أحمد ناجح
عدد المساهمات : 2 تاريخ التسجيل : 27/06/2012
| موضوع: مش هسامحك .. الأربعاء يونيو 27, 2012 11:33 pm | |
| مش هسامحك ... !! بعت ليكى سنينى قبلك لجل همسة نور بفجرك ولجل أنسى روحى فيكى اللى جاى قولت إملكيه كنت ياما احلم ببحــرك والحنين مغزول بسحرك والسفر عنوان مهاجر والضلوع منقوشه بيه كنت بتغطـــى بأمانى طول ليـــالى البعد عنك وارسمك حتى بجنانى صورة طبق الأصل منك والخطى بتهد فيا وقلبى يبنى قصر موت زى بيت العنـــــكبوت راح لنور الوهم يركع والأمل معصوب عنيه ولما جيت أفرد جناحى ع اللى باقى من صباحى شوفت فى عيونك أسيَّه تاكلى فرحـــة قلب نيَّه ورغم إن الجرح يصرخ اللى باقى بتحرقيه من قيودى اللى بزمانك وانتى سايقانى لشيطانك زى قربان المقام غاســـله رجليكى بدمى ومن دموعى بتستحمى تدعى دعوة مســتجير فاكره وهمك هتلاقيه رغم إنك شوفتى ياما والجروح تشهد عليكى وكل جرح وليه علامه بصى ع الوشم بإيديكى نار ألامك تكوى جرحك وانتى غاويه تسمميه كنتى تتلفى بدمــــوعك لما يتعرى الجسد شايله همك بين ضلوعك والأنين تاه فى العدد وانتهى مشـــــهد إثارة جوا دور بتمثليه أشـــــكى منك ولاّليكى مانتى مولاتى ومليكى وانقسم عمرى بإيديكى نص ياما حلمت اشوفك ونص مات ببكى عليه إشـــربى دمعك لوحدك ويّا وهمك وافرشى قلبك يدوسه اللى واهمك واخلــعى توب البراءة معدش لون تتلونيه مش هســــــــــــامح فيكى ضعفى مش هســـــــــــامح فيكى خوفى لما كان قلبى بيرجف لما بتطاوعه حروفى وانتى كنتى تتــــوهيه بعد حلم العمر كله بعد نار الشوق وضله بعد ماديتك عيونى وارتضيت فيكى بجنونى طب قوليلى عايزه إيه طب قوليلى عايزه إيه !! ــــــــــــــــــــــــــــــــــــــــــــ بقلم / أحمد ناجح [/b]
| |
|
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: مش هسامحك .. الخميس يونيو 28, 2012 12:33 am | |
|
ترحيب سريع بالشاعر الصديق الاستاذ احمد ناجح
ولي عودة لنصكم
على روقان
شرفت ونورت
منتداك كل الود
| |
|
هاجر محمد منصور
من أصحاب المنتدي
عدد المساهمات : 70 تاريخ التسجيل : 17/06/2012 العمر : 26 الموقع : مصر
| |
هاجر محمد منصور
من أصحاب المنتدي
عدد المساهمات : 70 تاريخ التسجيل : 17/06/2012 العمر : 26 الموقع : مصر
| |
حمدى شبانة
من أصحاب المنتدي
عدد المساهمات : 501 تاريخ التسجيل : 07/05/2011 العمر : 61 الموقع : الـجــيــزة - أُم الدنـيــا
| موضوع: رد: مش هسامحك .. السبت يونيو 30, 2012 1:46 pm | |
| الأستاذ الجميل شعراً أحمد ناجح
مساء الأشعار الجميلة مساء الكلمات التى تحمل فكرة
مش حسامحك .. رائعة كما تعودنا منك الصور الشعرية أكثر من رائعة والمعانى الجميلة الممتعة
أقولك إيه يا شاعر على كل هذا الجمال أسعدك الله كما تسعدنى دائماً
| |
|
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: مش هسامحك .. الخميس أغسطس 16, 2012 11:16 pm | |
|
أنا اللى مش حسامحك ياشاعر ياكبير
على اختفاءط عننا كل هذه الفتره ، وبعدين اللى
يكتب نص بالجمال ده يكتبه ويهرب من الساحه !؟
أتمنى أن نسعد بنصوص أخرى من إبداعاتك الجميله
لك تحياتى واحترامى .
| |
|