مصدرين التفاهه

(مصدرين التفاهه)

أخيرا ياحسنى تركت الرياسه
وسقطت عصابتك عصابة النجاسه
ومن ريش نعام لريش الحصير
وتدخل تاريخ رجال التعاسه
سبحان مغيّر أحوال قوم
وخالقُ قوم أرباب كياسه
تاريخك ملوّث انت وجمال
كواحده فى حالة حيض أو نفاسه
أخــّرت شعبك آلاف السنين
فجوعنا وموّت فينا الانين
وعيلة سيادتك متسلطين
وانت فى برجك عميل عند ناسا
ايه يعنى كان قصد سيادتك
سيادتك بلا ادنى سياسه
,,,,,
مصر فى عهدك دوله حرام
ذلّ امتهانك تسمّيه سلام؟
تقايض بشعبك شلــّة لآم
عشان انكل اوباما والعم سام؟
بسْ نسيت أقول ان مرضك
علــّه بقلبك مكانها ضلوعك
مكافئة مؤامرة شدّة ضلوعك
فى قتل الضحايا بواسطة فروعك
وساكن وهامد وراحت قلوعك
,,,,,
انا مش بأشمت لكن باعايرك
كنــّا اسارى لحفنة بعايرك
عمــّل تودّى تجيب فى اسايرك
ومصر النضيفة تبايعك تسايرك
دا ميت مستحيل انى اسايرك
شلة عصابتك كانت مريعة
نظيف واللا غالى نكهه فظيعه
صمّمتْ ناكل أكلنا الوجيعه
,,,,,,
وحلــّيت بعز كبير الهناجره
فخللا بلادنا بلا أدنى أجرة
وصفوت وفتحى وزيزو وجرانه
سقونا المآسى ساقونا لمهانه
وانت بتشرب فى كاس من دوانا
عاوزنى اطاوعك واقول مشتريك
وانزل أهلــّل واقول بافتديك
أنا مش معاهم أنا بازدريك
,,,,,
ثورة ياناير كانت نهايتك
هأحرق وراك بقايا نفايتك
أودّع رحيلك بأنىّ عنيْتك
وودّع لى سوزى كبيرت اللصوص
ياما شرّبتنا من العرقسوس
وشرْبت علينا فى غرفة جاسوس
بتاعة الهوانم بتاعة الفلوس
حريم الفنادق حريم التيوس
عقيلة سيادتك حرم الدّيوس
كرامتنا راحتْ وروحت معاها
عشان بسْ تعرف قسوة هواها
ومين اللى ّ ضحىّ ومين اللىّ باها
ومين اللىّ صدّرْ لمصر التفاها
ومين اللىّ قدّم لمصر النزاهه

(محمد معروف) كفرالشيخ 0192934629