أنا مِحتاجلِك نبقى أحباب

( أنا مِحتاجلِك نبقى أحباب )
فاتِحلِك فى قلبى حبيبتى
مليون مليون ألف باب
وزارِعلِك فى بستان قلبى
تفاح وعنب وموز طاب
تعالى إقبلى هديتى ليكى
أُقطُفي من غير أى حِساب
****************
فى كل رُكن من البستان
ورود أشكال مع ألوان
بوجودك راح يحلى المكان
بالأشواق وبا الحنان
تعالى ح تلاقى معايا أمان
مِحتاجلِك تعالى نبقى أحباب
***************
كل الورود مُشتاقة ليكي
وهى بِتفَتَح بتناديكي
مِحتاجة لمسة من إيديكي
محتاجة نظرة من عنيكي
أنا مِنهُم بَغير عليكي
وبِعاتِبهُم ألف عِتاب
************
أما بحور الشوق ياحبيبتى
بتقول أمواجها فينك إنتى
آة لو تكوني بِتجيبي سيرتي
أة لو تشتاقي بس لِغِبتي
أة لو أوحَشِك وتجيني فِهمتي
ألقى فى عذابي معاكي جواب
******************
يوسف ابو زينة