" مجدول من حزن مـجـدول"

عدد المساهمات : 13 تاريخ التسجيل : 08/05/2011

مش عارف ليه حاسس إني

لا ف يوم أحلامي بتسعدني

مخلوق مجدول من حزن وبس

ولا لحظه ف قلبي بـتـنـحــس

أنـحـس إزاي من ناس جامدين ؟!

خاصموالأشواق . . عـمـلولها كـمين

جايين واثقين إن السـكين

مـغـروز ف الوهـم اللي معـشـش على قـلـب حـزين

حزنه تباريح

وانا ضـد الريح

معاييش تصريح

أدخـل جـواكي وأتمدد

أفرد دراعاتي على حـدودك

وماكونشي قبيح

ما انا برضه هتغـريني حدودك

سامحيني لوكنت صـريح . .

أكتب عن ألمـك واتـشـاقى

ما أنا برضـه فـصـيح

جوايا شـعار . . حـزن وأسـرار

أسـرار للقـلب اللي ما طالـشـي

أسـرار الحـب اللي ماقالشي

مـا فيناش أسـرار

ه بيخـتار . .

على زوقي هـخـتار " نـجـوايا "

مـجـنونة بـشـعـري وهـوايا

مخـلوطـه بتعـبي وشـقايا

بـتقـول حـواديت . . .

مـتـمـدد . . أنا فـارد طـولي

جـواكـي مـسـتـني تـقـولي

أحـلامنا بتـكـبر جـوانا

ولا تـشـغـل بالك بـعـزولي

حـواديتنا . . بنقـولها يوماتي

بـسـألـها عـنك يا حياتي

ليه كـل ما بـعـشـق بـتـعـذب

ليه كـل ما بضـحـك بآهـاتي

ألاقيكي

سـراب . .

وخـيال . .

وهـموم . .

وجـبال
. .
وبحـار . . لشطـوط البـعـد البـعـادي

بقى شـيء عـادي!

حـبك وسـواس خـلع الإحـساس

وانا مـش حـسـاس

بالأنثى التافهـه المـغـرورة

الـصـامـتة . . الـسـاكـنة . .
المـقـهـورة

أنا عـايـزك عـلى أكـمـل صـورة

تـواشـيح وانـغـام

على صـوتك أنام

أحـلم مـرات إن بـعـدنا

وتـاخـدنا درووووووووب

مليانة قـلوووووووووووووووووب

زينا وأكـتـر

ماهـو كـله ذنـوب

للحـب الـقـاسـي اللي ما فـكـر

مـش ممكن أتوب ؟

وأتـوب إزاي وانتي معـايا ؟!

مـش عـايـز أتـوب

ألـبـس لك تـوب . .

تـوب قـيس الـضـايـع واترهـبن كـيـف الدراويــش

ألبـس لك خـيـش

عـنك ما احـكـيـش

حـكايات الليل اللي ما طـالشي

مـش لازمه يـعـيش

" محـمـد
مـحـمـد مـعــروف "

لا لا لا

إحنا نقول عودة مبهجة

لشاعر كبير

اسمه محمد معروف وهو معروف

هنا نرحب بعودة شاعرنا

ونرحب بالمدام / الاستاذة نجوى سالم

ونهني انفسنا

بتواجد بتواجدهما بيننا

وراجع لقصيدتك ثقيلة العيارة

لاحقا

كل الود

على زوقي هـخـتار " نـجـوايا "

مـجـنونة بـشـعـري وهـوايا

مخـلوطـه بتعـبي وشـقايا

بـتقـول حـواديت . . .
ايه ياعم اللى دخــّل المقطع ده على القصيده
آآآه دا الكلام ماينفعش من غيره
هههههههههههه
الله ينور عليك يابو حميد
ومايحرمناش من كلماتك الجميله
بارك الله لكم
كل تحياتى وتقديرى

يـاحـبـيـبـى طـال غـيـابـك لـيـه

فـيـنـك يـا أسـتـاذ مـحـمــد

لاحـرمـنـا الله مـن أشـعـارك الـجـمـيــلـة

أتـمـنـى أن أراك دائـمـاً هـنـا

مـتـواصـلاً فـى مـواضـيـع إخـوانـك الـشـعـراء

سـيـكـون لـى عـودة

لـلـحـديـث عـن هـذا الـنـص الـجـمـيـل

تـقـبـل مــودَّتـى
حـمــدى شـبـانــة