كــــــراكــــيب حيـــــــاه

مِتكَوَّر على نفسك
عامل زى الدود فى الأرض
واخد ركن الأوضه الجِوّانى
مِتخَبّى ف ضعفك
وعنيك..فاضحاك
بتمد إيديك للأكل
وتْدَخّل حباية الرُزّ معافره
زى الحَجَر المحشور فى الجوف
وماليك الخوف
إحساسك.....
شرايين اوجاع
دفا عُمر وضاع
وليالى تعَدِّى كابوس
بيدوس
عَ النُص التحتانى
ما بتقدر رجليك على شيلك
محتاج للنوم......
ما تنام
إيّاك بتخاف من طَلِة طيفها عليك
إيّاك بتخاف مِ النوم
علشان الرجفه اللى ف قلبك
ما توَقّفهوش
بتخاف مِ الموت !
مع إنّك كنت بتسكن جِوّاه
كان طعم الآه مِتْغَمِس
بخوفتها عليك
كانت حواليك
بتجيلك قبل ما تندّه
تِمْسِكْ رجليك
تِتْأمِل فيك
إوعاك تفتِكِر إن عنيها
كات خايفه عليك
كانت بتموت
لمّـا تشوفك من جِوّاك
وبتصرخ آآه
وترد عليك بالنظره الساكته
العارفه طريقها لقتل الآه
بلا منها حياه
وحاتِفضَل مِتْكَوّر على بعضك
لمّـا تِمَدِدْ غصبِن عنّك
جِوّه تابوت
ما تموت
ماهى أصلاً عيشتَكْ صَبَحِت...
موت !
حاوِل تِقْفِل شُراعتكْ
سراسيب النور
واجعاك فى عنيك
الضلمه حياه
والتكويره ف جحر الدوده
برضه حياه
................
لِمْ الطَرْف المِتْنَطوّر
مِ الهِدْمَه عليك
كَوِّم رجليك
وادفن وِشّكْ جِوّاها
ويــــّــاهـــــا...
كات بس حياه

أبوالمجد البحيرى

صدقنى .. فعلا بياع فل وورد وياسمين

وكل الزهورالجميله أستاذ أبو المجد

رائعه لأبعد الحدود .. تفعيله جيده من شاعر

مميز ، ذو حِرَ فِيَّة عاليه .

لك تحياتى أيها الرائع .

استذنا

رغم ان رافع يدى من موضوع التثبيت

ولكن اسمح لي ان اثبت هذة الرائعة

وليست هذة من باب المجامله فالنص بيه كثيرا من الجماليات

التى تحتاج الوقوف عندها

ولي عودة للنص حيث التواصل

ماهر حامد كتب:: استذنا

رغم ان خالع يدى من موضوع التثبيت

ولكن اسمح لي ان اثبت عهذة الرائعة

وليس هذة مجامله فالنص بيه كثيرا من الجماليات

التى تحتاج الوقوف عندها

ولي عودة للنص حيث التواصل

ياماهر
بلاش يا غالى
كفايه وجود عملى المتواضع وسط روائعكم
دمت بكل الود

ياااااااااه تملكنى الشعور بطعم حرفك ..
مبدع حد الروعه ..

كثيرا ما تمنيت قول هذا المعنى

لكن لم أكن سأخرجه بهذا السيناريو الرائع

استاذنا سلمت يداك وسلمت من شجنك