ايام ماكنت وزير

موضوع: ايام ماكنت وزير السبت يونيو 04, 2011 12:48 pm

http://www.4shared.com/audio/3HXN3D7u/_____.html
رابط الاستماع
ايام ماكنت وزير 77995123004570126678

أيّام ما كنت وزير

لمّا لقيت الدّخل قليـّل
والمصاريف كلـّها ع النوته
قلت اسرح ع الغيط واقيـّل
وانسى همومى تحت التوته
,,,,,
وأنا غرقان فى الفكر شويّه
تيجى منين وتروح على فين
لمحت عينى على الزراعيّه
رتبه كبيره معاه نفرين
,,,,,
قال لى اتفضـّل يالله معانا
وسيبك م الفقر وأيّامه
قوم دا الريّس عايزك حالا
بعد ثوانى تكون قدّامه
,,,,,
قلت اللهم اجعله خير
أنا ماعملتش حاجه ياسيدى
ولا أعرف عمده ولاغفير
ولا لطـّيط الدولة بايدى
,,,,,
قال لى تعالى ماتتكلمشى
أنا مش عارف عايزك ليه
لو لقيتوه مش عايز يمشى
حطـّوله كلبشات فى ايديه
,,,,,
قلت له لحظه ألمّ حاجاتى
وعشان أمشى معاكو كويّس
سيبنى دقيقه أقول لمراتى
لو عوزتونى انا عند الرّيس
,,,,,
قول خضـّونى وسوّدوا يومى
وركبت البوكس ماشوفتوش
وانا جوّاه بألبس فى هدومى
وعلى راسى عدلت الكلبوش
,,,,,
فتـّش اكتب املى النوته
اسمه وسنـّه وفكره كمان
قلت أنا (سعد) بتاع التوته
(مصرى) ماليش غير كده عنوان
,,,,,
قالوا تمام ياسعادة الريّس
قال لى انا عايزك عندى شويّه
لمّا سمعته وقال لى اتفضـّل
لفّ دماغى وأغمى عليّه
,,,,,
حسّيت انّ وزارة الصحّة
جايبين غاز بكمامه وواصله
قولت شيلوها حاتكتم نفسى
حتما افوق لو شميت بصله
,,,,,
بعد ما فوقت الريّس قال لى
سيب الشعر دا همّه كتير
وانا قررت اشوف لك شغله
بدل القعده ح تبقى وزير
,,,,,
وحاتبقى وزير للماليه
وتحسّن دخل الغلبان
والخازنه اتفضـّل مفتاحها
وتراعى عدد السكان
,,,,,
لمّا لقيت الخلق كتيره
وفوق النـّص رجال أعمال
رحت مشكـّل لجنة بحث
وقولت هاتولى صحاب المال
,,,,,
اللى فى ايده الميت مليون
لازم يدفع منهم عشره
والاعلان فى التلفزيون
والخطـّه انزاعت فى النـّشره
,,,,,
واللى يعارض واللا يهدّد
لازم يدفع لو بالقوّة
وفات شهرين ولقيتنى مسدّد
كلّ ديونـّا برّه وجوّه
,,,,,
وصافى الدّخل أودّيه فين
لمّا الدّول العظمى انهارت
كلـّه بينظر للقرشين
واللى كتر خطـّابها اهى بارت
,,,,,
والدنيا احلوّت ع الآخر
وعيشيتنا صبحت مزّيكا
ومجلس شعب بيطلب منىّ
معونة مصر تروح أمريكا
,,,,,
قلت شروطى عشان ياخدوها
تحسين البنيه الاساسيّة
والتعليم وشئون الصحّة
والوعى ونشر الحرّيه
,,,,,
وحا تنزل لجنة تفتيش
وتدوّر ع الكيماويّت
واللى يدارى شكارة يوريا
يتحوّل فورا جنايات
,,,,,
وأنا لسّه بامضى المعونات
لشعوب الدنيا المكبوته
كان جارى طالق غنمات
دهسونى وانا تحت التوته
,,,,,
وصحيت من نومى مانش عارف
فى وزارتى واللا اترقـّيت
أتارينى م الضهر بعافر
وانا نايم أصلا فى الغيط
,,,,,
ولا عمرى ها غمّض وانا صايم
ولا هاشبك روحى ف شمـّاعه
والكرسى طبيعته ماهوش دايم
مانا كنت وزير من كام ساعة
,,,,,,

وصحيت من نومى مانش عارف
فى وزارتى واللا اترقـّيت
أتارينى م الضهر بعافر
وانا نايم أصلا فى الغيط
,,,,,
ولا عمرى ها غمّض وانا صايم
ولا هاشبك روحى ف شمـّاعه
والكرسى طبيعته ماهوش دايم
مانا كنت وزير من كام ساعة

ههههههههههه ضحكتنى والله ياأستاذ سعد

بس تصدق عندك حق لو لموا تحويشة الحرامية دول

هنسدد ديونا وندى لأمريكا كمان معونة

ههههههههه

بس ده حلو زى ما حضرتك كنت بتحلم بالظبط

قصيدة فى منتهى الروعة والجمال

دمت بكل خير

تحياتى

هههههههههههههههههه في غايه من الروعه شكرا

اش/احمد الشرقاوى

احمد عبدالواحد كتب:: هههههههههههههههههه في غايه من الروعه شكرا

اش/احمد الشرقاوى

شكرا
احمد عبد الواحد
يارب تكبر
واشوفك عريس

احمد الشرقاوى كتب:: وصحيت من نومى مانش عارف
فى وزارتى واللا اترقـّيت
أتارينى م الضهر بعافر
وانا نايم أصلا فى الغيط
,,,,,
ولا عمرى ها غمّض وانا صايم
ولا هاشبك روحى ف شمـّاعه
والكرسى طبيعته ماهوش دايم
مانا كنت وزير من كام ساعة

