أمِّــــي

.



أمِّــــي
---------

أمي كانت

بالحنان مدافياني

لما افكر

لما أسهر

شوقها يبقى

شكل تانــي

والحياة

معاها دنيا

وأحلى غـنوة

تزيد حناني

دا مافيش مثال

زى مثالها

وما فيش حنان

زى حنانها

ست الحبايب غنالها

قلبي وعقلي ووجداني

لما غابت

غِـبْتْ عـنـي

وتُهْـت مـني

خدني شُوقي

أيام ما كانت

جنب منـي

وافتكرت

ايام طفولتى

وسنين طويله

شايلة همِّي

وحاجات كتيره

مقدرش اقولها

عايشه فيَّا غصب عني

وجوة مني

ست الحبايب يامَّايا

يا نجمة عاليه فى سمايا

ياأحلى من كل حكايه

ياعُمْر عايش ف النّي

بَحْضُن الصورة

اللى باقـية من زمانك

يام رمش مكحلاه

بهمس حنانك

راح زمانك

ولسِّـة أيوه

لسَّــة عايشه

جوَّة منـي


.