حُكم االسَّـــيْد

=====

أنا عاوز ريِّس تفصيل ...

زي ماييجي ف شوقي السير ..

يبقى معايا !

يدِّيني عصايته السحريه ويركن هوَ

أبقى الواد االفتِّ القوه

قلت يمين / قلت شمال ..

كل الدلاديل تمشي ورايا

بلا شرعيَّه وخاوتة راس !

إقفلوا يابهايم الكُـرَّاس

أمن الدوله ..

راح ارجَّعها

واياكش اسمع كلب يهوهو

ح اشنق مرسي

واخد الكرسي ياشعب عبيط

وح اشجَّع كل اللي يْزيط

والبلطجه بقانون ح احميها

راح ألبس بدلتي ظبَّاطي

وتجوني وراسكم بتطاطي ...

زي ماكنتوا ف عهد مبارك

وح ابيعكوا

وأبيع أولادكوا

وح اهرَّب حسني وأولاده

واخد منهم قوت الشعب أحطُّه ف جيبي

وان ماقدرتش ...

يبقى ده عيبي

بلا ثوره وبلا خوتة راس

إقفلوا يابهايم الكُرَّاس

*****

وح اجيب قاضي بيشنق بس

لاجل ماكُـلُّه برعب يحس يروح يتدارى ف سابع أرض

وامَّا يحب ف نوبه يعيش ...

ح يبوس إيدي / في طابور عرْض

سامعك ياللي ف آخر الصف

ياحُـرَّاس ...

سبعين كف يرنوا ف وشُّـه

واسجنوا ده

قال دكتور !

وياريته محصَّل لو تور

ياحُـرَّاس ...

عندنا زحمه

إنزلوا قتل ومن غير رحمه

حِكمه وقالها أخويا مبارك :

لازم كل الشعب يموت ..

لاجل النُّـخبه ...

عشرين ألف

أو خمسن

تبقى بلدنا زين الزين

لو بقى غيرهم ...

يبقوا عبيد

ترجعوا تاني لحُكم السِّـيْد

ترجعوا تاني لحُكم السِّـيْد .

عادل عثمان الحجار

===========

والله العظيم

يا استاذ عادل

مشكلتنا
ان احنا
اتعودنا
ان يكون
من يحكمنا
فرعون
بل
نقدسه كما الإله
الشعب عايز كل حاجه
من غير ما يقدم اى حاجه

الرجل غلب بصراحه معنا

يدعوا للتظاهر وفي نفس الوقت للعمل

وانا رئيس لكل المصريين
والله لو انا منه اكتب يافته على ضهرى
وكتب فيها
انا رئيس لكل المصريين
و للاسف تظاهرات وياريتها سلميه

وفي نفس الوقت

يقولوا هو عمل ايه

قصيدة رائعه

كما تعودت منك

غير ان هذة المرة
اجد الحده
في انتقاء الالفاظه
وهذ نوع من انواع الرضع
المسموح به

الشاعر / عادل عثمان الحجار
شاعر صاحب مبدأ وفكر

ومتكامل الادوات

ومنكم نتعلم الكثير

كل الود

أشكرك أخي المبدع الراقي /

ماهر حامد ،

وانا أول مره ألاقي نفسي باكتب بخذه الحدة خوفاً على مصر من أصحاب النفوس الضعيفة ، والذين لايهمهم سوى مصالحهم الشخصية ولو على مصلحة البلد .
فحسبنا الله ونعم الوكيل