ههههههههههه ضحكتنى والله ياأستاذ سعد

بس تصدق عندك حق لو لموا تحويشة الحرامية دول

هنسدد ديونا وندى لأمريكا كمان معونة

ههههههههه

بس ده حلو زى ما حضرتك كنت بتحلم بالظبط

قصيدة فى منتهى الروعة والجمال

دمت بكل خير

تحياتى

شكرا لكم هذا المرور الجميل
اخى الاستاذ
احمد الشرقاوى
بارك الله فيكم
ولا حرمنى كلماتكم الرائعة

كلمات جميلة مستقاة من واقع معيش[b][i]

والله نص في منتهى الروعه وخفه الظل

قلم ساخر فاخر
ومدرسه في فن الموال والرباعيه

الشاعر / الاكثر من رائع الاستاذ سعد الشرقاوي

لقد اخذتنا في حلم جميل ولكن تأت الحقيقه بكل ما فيها من خزي

لنا الله ايها الوزير

وتصبح على خير

كل مودتي

متنبي العصر كتب:: كلمات جميلة مستقاة من واقع معيش[b][i]

مروركم هو الاجمل
اخى الاستاذ متنبى العصر
لكم تحياتى

ماهر حامد كتب:: والله نص في منتهى الروعه وخفه الظل

قلم ساخر فاخر
ومدرسه في فن الموال والرباعيه

الشاعر / الاكثر من رائع الاستاذ سعد الشرقاوي

لقد اخذتنا في حلم جميل ولكن تأت الحقيقه بكل ما فيها من خزي

لنا الله ايها الوزير

وتصبح على خير

كل مودتي

اشكر لكم مروركم الغالى
اخى الكريم
صاحب القلم الساخر
الاستاذ/ماهر حامد
لكم كل تقديرى

مشرف عدد المساهمات : 132 تاريخ التسجيل : 25/06/2011

الله عليك شاعرنا الرائع/سعد الشرقاوى

بجد سعدت جدا بمرورى على هذه الرائعه الساخرة المعانى

احسنت وسلم نبض قلمك الراقى

تقبل مرورى واعجابى بما قدمت

بسمة الورد كتب:: الله عليك شاعرنا الرائع/سعد الشرقاوى

بجد سعدت جدا بمرورى على هذه الرائعه الساخرة المعانى

احسنت وسلم نبض قلمك الراقى

تقبل مرورى واعجابى بما قدمت

الاستاذة
بسمة الورد
شكرا لمروركم
ولاحرمنا الله توقيعكم
تحياتى

شاعرى المفضل سعد الشرقاوى

كم أبهرتنى رائعتك

وكلماتك وهذه الملحمه والمدرسه الخاصه بك

أسمح لى سيدى بتثبيت رائعتك

ثم أعود لروعة حروفك

دمت بكل حب وابداع

الشاعر الكبير سعد الشرقاوى
قصيدة جميلة ودمها خفيف وبتعبر عن واقع
الف شكر ليك اخيك حلمى

وحا تنزل لجنة تفتيش
وتدوّر ع الكيماويّت
واللى يدارى شكارة يوريا
يتحوّل فورا جنايات
الظاهر
لاعاد يوريا
ولانترات
ربنا يستر

عزة الزرقاني كتب:: شاعرى المفضل سعد الشرقاوى

كم أبهرتنى رائعتك

وكلماتك وهذه الملحمه والمدرسه الخاصه بك

أسمح لى سيدى بتثبيت رائعتك

ثم أعود لروعة حروفك

دمت بكل حب وابداع

شكرا لمروركم الكريم
استاذة عزه الزرقانى
ولاشك ان توقيعكم
يكسب العمل
جمالا وكمالا
لكم تحياتى

شاعر عدد المساهمات : 220 تاريخ التسجيل : 14/07/2011

الشاعر الوزير : سعد الشرقاوي

فاكرك لما كنت وزير

ماكنتش مخلي حد محتاج حاجة

ويارب يكون الحلم حقيقة وتمسك

ويكون لك نصيب في الوزارة الجديدة

ويجيلك القرار وإنت قاعد ببتشمس

في الغيط

محمد عبد الواحد كتب:: الشاعر الوزير : سعد الشرقاوي

فاكرك لما كنت وزير

ماكنتش مخلي حد محتاج حاجة

ويارب يكون الحلم حقيقة وتمسك

ويكون لك نصيب في الوزارة الجديدة

ويجيلك القرار وإنت قاعد ببتشمس

في الغيط

نعم يا محمد بيه
وبما ان الوزارة
هاتكون تحت التوته
اكيد حايكون انا كوم كبير
كل عام وانتم بخير

ياريس

صورة الريس مبوظه النص

مساحه المنتدى مس مكفيه صورته

ضغرها او شلها

تحت امرك

اخى ماهر

ولكم الشكر