هموم العاشقين

قالوا لي ان شعرك شاب

قولت لهم إزى وانا اللي لسه شباب

بصيت لصورتي في غضب وإحتساب

ملقيتش غير الأرق وحبوب الأكتئاب



عمنا بسيوني اوعاك تعملها زيي

دا الحب سكتة واعرة


مساء الكلام اللي يحرك الوجدان




وبعدها لك ياعم ماهر

هى الدنيا من غير الحب تسوى حاجه ؟

ياأخى اعمل زى غيرك وحبنا فى الله .. يابخيل

شوف ياحبيبى الحكم على الشباب مش بالسن ولا بالشعر

الأبيض ولا الإسود .. لأ .. طول مافيه أحاسيس ومشاعر

وقلب بيحب ويتحب يبقى لسه شباب .. يعنى لسه اخضر

ماتفهمونا بقى ياعمنا .. .

حانعلمكم ولا إيـــــــــــــــــــــه !! ؟؟

مديحه رشدى كتبت :




صدقت أستاذى الفاضل .محمد البسيونى /.. لا تشغل بالك بكلمات

استاذنا / ماهر .... كل يسير على هواه .... ماله ومال حضرتك

**********

قالوا لى الحب عيب كبرتى عليه

يعنى أسيب الدنيا ولا أعمل إيه؟

ده الحب زى الموت ملناش فيه

يخضر القلب تانى وبجماله يحميه


جعل الله أيامكم حب وسعاده ....




والله مانا عارف هو عاوز منى إيه ياأستاذه مديحه !؟

هو مش متفائل أبدا !! ليه ما اعرفش

الحب أسمى وأغلى شئ فى الدنيا ، أذكر غنوه لوردة

بتقول فيها ( الدنيا من غير الحب .. ماتتحبش !!)


القلب اللى مايعرفش الحب

ما هوَّش قلب !!

والحِنيـَّـه تخاصمه وتِبعِـد

وف قسوته صعب

وياما قلوب أقسى من الصخر !!

دا فى القرآن

فيا " ماهر " حاول تتعلم ....

إيه هو الحب !!!!


تقبلوا تحياتى من القاهره للإسكندريه .

الأستاذه سندس مصطفى كتبت :




الشاعر الراائع أ / محمد البسيونى


الحب كلمة بيقولوها كتير

ليها فى القلب ألف معنى

واللى يفهمها حقيقى أمير

روضتكم مليئة بالكثير

وشذا عطرها يفوح

فيملأ الأرجاء بأجمل عبير

أستاذى يعجز اللسان عن الكلام

لرقة حرفكم

شكرا لمتعتى بين سطوركم

تحياتى وتقديرى





أستاذه سندس

تحياتى واحترامى لشخصك

للمرة الثانية أتشرف بمرورك العاطر على عمل من أعمالى

المتواضعة ، والذى رفع رأسه شامخا وفخورا بهذا المرور

الكريم منكِ .



الحب روضه .. تسعد العشاق

فيه ناس كتيره مايعرفوش معناه

كله .. مشاعر طيبه وأشــــواق

واللى يصيبه الحب .. يلقى هناه


تقبلى تحياتى واحترامى .