البلد إتباعت

موضوع: البلد إتباعت الإثنين مايو 28, 2012 1:05 am

( البلد إتباعت )
البلد إتباعت لأحمد شفيق
علية العوض فى أى طريق
البلد إتهانت بسبب وبشئ
بُكرة الظالم يقولوا برئ
والثورة إدفَنِت بأيد العسكرى
تسقيفة للمشير وللفنجرى
وإحنا إزاى فَرقونا عن بعض
نجحوا بتفوق فى قَطع المَد
كان فيها إية لو إحنا إتَحَدنا
على مُرشح واحد يقوم بِبَلدنا
***************
أدى النتيجة اللى كسب الرهان
قتلنا فى مقتل وبقى فرحان
ودم الشهيد على الأسفلت إتبَخَر
ماجتلوش شمس لِساة بردان
بنحاول نرضية بنقولُة أصُبر
حقك راح يرجع وتكون كَسبان
******************
وحياة الشُهدا وصَدا صوتنا
لننزل من تانى لو فيها موتنا
لا شفيق ولا فلول راح تٌحكمنا
ولو فازوا ح نثور من بيوتنا
راح نقوم بثورة ونعيد الكَرة
ماهو لسة الميدان موجود ياحٌرة
مش ح نبيع الشُهدا ولو لِمَرة
ولا راح نتخَفَى من أول بُكرة
*****************
فى جَولِة الإعادة راح نصوت بِجد
لمحمد مُرسى ولـراية المَجد
ونبنى من تانى دولة النهضة
وتقومى يابلدنا ماتبقيش راقدة
عشان آن الأوان تاخدى مَكانك
مابين النِمور أسَد مُخيف
عشان آ ن الأوان يعلى أذانك
هلالك وصَليبك يكونوا حَليف
ونشوفك بِتُنفُضى غُبار الصيف
اللى عَكَر صَفونا فى مُدن وريف
*******************
والعُرس نشوفة عُرس كبير
فية زغاريت وفية مزامير
والكـل واحـد ملايين بتسير
العروسة أميرة والعريس أمير
كُــلها كـام يــوم ونِزف الزَفة
من غير مكياج للعروسة الخِفة
حلاوتها طبيعتها وجمالها العِفة
واللى ح يمد إيدُة عليها ح يطير
*******************
يوسف أبو زينة
25/5/2012م

شاعر عدد المساهمات : 220 تاريخ التسجيل : 14/07/2011

الأستاذ الشاعر / يوسف أبو زينة

جميل هذا الشعور تجاه

ثورتنا المجيدة

وأنا معك في رأيك

ضد هذا الشفيق

منحازاً للثورة وللحق .

زينة يا ابو زينة

دام الابداع

أنا واحد من الناس

راح ادي صوتي للدكتور محمد مرسي

حتى لو قالوا انه تابع لابو لهب

هههههههههههههههه

مساء الفل استاذ

سوسف انت ما بتبنش ليه ؟

» قولوا لمأذون البلد
» أخبار محافظة الدقهلية وعاصمتها مدينة المنصورة