محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: ماتندمشى !! الخميس أبريل 11, 2013 6:15 pm | |
|
ماتزعلشى .... !!
************
ياعم افردها .. تِزعل ليـه
عشان ساهى وناسيك البيه ؟
ومش دارى وصلت لإيـه
ولو دارى .. مايسألشى !؟
وإيه يعنى .. ماتِزعلشى !!
*****
نهارَك .. فى الشَّـقا إقضيه
ودُوخ ع الجاز عشان تلاقيه
وهات العيش .. بنُص جنيه !!
وتعمل خير .... ماتاكُلشى !!
وماتزعلشى !!
*****
ومش آمن على حياتك !!
تخاف تمشى مع مراتـك ؟
حَدادى البَر .. تِحتـاطـك
فنام فى البيت .. ماتُخرُجشى
وماتزعلشى !!
*****
وحتى لو صِحيت م النوم
لقيت حَواليك فريق م البُوم
بيرموا عليك تُهَم بالكُـوم
براءه قوام .. ماتِقلقشى !!
وماتزعلشى !!
*****
مادام صوتك راح الصندوق
وقلت "نعم" خلاص بقا دُوق
كلامَك م النهارده .. بذوق
وأحسن لك .. ماتِنطقشى !!
وماتزعلشى !!
*****
ياعمِّنا إصحَى .. واتعلِّم
حياتنـا يوماتى تتـأزِّم
وابو الهُول ضَج .. واتكلم
فقول رأيك .. وماتعيبشى !!
وماتزعلشى .. وماتزعلشى
عدل سابقا من قبل محمد البسيوني في الجمعة أبريل 12, 2013 7:46 am عدل 1 مرات | |
|
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: ماتندمشى !! الجمعة أبريل 12, 2013 3:58 am | |
| منيش ندمان ولا زعلان
و جوايا كتير ... فرحان
وهصبر حبه ... واستنى
لحد ما تكمل ... الجنه
ومش بالسهل ... تطهر
م الخونه اللي باعوها
وظلمونا ونهبوها
يا عم محمد اتْأنه
دا لولا المر ما عرفنا
حلاوة الحلو وجماله
ههههههههههههههه
معاك على الخط
دخلتلك مخصوص
رغم ان عندي دروس خصوصيه على الفيس بوك
وشغال بالدولار دلوقتى هههههههههههههه | |
|
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: ماتندمشى !! الجمعة أبريل 12, 2013 7:28 am | |
| ]center] ههههههههههههههههههههههه
مانت منهم ياعمنا ، ورغم ان الدولار عالى
برضه انت شغَّال فيه ، يهمك إيه !؟
يا " ماهر " بيه ماصَدَّقشى !!
بيتهيَّـألى .. إن احنــا
فى كارثه حقيقى مش محنه
غَلا ونار قايْده .. مش جنَّـه
قالوا لنا نهضه !! وماجاتشى
مانزعلشى !!؟؟
[/center] | |
|
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: ماتندمشى !! الجمعة أبريل 12, 2013 8:03 pm | |
|
وازعل ليه ... ياعم البيه مدام الجيب معبى جنيه ح حمد ربى واستنه سنه واتنين ع الجنه و بكرة الكل يتهنى اكيد ايوه هتتعدل وكلمه نهضه = كفاح لابد الكتف يتخدل وكله يكد ويعدل واقولك ايه ههههههههههه منيش زعلان ولا غضبان يا عم البيه
| |
|
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: ماتندمشى !! الأحد أبريل 14, 2013 10:39 pm | |
|
أمل جوَّاك .. وتفاؤل !!
وبتدُوحَر .. وبتحاول
لكن نَقبَك على شونه
وانا ع الشُّؤم متقاول !!
| |
|