محمد عبدالرازق زهيرى
من أصحاب المنتدي
عدد المساهمات : 34 تاريخ التسجيل : 06/04/2012
| موضوع: حلم الصبا الأربعاء أغسطس 22, 2012 8:20 pm | |
| حلم الصبا
مرة الصراحة .. والحرام .. أصله غبى ونا مش نبى .. ولا كنت نادم .. فى طريقى ومذهبى وأيام .. ما كان سنى صبى قاللى .. أبى إسمع كتير وإفتح عنيك ويكون فى بير سر .. اللى ليك وتمللى خلى الخير ماليك وأعاديك إذا .. ماتكون أبى قاللى .. أبى خلى الوداد .. للى يراضيك واللى يداديك واللى تمللى .. يسب فيك خليك عليه .. حاسم نبى وأياك تعاشر يوم رجال زى الحريم مهما جمايلك .. زرعت فيهم .. طراوة .. بألف لون والأصل .. دون يفضل تمللى .. يزم فيك زم التيوس .. لأهل النفوس الطيبين وإحرص عللى .. أن تكون واحة .. عيون ترعى المتميم .. واليتيم واللى معاه .. الحالة جيم واللى غزاله .. يوم شرد وقلبه شاتى .. ف يوم برد واللى إتوجد .. من غير معين وإمسح دموع .. المطحونين وإحكى هموم .. المحزونين خليك تمللى .. كالطبيب وقت الندا .. دوغرى إستجيب وأوصف بإخلاص .. العلاج خليك .. لقلب الليل سراج نوره يضوى .. للغريب قبل القريب
قول يابا .. قول دا الدهر غول راعب .. شبابنا بالفتون ويوصله لشط المنون بدون ما يوصل للأمان ولا تدركه لحظة إيمان ويعدى م الدنيا فطيس معرفش يوزن .. أو يقيس أو يطرح الفكرة الحنون وناعشت .. باستقصى الحلال وعملته .. حلمى .. والمجال ورفضت .. شرع الإبتذال وعففت .. عن .. ذل السؤال وسألت ربى .. وإستجاب وسلكت دربى .. بالصواب وبعدت .. عن مسك السراب وندهت .. ارضى يا أبى ياللى .. فى عقلى الغيهبى
قاللى .. كفاية .. إنك بشر وحفظت نفسك .. م الأشر ولا عمره صابك .. منها ضر دنيا الفتون .. الملعب ولسه بحلم .. بالمثل واللى فى حلمى م الصبا ولكن .. ما يوم قلبى .. صبا ولا .. وهجرت المرجله
عدل سابقا من قبل محمد البسيوني في الخميس أغسطس 23, 2012 4:33 pm عدل 1 مرات (السبب : تكبير وتلوين) | |
|
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: حلم الصبا الخميس أغسطس 23, 2012 4:38 pm | |
|
جميل أستاذ محمد
قصيده جميله ، ولكن آخر شطره بتقول فيها :
ولا .. وهجرت المرجله
وللتنويه فقط أرجو أن تقبل تصحيحها لتكون :
ولا .. هجرت المرجله
أعتقد أنك كنت تريد أن تكتبها هكذا .
نص جميل تقبل تحياتى
عدل سابقا من قبل محمد البسيوني في الجمعة أغسطس 24, 2012 9:23 am عدل 1 مرات | |
|
محمد عبدالرازق زهيرى
من أصحاب المنتدي
عدد المساهمات : 34 تاريخ التسجيل : 06/04/2012
| موضوع: رد: حلم الصبا الخميس أغسطس 23, 2012 8:42 pm | |
| اشكرك صديقى الاستاذ محمد البسيونى ولك حق فى ملاحظتك
اعندك حق فى الملاحظه فهى كانت فى الاصل
ولا هجرت المرجله
يعنى مهجرتش المرجله
وانا ناقلهلها من موقع على النت اسمه محورات المصريين
وناشرها هكذا وبدون مراجعه ليها
وعلى اى حال اشكرك وسيتم تصحيحها عندى فى الكمبيوتر ولكم منى جزيل الشكر | |
|