ســـــراب

موضوع: ســـــراب الثلاثاء فبراير 26, 2013 9:46 pm

حلم انما كان بالإمكان
يوصل بينا لأعلى مكان
=.=.=.=.=.=.=.=.=.=
ضاع الحلم ف وسط صراع
بين غلطان أو مش غلطان
=.=.=.=.=.=.=.=.=.=
حلم سحبنى لفوق ودانى
بعد م كان الخوف عنوانى
=.=.=.=.=.=.=.=.=.=
حلم فردلى قلوع وشراع
بعد ما عشش فيا ضياع
=.=.=.=.=.=.=.=.=.=
حلم بفكرة تعدى بحور
وصلت بينا طريق مسحور
=.=.=.=.=.=.=.=.=.=
حلم فى وسط الضلمة شعاع
خد بإدينا وبعدها ضاع
=.=.=.=.=.=.=.=.=.=
حلم صحيت منه على كابوس
ما لقيت جنى جوه فانوس
=.=.=.=.=.=.=.=.=.=
حلم لقانى قاعدة مكانى
باندب حظى و بانعى زمانى
=.=.=.=.=.=.=.=.=.=
حلم بحب وخوف على حالى
قالى كتير ياما جايه ليالى
=.=.=.=.=.=.=.=.=.=
حلم وقالى اسمع وإتأنى
حلمك عملك بلدك جنة

تحيه ترحيب

للاديبه

الاستاذة هدى شعبان

واهلا ومرحبا
بك في قسم العاميه

ولى عودة ان شاء الله

كل الود

بصراحه .. نص مكتمل الأركان ...

سلمت يداكى ياأستاذه .. إضافة رائعه وجيده

لباب العاميه .. بالإضافه لتربعك على عرش

باب القصه .

أحسنتِ أستاذه هدى .. وإلى تقدم مستمر .

ملحوظة :

تم تثبيت النص بمعرفتى لبراعة الشاعرة فى تقديمه

استاذ ماهر اشكرك جدا

استاذ محمد يشرفنى طبعا الانضمام ليكم واتمنى اكون عند حسن ظنكم دائما

موضوع: رد: ســـــراب الجمعة مارس 01, 2013 11:01 pm

حبة احلام جميلة واجملها ان بلدنا تكون جنة
سلمت يداك وسلمت استاذة هدى
محبتي والورد
وفاء أمين

موضوع: رد: ســـــراب الأحد مارس 03, 2013 9:21 pm

الشاعرة الاستاذة هدي شعبان

نص رائع يحمل كل ادوات الشعر الجميل

في اول مطالعة لي لأحد اعمالك أجدني أمام شاعرة تعرف

كيف تكتب قصيدة معبرة ممتعة

لك خالص التقدير ولعملك كل الاعجاب

موضوع: رد: ســـــراب الأحد مارس 03, 2013 9:26 pm

نصك قراته واعجبني جدا بين حروفك سحر ولا يقال عن كلامك الا انه شعر ابدعتي .. مودتي