حبيبى وأستاذى ماهر بك
تحياتى لك ياغالى
سامحنى التيار اتقطع عن المنطقه كلها فتركت الجهاز
ومازال إسمى مسجل على الفيس بأنى مشترك رغم
ذهابى للنوم .
عموما قمت بالمرور على غنائيتك الجميله ، وعلى
فكره .. النظره هى اللى بتسحر يارومانسى مش الخطوه
وعشان كده أنا قمت بعمل إضافة لبعض المعانى وحذف
البعض اضبط الوزن والمعنى بناء على توجيهاتك .
وإليك النص بعد التعديل ولسيادتكم القبول أو الإلغاء
يا ساحرني بنظرتك
وحارمني محبتك
إديتك كل حاجه
ومش عاجب حضرتك
نفسى أقابلك ياغالي
إن شالله لو ثوانـــي
شاغل فكرى وكيانى
وآسرنى بخطوتك
يا ساحرني بنظرتك
وحارمني محبتك
إديتك كل حاجه
ومش عاجب حضرتك
تحرمنى دقيقه اشوفك
أو حتى المس إيديك
خدودك .. ياني منهم
وياوعدي من عنيك
ولا حلاوة شفايفك
بعينيه وقلبي شايفك
عبَّرنى ورق حبـــه
وبلاشي معاندتــــك
يا ساحرني بنظرتك
وحارمني محبتك
إديتك كل حاجه
ومش عاجب حضرتك
طب مين غيرك يا غالي
سهَّرني كده الليـــــــالي
أرجوك ارحم كفايـــــه
واسعدنى بطلعِتــــك
يا ساحرني بنظرتك
وحارمني محبتك
إديتك كل حاجـــه
ومش عاجب حضرتك
إن شالله يكون عجبك ونسمعه متلحن ومغنَّى
بصوتك أو صوت جميلتنا علا .
تقبل تحياتى .
الثلاثاء يونيو 28, 2016 11:39 pm من طرف الشاعر عبد الناصر رجب
