الأستاذه مديحه رشدى كتبت :
لعنه العرش
*************
اوعى تكونى يامصر ناويه
تسمحى لحبة حفاه
يصنعوا تانى تاريخك
يزرعوا فى أرضك إله
قومى .. ثورى ..قولى (ليهم)
إنتِ .. مقبره الغزاه
قولى لاه... للظلم لاه
(فاض بى) من حكم الطغاه
لا لبيع ...تانى لولادك
لا ياغاليه... وألف لالالالا
******************
لسه تانى..
عرشك الغالى
قادرين يجروا وراه ..
من عهد الفراعنه مين
مجده.. مين قدره و مين حماه
لسه تانى بيطبخولك
يفكروا ازاى يحفرولك
ماهو ميت ندامه على
مش عارف مقامك
و ميت ندامة على
شويه هواه ...
عرشك الغالى ياغاليه
يلزمه اتقى التقاه...
يلزمه فارس يخطى...
وكلنا نخطى وراه...
يلزمه عاشق ترابك ....
نلقى فيه نهر الحياه
******
قصيدة جميلة كما تعودنا أن نقرأ لك دائما
ولكنى عودت نفسى ، و أنتِ سمحتِ لى
بتدوين ملاحظاتى على أعمالِك ، ليس
كناقد ، ولكن كموجِّه ( على قد حاله )
ندخل فى الموضوع :
الشطرات المحصورة بين سطرين النجوم
فى بداية القصيدة منتهى الروعة ، وزنا
ومعنى ، وفكرة .
من بعد خط النجوم التانى ، إختل الوزن
فغابت الموسيقى فيه ، فظهر الضعف
واضحا فى القصيدة .
أرجو مراجعة النص مرة أخرى ، وأنا
واثق تماما أنك ستقدميه مرة أخرى بصورة
أجمل بكثير .
لن أطيل أكثر من ذلك ومنتظر التعديل بنفسك
فأنا أتحدث مع شاعرة متمكنه من السهل عليها
الإحساس بأماكن الخلل فى القصيدة وتعديلها .
فى النهلية عمل جميل لشاعرة أعرف تماما
إمكانياتها من خلال أعمالها السابقة .
تقبلى تحياتى .
الثلاثاء يونيو 28, 2016 11:39 pm من طرف الشاعر عبد الناصر رجب
