قولي يافالح ؟ أرتجال مباشر

حدفوا الوطن بالطوق
لجل الوطن ما يفوق
ما تقول ياعم فاروق
ليه تاهت خطاوينا

***
لمّا إنت عال العال
وبتقرا في الفنجال
سمَّعني رد ياخال
يامحرر أراضينا

عدت سنة وشهور
والدم سال فى هاتور
وما سمعنا غير الزور
وإزدادت بلاوينا

****

واللي هرب بالمال
وشرد أُسر وعيال
عايش وعال العال
من موسكوا لمارينا

وإللي عليه العين
عملوله قصر وعين
شاهد وله ودنين
وحكمه ما زال فينا

أنـا مـش نـاصـح
قوللى تُقصد مين بالفالح
اللى ف لِنتخابات
كان ناجح
ولاَّ اللى
علينا اتكالح
ولاَّ لفاسد
فاكرينه صالح
ولاَّ اللى
واخدها مصالح
------
---
--
عاوز رأيى ؟
ماحدِّش صـالِـح

أستاذنا ماهر حامد كتب خمسة رباعيات أحلى من بعضهم

والنت كان هربان منىمن تلات أيام وماشفتهمش غير الآن

وح ارد عليهم مربع مربع وارتجال مباشر برضه ياعمنا

زى ما انت عاوز وطالب خد عندك أول مربع بتقول فيه :

حدفوا الوطن بالطوق

لجل الوطن ما يفوق

ما تقول ياعم فاروق

ليه تاهت خطاوينا

محمد البسيونى رد :

حـدفـوا الوطن ( بالطوب )

هـو اللئيـــم بيتــــــــوب !؟

دولا ولاد ( مركــــــوب )

وبيلعبــــــــــــوا بينــــــا

تانى مربع بتقول فيه :

لمّا إنت عال العال

وبتقرا في الفنجال

سمَّعني رد ياخال

يامحرر أراضينا

محمد البسيونى رد :

فنجــانه .. كان فــاضى

ف ماشافش غيرمـاضى

ومحكمـــه .. وقــــاضى

ولا بَص يــوم لينــــــا !!

مربعك الرابع ياباشا بتقول فيه :

عدت سنة وشهور

والدم سال فى هاتور

وما سمعنا غير الزور

وزدت بلاوينـــــا

محمد البسيونى رد :

عــدت سنه وشهـــور

لكن علينـــا .. دهــور

ضاع من شبابنا زهور

والصبر فــاض بينـــا

عفوا دا ده المربع الرابع ياباشا ...

معلهش أصل انا مركِّز معاك حبتين

إنت بتقول فى المربع ده :

واللي هرب بالمال

وشرد أُسر وعيال

عايش وعال العال

من موسكوا لمارينا

أقولك ياسيدى :

خلليــه يعيش جـَّـوال

إيـاك يفيــدُه المــــال

مادام رَضِى وبطـَّـال

مايعيشِّى .. وسطينــا

أما بقى ياسيد المربع الخامس والأخير بتاعك بتقول فيه :

وإللي عليه العين

عملوله قصر وعين

شاهد وله ودنين

وحكمه ما زال فينا

إسمع يامحترم :

اللى انت قصـَدك فيـه

يغـــور بكل ماليـــــــه

يــارب مـاتخلليــــــــه

يشمَت فى يوم فينـــــا

بححححححححححح خلاص

ملحوظه :

تثبت بمعرفتى لجمال الفكره

ماترد يافالح !!!!!!

إنت مستنى عزومه ؟

بتدخل المنتدى وتطلع قوام .. وراك إيه ؟

مش ترد على الشغل ده وتقول رأيك إيه

فى ( الفلاحه دى )

تحياتى

الأستاذ حمدي شبامنة والأستاذ محمد البسيوني

أرحب بتواجدكم هنا ولي عودة لأن انتو داخلين حميين عليه

وانا بقولكم
وحياة حبكم
وكبر قلبكم
انا غلبان
ومش قدكم

لي عودة ساعة تجلي

إمتى العوده ياأستاذ

هو انت من الحكومه ومك بسنه ولا إيه هههههههههه

تحياتى

على فكره

أستاذنا حمدى بك شبانه واحشنا خالص وغيابه طال

هو فين إن شالله يكون خير، تليفونى وقع منى فى الميه

وضاع منى رقمه ومش عارف اطمئن عليه .

ماهو يافالح !! قصيده مثبته بمعرفتى اهى !!

أمَّال بتقول ماحدش بيثبت لك حاجه ليه ؟ هه؟

وبعدن ياسيدى انت مش غريب البيت بيتك

» مباشر من القاهرة