سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: صوت فى ودانى الخميس أبريل 12, 2012 11:37 am | |
| <P align=center> <P align=center>
( صوت فى ودانى) أنا المصرى اللىّ مش راضى أبيع الزّمه يابلادى ومش قابل أكون سلبى وأضيّع حق أولادى ,,, وأنا الشعب اللىّ تهْمنىّ فى حقىّ لمّا تاهـ منىّ وشارى كل انتاجى وحارس ع اللىّ فاض منىّ ,,, وضايع حقىّ فى نـْصابها وباكى ع اللىّ يوم صابها مأنا كبش الفدا ليها وعمرى فريسه لديابها ,,, بأعيش محروم من خيرها عشان يوصل بلاد غيرها ويبقى حاميها حراميها وعامل صوتها وضميرها ,,, نهب كومى من الفرحه فى جنــّه كلها طارحه وشوّح فى الخلا لحمى وسابنى بين طيور جارحه ,,, بقيت شاهد فى اعدامى وسالف حتىّ أيامى وراجع من سنين غربه وسايب كل أحلامى ,,, لاقونى أخدت ع الدمعه وقارى حروفها ع السبعه قالوا مجوّد ومتعوّد وعامل للبكا متابعه ,,, عشان عاشق مواويلها وشارب ميّه من نيلها وباتحمّل وانا المجروح ورغم النوح بأغنيلها ,,, وأنا الساكن فى قلب الغيط ومشييى كله جنب الحيط فى صمتى بيطمعوا فيّه وكلامى يحسبونى عبيط ,,, بصوتى بتكـْمل الشغله على الكارُو وأنا البغله وبايعنىّ بأدنى فصال لسلعه رخيصه مابتغلى ,,, يا اعيش عطشان على نهرى وشايل حملى على ضهرى يا اموت خدّام حدى الحكام وعضمى من الشقا مهرى ,,,, كأن خواتى من حُرّه وأنا لوحدى اللى من ضُرّه بياكلوا غدايا وعيونهم تسمّمْ لقمتى المُرّه ,,,, نويت اتحدّى أى ظروف وأهزم جوّه قلبى الخوف ولو صوتى تمن موتى لازم العبها ع المكشوف ,,, مأنا عشمان أشوف جـنه خلاص مش قادر استنه وصوت الثورة فى ودانى يقول الهمّه ياخوانه ,,, | |
|
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: صوت فى ودانى الخميس أبريل 12, 2012 1:44 pm | |
|
الله الله الله
انا العازق في ارضى البور رموني في صراع وقبور وديما جوة نفسي بدور وعاشق بلدي واولادي
الشاعر / الأستاذ سعد الشرقاوي
رائع دائما في كل كتاباتك نجد الخبرة والاناقة والشياكة ومكملات الشعر
كل الود
| |
|
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: صوت فى ودانى الخميس أبريل 12, 2012 9:46 pm | |
|
ياكبيييييييييييييييييييييييييييييييييييييييييييييييير
تحياتى لحضرتك
المثل بيقول الحلو حلو ولو حتى قايم م النوم
وبرضه الشاعر شاعر ....
ولو يكتب كلمه كل يوم ..
رائع ياعمنا والله العظيم
وشوف الجمال اللى يشد حتى اللى مايعرفش شعر :
كأن خواتى .. من حُــــــرّه
وأنا لوحدى اللى من ضُـرّه
بياكلوا غدايا .. وعيونهـــم
تسمّمْ لقمتــــــــــى المُرّه !!
الله عليك ياأستاذنا تسلم ويسلم قلمك يارائع .
تقبل تحياتى واحترامى .
| |
|
حمدى شبانة
من أصحاب المنتدي
عدد المساهمات : 501 تاريخ التسجيل : 07/05/2011 العمر : 61 الموقع : الـجــيــزة - أُم الدنـيــا
| موضوع: رد: صوت فى ودانى الجمعة أبريل 13, 2012 5:25 pm | |
| الـرائــع دائـمـــاً
الأســـتـاذ
سـعــد الـشــرقــاوى
إنــت تـقـعــد تـحــت الـتـوتــة تـمـخـمـخ
وبـعـديــن تـطــلـع لـنـا روائـــع
لــك كـشــاعــر فـى الـقــلـب مـكــانــة
سـعــد الـشــرقـاوى .. يـعــنـى عـلامـة الـجــودة
أسـعـد الله لـيـلـتـك
ملحوظــة :
تـم الـتـثــبـيـت بـمـعــرفـتـى تـقـديـراُ وإكـرامـاً
| |
|
سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: صوت فى ودانى الأحد أبريل 15, 2012 10:29 am | |
| - ماهر حامد كتب:
الله الله الله
انا العازق في ارضى البور رموني في صراع وقبور وديما جوة نفسي بدور وعاشق بلدي واولادي
الشاعر / الأستاذ سعد الشرقاوي
رائع دائما في كل كتاباتك نجد الخبرة والاناقة والشياكة ومكملات الشعر
كل الود
مرورا كريما وتواصلا جميلا بارك الله فيكم اخى الاستاذ ماهر حامد لكم كل تقديرى | |
|
سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: صوت فى ودانى الأحد أبريل 22, 2012 9:51 am | |
| - محمد البسيوني كتب:
ياكبيييييييييييييييييييييييييييييييييييييييييييييييير
تحياتى لحضرتك
المثل بيقول الحلو حلو ولو حتى قايم م النوم
وبرضه الشاعر شاعر ....
ولو يكتب كلمه كل يوم ..
رائع ياعمنا والله العظيم
وشوف الجمال اللى يشد حتى اللى مايعرفش شعر :
كأن خواتى .. من حُــــــرّه
وأنا لوحدى اللى من ضُـرّه
بياكلوا غدايا .. وعيونهـــم
تسمّمْ لقمتــــــــــى المُرّه !!
الله عليك ياأستاذنا تسلم ويسلم قلمك يارائع .
تقبل تحياتى واحترامى . ربنا مايحرمنيش منك ومن كلامك الجميل استاذنا الشاعر القدير ا/محمد البسيونى لكم كل تقديرى وتحياتى | |
|
سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: صوت فى ودانى الخميس مايو 03, 2012 12:24 pm | |
| - حمدى شبانة كتب:
الـرائــع دائـمـــاً
الأســـتـاذ
سـعــد الـشــرقــاوى
إنــت تـقـعــد تـحــت الـتـوتــة تـمـخـمـخ
وبـعـديــن تـطــلـع لـنـا روائـــع
لــك كـشــاعــر فـى الـقــلـب مـكــانــة
سـعــد الـشــرقـاوى .. يـعــنـى عـلامـة الـجــودة
أسـعـد الله لـيـلـتـك
ملحوظــة :
تـم الـتـثــبـيـت بـمـعــرفـتـى تـقـديـراُ وإكـرامـاً
مرورا كريما اخى الحبيب ابوعبدالله الشاعر الاستاذ حمدىشبانه لك خالص تحياتى وتقديرى | |
|