كنت فاكره انك ملاك
حاجه غير كل البشر
خدت إيدى للهلاك
قلت دا هو القدر
خدت فرحى وسبت جرحى
ليه فى لحظه نسيت حنانى
ليه بقيت فى لحظه جارح
قلب جانى !! وفكرى سارح
النهارده يادوب .. عِرفت
إن بُعدَك .. عنى أفضل
بس جرحى مش هيفضل
جوا قلبى مهما طال
إنت خاين .. إنت جارح
قلبى قال إنك أنانى
كُل حُبَّك .. كان لنفسك
عمرُه ماكان يوم عشانى
مين يقول دا حُب أصلا
هى دى عين الخيانه
ليه نسيت كل اللى كان
قولى بس وبأمانه
كنت فاكر إنى لعبه
وبسهوله هتلاقينى
بين إيديك باخضع وبابكى
والحقيقه لقيتها صعبه!!
مش هاتبكى عيونى تانى
لو بكيت .. هابكى عشان
كنت يوم راضيه بخضوعى
لجل يوم فكرت فيك
وانت أصلا مش طبيعى
والطبيعى ان انت خاين
مش هاعاتبك
مش هالومك
إنت فعلا كنت كدبه
ده كلامك مش كلامى
كان كلامك ليا وهم
وبصراحه مالوش معانى
لو هافكر يوم فى كلمه
تكون مناسبه منى ليك
اللى شفته تشوفه انت
والدموع تسكن عنيك
بادعى ربى يجيب لى حقى
اللى ضيعته بإيديك
نور القمر