سمسميـة الرياسـه كلمات الشاعر محمد البسيونى

سمسميـة الرياســه

***************

لو مصرى وقلبك ع الثوره

ماتبُصِّش لأجندات بـــــــرَّه

لو مصرى وقلبك ع الثوره

مين اللى يحرُسهــَـا ( الله )

غير أهلها وناسهـَـا ( الله )

لو مصرى وقلبـك ع الثوره

إحلف لاتحـافظ على خيـــرها

وتكون لها صُوتها وضميرها

ماتفرَّطش ف خيرها لغيــرها

وتحسِّن أوضــَــاع الفُقــــــرا

مين اللى يحرُسهــَـا ( الله )

غير أهلها وناسهـَـا ( الله )

لو مصرى وقلبـك ع الثوره

إوعَى يغـُـرَّك يـــوم الكرســــى

تِنسَى اللى جابوك وتقـول نَفسـى

مركب أوجــاعــَـك لو تِرسِـــــى

مرســـاها تكون مصـر الحُـــرَّه

مين اللى يحرسهـَــا ( الله )

غير أهلها وناسهـَـا ( الله )

لو مصرى وقلبك ع الثوره

السِّـرقـــه عُمـرها ماتفيـــدَك

خليك أمين طهّـــــــَر إيـــدَك

الشعــب يطلـــب تخليــــدَك

واللى سـرق مالهوش ذكرَى

مين اللى يحرُسهــَـا ( الله )

غير أهلها وناسهـَـا ( الله )

لو مصرى وقلبـك ع الثوره

إصحَى اوعَى مصر لاتتقسِّم

ونقـــول مسيحـى أومُسلـِم

ع الوحــده تحلـف لى وتبصِـم

تعيش لنـــا مصــــر الكبـــرى

مين اللى يحرُسهــَـا ( الله )

غير أهلها وناسهـَـا ( الله )

لو مصرى وقلبـك ع الثوره

كلمات / محمد البسيونى

الله الله الله

يا حساس

يدك ويدي يااخينا

تبقى بلدنا احلا مدينه

مهيا محتاجه عزيمه

ونفوس غنيه وتقيه

مين اللى يحرُسهــَـا ( الله )

[b]غير أهلها وناسهـَـا ( الله )

[b]
[b]
[b]حبيب قلبي والله انت
[/b][/b][/b][/b][b][/b]

ياعينى ياأستاذ محمد

أسعدتنى بإحياء هذا الفن الذى إندثر

قالب السمسمية .. الذى أبدع فيه الراحل صلاح طنطاوى

فكرتنى بأيام الراحل سيد الملاح .. ورمضان .. والأيام

الجميلة مع السمسمية البديعة

وها أنت تـعـيـد السمسمية للحياة

وبمقطوعة عن مصر الحبيبة

أقول لك .. كما يردد الكورس فى السمسمية

الله

شـكـراً لــك يـا كـبـير المصباح الأستـاذ

مـحـمـد الـبـسـيـونـى

حبيبى الأستاذ ماهر

خالص تحياتى لك أيها المبدع

أشكر لك مرورك الكريم وتعقيبك الأجمل

لك حبى واحترامى .

حمدى بك شبانه

تحياتى واحترامى لحضرتك

على فكره .. من يحتاج هذا الشكر منك ومنى

هما أختنا الشاعرة القديرة أم مدحت ، التى قدمت

لنا فيديو رائع بعنوان " سمسمية الحُرمه " لأخونا

الذى له الشكر شاعر التوته والقريه والمدينه والثوره

وقول فيه ماشئت ، أخونا الكبير الحاج سعد الشرقاوى

فهذا الفيديو هو الذى ذكرنى بهذا اللون الجميل من الإبداع

وألهمنى لكتابة هذا النص على عجَل .

أشكرك أستاذنا الفاضل على مرورك الذى شرَّفنى

( ووحياتك ماتطولش فى بعادك عننا علشان بتوحشنا )

تقبل تحياتى واحترامى .

الله

نسيت قطاع انتاج مين

ماشي يا عم محمد

مهو اليوتيوب تنفيذ على ماهر

واخراجي

وانا اللي مركب الست الطخينة هههههههههههههههه

ياباشا انت دايما تقدم لنا انت وابننا المحترم على باشا ماهر

الجميل فى كل حاجه ، بس مش شايف منكم حاجه للغلبان

ماشى ياسيدى .. تقبل تحياتى

» الشاعر محمد البسيونى فى معرض الكتاب
» أرحمو مبارك ... فهو لا يستحق هذا الاذلال
» ياحارس المقبره شعر محمد البسيونى
» ياوجع قلبك يامصر شعر محمد البسيونى
» السيرك ( حتى يعلم الجميع ) محمد البسيونى