ياثورة بلدنا(منولوج)

(ياثورة بلدنا)
ياثورة بلدنا ياثورة شباب
رفضنا نجدّد سنين العذاب
فتحنا بـيـبانها لكل الحبايب
زرعنا جناين ورى كل باب
,,,,
ياثورة قبضنا على المفسدين
وسألوا وقالولنا يوميها احنا فين؟
صرخنا وقولنا عملنا الكمين
فجرتم واحنا بوليس الأداب
,,,,
ياثورة ما راحت سنين الدمار
شهيدك بدمّه غسل كلّ عار
وخللا ميدانك يطلــّع شرار
يطول كل فاسد ولو فى السحاب
,,,,,
ياثورة بايدنا قلبنا النظام
وشيلنا اللى ظالم وابن الحرام
وقبل اللى خاين لقينا المدام
كانت مساهمه فى كل الخراب
,,,,,
ياثورة وعرفنا العدو م الحبيب
وسهم العداله اللى لازم يصيب
ورب العباد اللى فرجه قريب
وسيف انتقامه فى يوم الحساب
,,,,
ياثورة وعملوا عليكى الحصار
بألفين محاوله والفين جدار
وطلعت خيابه ولعبة صغار
ووقعوا الديابه فى عشّ الغراب
,,,
ياثورة مسكنا الحرامى بادينا
وفتحى وحبيب اللىّ كان بيعادينا
وصفوت وعزمى وياسر جرانه
وعز وجمالهم وكل الكلاب
,,,,,

اخى الغالى
الاستاذ/احمد راضى
مساكم زى العسل
النحل اول قطفه
يامنور الدنيا وحارمنى من صوتك
لكن كفايه عليه
اشوف كلامك الجميل
واتعلم منك كل جميل
لك كل تحياتى وتقديرى