صارحينى يا أمى

الأستاذ ماهر حامد
أشكرك على هذا الأستقبال الجميل
وأسعدنى مروركم الكريم على نصى المتواضع
خالص تحياتى

القدير الأستاذ حمدى شبانه
أشكركم مروركم المعطر بالجورى
ويشرفنى تواجدى بينكم فى أى مكان أنتم فيه
وأكرر شكرى على حسن الأستقبال
وأتمنى أن تسعدوا بوجودى بينكم وأن أكون عند حسن ظنكم
خالص تحياتى وتقديرى لشخصكم المحترم

الشاعر السعيد جميل الزهرى كتب تحت عنوان صارحينى يا أمى :



لما أنتى أمى يا بلد يبقى أبويا مين
خلفتى منـّه كام ولد وخواتى مش باينين
أوعك تقولى أنـّه مات ف الحرب علشانِك
وأنتى بحنانك ضحـّيتى عشانى سنين
******
صارحينى كفايه خداع أبنك ماعدش صغيّر
بذياده عمرى إللى ضاع بين السنين متحيّر
حَرمانى طعم الحنان سايبانى فى وسط الشوك
حتى إللى قولتى أبوك طلع واطى ومتغير
******
لو ليّا عندك خاطر واللاأبن بطنك صحيح
قولى لى مين ف البلد ماسك بساط الريح
بيعطل الأنتاج ويزيد سنين العذاب
ويخبى دم الشباب وسط الميدان مجاريح
******
أشمعنه وقت الغلط مابتغفريش ذنبى
و حقى لما ضاع ما رحمتى يوم غلبى
وغيرى يسرق و المال معاه طمعان
وأنا بات جعان عشان الأمن متخبى
******
عايش أحّيى العلم وقول الرزق ف سماكى
ورضيت بزُل وألم جنب الحدود ف حماكى
وعيالى ربيتهم يحبوا الأرض وصحابه
سكنم ترابها وقالو الجنه فى رضاكى
******
تسوى كام كلمة ضنايا من لسان ام الشهيد
يعنى أيه كدب الحكومه كل يوم عمّال يذيد
يبقى ليه حكم العداله والنزاهه ف القضا
ساعة القضا ما يمدش أيده لكل أيد
******
مآنش يامّه الأوان تشاورى فين كومى
وتروى عطش السنين فى المر من يومى
وأحس طعم ألامان لو ليله فى الغربه
ساكن فى تربه وضاع الحلم م نومى
******
ليه لما أعاتبك وأثورطمعان تصالحينى
تطفى فى قلبى النور وتزيدى فى أنينى
وبتهدى خيرك لجلادى ليفسدوا الأيام
لو كنت أبن حرام ياريت تصارحينى


أستاذنا الشاعر الكبير الأستاذ السعيد جميل


تحياتى واحترامى

أولا مرحبا بك فى منتداك ، كنت أمر ببعض الظروف

التى منعتنى من المرور على المنتدى ، ولذلك لم يتسنى

لى الترحيب بسيادتكم فى حينه فأرجو قبول اعتذارى .

ثانيا قصيدتك جميلة الترتيب والمعنى والفكرة ، وإن كانت

تلك هى البدايه فنحن نشكر الأقدار التى ساقت لمنتدانا شاعرا

على هذا القدر من التمكن .

تقبل تحياتى واحترامى وتقديرى لشخصكم ولعملكم المميز ،

وأشكر أستاذنا القدر حمدى بك شبانه الذى تكلرم وقام بتثبيت

العمل .