سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: عايزين ريّسْ الأربعاء أبريل 04, 2012 6:57 pm | |
|
(عايزين ريّس)
عايزين ريّس مش كدّاب
ولا مترشح من أحزاب
ولا متخبىّ ورى الابواب
ناوى يسيطر بسْ علينا
,,,,,
عايزين ريّس مش من دُول
ولا م الوطنى وأصله فلول
محتاج كرسى و مش مسئول
عن احلامنا وعن امانينا
,,,,,
عايزين ريّس قلبه علينا
مخلص شهم ياخد بادينا
ويشيل عنــّا مرار العيشه
يمكن يمسح دمع عنينا
,,,,,
عايزين ريّس شكله كويّس
مش قرفان م الناس ومتيّس
ولا متشدّد ولا بيهدّد
ولا بيْـبدّد خير أراضينا
,,,,,
عايزين ريّس من انواعنا
عمره مايقبل مرّه يبيعنا
صاحب فكر وقلبه يساعنا
مشْ متعقـّد من اهالينا
,,,,,
عايزين ريّس ابن بلدنا
يقدر يحفظ حق ولادنا
يحمى صليبنا ويحمى المادنه
ويحمى ضيوف البيت والمينا
,,,,,,
عايزين ريس حاسس بينا
ويكون صادق لو يحاكينا
وافى بوعده صاين عهده
ولا بيخبىّ حقيقه علينا
,,,,,,
عايزين ريّس شاف ويّانا
سنين المُـرْ وعاشها معانا
وأهله من الناس الشقيانه
عارف حالنا وحاسس بينا
,,,,,
عايزين ريّس من جلدتنا
عمره بياكل من لقمتنا
لأجل يحافظ على كرامتنا
وعمره مايقبل يوم يأزينا
,,,,,,
عايزين ريّس عارف ربّه
شهم وكل الناس بتحبّه
يبقى الشعب امانه ف قلبه
ويعطف ع الناس المسكينه
,,,,,,
عايزين ريّس مصرى أصيل
شارب من فيضان النيل
مش متحالف ويّا عميل
أو مصنوع من ايد أعادينا
,,,,,,
عايزين ريّس عاشق خيرنا
مش موزوز من عالم غيرنا
لمّا حايصبح بكره كبيرنا
حايشرّفنا ويملى عنينا
,,,,,,
عايزين ريّس ويكون غيركم
بعد مابان للكل ضميركم
مش قابلين نسمع لسيريتكم
غلطة عمْر وجات بايدينا
,,,,,,
لمّا نكرّرْ يوم غلطتنا
وندفع فيها تمن أمتنا
يعنى الحق ان قولنا ياريتنا
يبقى عليكم واللا علينا
,,,,,,
| |
|
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: عايزين ريّسْ الأربعاء أبريل 04, 2012 7:16 pm | |
|
عايزين ريس عندة كرامة
ويكون بينا عالم علامه
راجل حر كلة كرامه
مش معتوة مجنون ياذينا
عايزين ريس يكون حساس
بالمحروم وابن الكناس
يتربع في شعور الناس
وينصرنا على من يعادينا
الشاعر الأستاذ سعد الشرقاوي
رسالة يحملها قلمك نقلتها لنا ببديع الصور وأرقى الكلمات وتلقيتها منك بحركه فورية لا توازي مقامكم وحرقتكم الشعوريه والشعرية
كل مودتي
| |
|
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: عايزين ريّسْ الخميس أبريل 05, 2012 3:40 am | |
|
الأستاذ سعد الشرقاوى
تحياتى لك ياعمنا
إيه الحلاوه دى ، والنبى جيت ع الجرح
عايزين ريّس ويكون غيركم
بعد مابان للكل ضميركم
مش قابلين نسمع لسيريتكم
غلطة عمْر وجات بايدينا
صحيح والله ، ومش ح تتكرر تانى أبدا ، غلطة عُمر
زى ماقلت ياعمنا .
قصيدة أخشى أن أقول عنها أنها ممتازه ، فلا يوفيها ذلك قدرها .
دمت بكل خير وتقبل تحياتى واحترامى .
| |
|
محمد عبد الواحد شاعر
عدد المساهمات : 220 تاريخ التسجيل : 14/07/2011
| موضوع: رد: عايزين ريّسْ الخميس أبريل 05, 2012 9:59 am | |
| االشاعر الجميل سعد الشرقاوي
بس فين الجدع اللي انت بدور عليه ده
أكيد لسه ما إتولدش
تحية لأجمل رباعيات
تنادي بريس كويس . | |
|
السعيد جميل الزهرى
عدد المساهمات : 13 تاريخ التسجيل : 26/03/2012
| موضوع: رد: عايزين ريّسْ الجمعة أبريل 06, 2012 4:05 pm | |
| عايزين ريّس ابن بلدنا
يقدر يحفظ حق ولادنا
يحمى صليبنا ويحمى المادنه
ويحمى ضيوف البيت والمينا الله عليك يا عمدة التوته يسمع منك ربنا ونلاقى طلبك الله ينور عليك وتسلم أيدك دمت لنا بكل خير ودام الأبداع خالص تحياتى | |
|