكته دى ؟

والزمان بيعيد نفسه ياصاحبى.... بس ( بدقن المرَّه دى) !!!

ولك الله يامصر .

موضوع: رد: ابقى قابلنى السبت مارس 31, 2012 1:40 am

تـثـبـت بـمـعـرفـتـى

تـكـريـمـاً لـلـشـاعـر الـكـبـيـر

سـعــد الـشـرقـاوى

موضوع: رد: ابقى قابلنى السبت مارس 31, 2012 2:28 pm

الله عليك تسلم ياشاعرنا الكبير

راااااائعه لدرجه البكاء على مانحن فيه من مرار

سلمت يداك ... استاذى الشاعر/ سعد الشرقاوى

موضوع: رد: ابقى قابلنى السبت مارس 31, 2012 6:19 pm

ماهر حامد كتب:: ايوه قلت ارشح نفسي
لجل نعيش انا وانت وهي
عجبك يعني ما وصلنا إليه
ووقعنا في فخ الحرامية
ولا راضي بالشبيحه
وعصابة توفيق عجمية
ايه كان نابك ياشاعر التوته
من ثورة فوايدها ما هيّه
رفعوا معاش ابن الغلبان
وادولوا شرط وجلبيه
وكمان رفعوا سعر البصله
وبتشاورا في رفع الملوخية
رد عليه وقول لي ياشاعر
ولك عندي أكله انما هيّه

حبيب جلبي والله وحشني محركاتك ياكبير

اظن كدا قلت رأي تفاعلا

صباح الفل

منتظر ردك

اخى الغالى

الاستاذ ماهر حامد

اشكر لكم مروركم الطيب

وتواصلكم الرائع

فلكم كل تقديرى

» ابقى تعالى بالليل