المرأة هي الحياة

الشعر منبعه الستات
ما هما حاجه عظيمة
في واحدة تقول لك هات
ووحدة رخمة ولئيمة
ــــــــــــــــــــــــ
في ست عقلة وزينة
تداريك بجفن العيون
ووحدة زّي الزِّينة
تجرأ عليك العيون
ــــــــــــــــــــــ
ف ست فله وزين
تفديك بنن العين
تجعل حياتك زين
وتعيش معاك بالحلال
ديما تراعي القول
واعيه وبنت اصول
طالبتها في المعقول
ولا تتوزنش بمال
وست زي البير
عايشه بلا تدبير
منزوعة التفكير
ما تستهلش ريال

في ست زي النار
في حضنها تتاويك
وست تشكي الجار
وبفعلها تأذيك
وست غاويه هزار
وحضنها يكفيك
تعشق أوي الكفيار
تنام وتصحى عليك

الست هيَّ الحياة
هبه من عند الإلة
تشوفها تقول الله
تنسى العذاب والآه
دا الحب يا محْلاه
الست نعمة ونور
زّى قمر بيدور
معاها تعيش مستور
تزرع أراضي بور
وكل خير تلقاه

*******************

الست هيَّ الأم
تملّي شايله الهمْ
هي الحنان والأمنْ
ومن غيرها حالنا يغمْ
تملي تراعينا شمعة تقيد لينا
وبروحها تفدينا وف حضنها نتلمْ
دي الست هيَّ الأمْ
......

إيه الحلاوه دى يارومانسى !؟

أثبتها الأول وارجع لك .

تثبت بواسطتى لرقة المضمون ورومانسية الشاعر

رجعت لك ياجميل ، بعد التثبيت

أنت بتقول فى القصيده بتاعتك :

الست هيَّ الأم

تملّي شايله الهمْ

هي الحنان والأمنْ

من غيرها حالنا يغمْ

تملي تراعينا ...

شمعة تقيد لينا ....

وبروحها تفدينا

وف حضنها نتلمْ

دي الست هيَّ الأمْ

شوف ياعم !! عشان نقول الحق

ورزقنا على الله

السـت .. نبع حنان

تروى حبيب عطشان

والدنيا فى وجودها

تبقى كما البستان

( بس لما تكون راضيه عليك )

هههههههههههههههههههههه

تحياتى لك يارقيق المشاعر

إيه الحلاوه دى ياسيدى !؟

دانت بتقسم بقى !!!

إنت بتقول فى آخر مقطع :

الست هيَّ الأم

تملّي شايله الهمْ

هي الحنان والأمنْ

من غيرها حالنا يغمْ

تملي تراعينا

شمعة تقيد لينا

وبروحها تفدينا

وف حضنها نتلمْ

دي الست هيَّ الأمْ

ياحبيبى !! طيب عشان ارضى ضمرى ح اقول الحق

ورزقى على الله :

السـت .. نبع حنــــان

يروى حبيب ولهـــان

ترضيهــا .. تلقاهــا

"ورده" تزين بستـان

تطلب إيشارب يادوب!!

ترفض لها المطلوب

تشوف ساعتها ايَّــام

أسود من الخرُّوب !!

تحياتى لك يارومانسى ، خليك صاحى قوى

واحترس من نعومة الستات ، أحسن ياحبيبى

تضيع منى هههههههههه تحياتى لك أيها

الرائع دائما .

لله الله
حقيقى ياأستاذ ماهر هذا النص فى رأيى
من أفضل نصوصك فى الفترة الأخيرة

البداية كانت رباعيتين تمهيد للفكرة
ولكن فى إطار الفكرة نفسها

وبعدها أدخلتنا فى النص بطريقة جميلة
عقدت مقارنة بين الطباع المختلفة
بين إمرأة .. وإمرأة أخرى .. لنرى الفرق
بين الأصيلة .. والخسيسة

بجد إستمتعت معاك يا شاعر
بس العنوان كان حيكون أجمل لو كنت
وضعت كلمة الست بدل كلمة المرأة

الأستاذ والصديق
ماهر حامد
أشكرك على هذا النص الجميل

( حـمــدى )

للمرة الثالثة أمر على هذا النص الذى يشدنى دائما

لكى أستمتع بهذه المفاضلة لشاعرنا القدير وأستاذنا

وشمعة المصباح الأستاذ ماهر حامد .

لك تحياتى يارومانسى وربنا يوفقك .

أخوك محمد