الرائع محمد عبد الواحد كتب :
أنا قلبي حبك
***
أنا قلبي حبك مرتين
مره زمان أول لقا
والمره دي لما شبك
قلبي الهوي
من رمش عين
أنا قلبي حبك مرتين
...
حِــنّـي علي قلبي اللي كان
قلبك عامِـل له في الهوي
أكبر كمين
وعنيكي برضوا محصراني
اهرب لفين !!
أنا قلبي حبك مرتين
...
أمرِك عجيب
في البعد بيزيد الحنين
فاتت سنين
وأنا لسه فاكر نظرتين
الأولي كات هي العذاب
والتانيه زادت في الأنين
أنا قلبي حبك مرتين
...
هانسا اللي راح
ويا الجراح
وأقول سماح
لاجمل عينين
خلوني اغني للهوي
موَّال حزين
أنا قلبي حبك مرتين
عزيزى محمد باشا عبد الواحد
غنائية رائعة ، رومانسية بكل المقايس ، واسمح لى إن كنت قد
قمت بتعديل بسيط فى بعض الحروف فقط لضبط الوزن .
أما فى المجمل فهى رائعة .
دمت بكل الخير ، وتقبل تحياتى .