الديوان الأول بالعامية بعنوان (غصن الربيع)

يا كلمة رضعه م العذاب ألوان

والدم سايل ف السطور أحزان

قلبي الوديع

جواه ربيع

رغم السواد اللي ف عيون المجروحين

انا مش بدين

كل العيون المحرومين

أنا مش حزين

يا كلمة شربه من كاس الحياة أشعار

الليل ستار

والحب دار

ممدود يا فكر العاشقين ممدود

لسه الشجر في عود

وورود هتطرح فى الصباح أفراح

لسه في قلبي براح .....

وأذان بيزرع جوه منى صلاح

وأنا مش هضيع

ولا هبيع

غصن الربيع

ببلاش

(كروان وبيغرد )

كــروان وبـيـغرّد

بيقول كلامْ موزون

وأنا حالي متْشرد

والقلب بات محزون

يا حلم متْكسر

جوه فى إحساسي

فاكرك ومش فاكرك

لكني مش ناسي

قلبى قليل الزّاد

عايش ومش عايش

عايش وتوبه حداد

لكنّه مش عايش

كروان وبيْسبّح

ييحلم بفجر وعيد

لمّا انتي عشقاني

ليه تخْلفى المواعيد

كروان فى ليل بيحوم

بيحكى حكاياتة

عاشق وكله شجون

فارد جناحاته

كروان قليل البوح

صوته حزين مبحوح

لكنه بيغرّد

(مايهمنيش)

مايهمنيش لو ان حد

يحسني او مايحسنيش

مايهمنيش ان حد قال بيحبني

او حتى قال مايحبنيش

مايهمنيش

لو ان اكلى جبنه تركي

او قريش

مايهمنيش

ان كان بقى فرشي الحرير او حتى هيش

ما يهمنيش

موت الفؤاد

عند الحدود

قطف الورود

ظمأ الحياة

على الخدود

مايهمنيش

لبس الحداد

فوق البدن

كتر البكى

لجل الوطن

جرح الاحبة

والصحاب

الم البعاد

كتر العذاب

احباب ماليش

مايهمنيش

أفوز بجايزة

احب فايزة

وهيّا كات ما تحبنيش

مايهمنيش

اطلع فى راديو

بالاذاعه

الفذلكة

كتر اللذاعة

ما يهمنيش

ان اكون اكون لوا او باتشاويش

مايهمنيش

اصرخ ليالى

تكون طويلة

بدون ونيس

مايهمنيش

انا اصل كل اللي يهمني

الاقى قلب يحسني

في حزني يجري يلفني

في فرحي يجي يضمني

واحس ان طاير لفوق

وليا قلب وليا برضه جناح وريش

ساعتها تبقي فرحتي

ما تنتهيش

لحظتها كل الدنيا دى ماتهمنيش

[b]

إن كان لك نيل تقدر تحميّه
إحميّه
من إيد الولد الشبعان حقد
العطشان دم
من كف الناس الشقيانه
النايم فوق غطى أحلامك
وبيرقص عشرة أروبى
على صوت أحزانك
2
إن كان لك (دين ) تقدر تحميّه
إحميه
واحفظ ترتيله
ووصيه خالق الكون
إيَّاك إبليس
إبليس ملعون
متشعلق جوه حروف / الولد العاشق ذاته
المغرور بصفاته
المستعرض غضلاته
الكاره كل الكون
إن كان لك قلب يحس
حس كلام الله ورسوله
وإيَّاك تأويل الآية لأشعار شمشون
شمشون مجنون ....
مين فيَّنا ومين فى الكون
يضمن ويقوم
ويلاقى الدنيا بأحولها
والنيل بيصب فى خزنها
والدم بيجرى فى شرينها
(مين فينا يضمن احولها )
(مين فينا يضمن احولها
(مين فينا يضمن احولها )

» المداويه قصيدة بالعامية المصرية
» أحتفاليه الديوان السادس (عزة الزرقانى فى ساقيه الصاوى الف مبروك)
» هّل الربيع بشمس حرية
» غصن الربيع
» أهلا ومرحبا بالأستاذة / زهراء الربيع