نقطه .. ومن أول السَّطر

نقطه .. ومن أول السَّطر

**************

عشان سَطرين .. وشويَّه

لأحلامنا .. كتبناهُم

عشان .. نبنى لأولادنا

جسُور للأمن تِحميهُم

يلاقوا الشُّغله .. والهِِدمَه

ولقمه .. وسُكنه تإويهُم

ـ صحيح سقطِت حروف مِنَّا

وكان الخط .. مش واضح ـ

وأستاذ التاريخ .. راجِع

وشاف اللى انكتب كله

وشاف كراسه .. كراسه !!

ونادَى ع الوطن قال له :

خساره ياوطن !!

طول عُمرك الأوِّل

ولا رضيت السقوط أبدا

ولو تسقط .. مابتطوِّل

ولا قبِلت الهوان أبدا

ولا قبِلت ان تتسيِّس

ولا رضيت تطلع التَّانى

وكنت الألفَه .. والَّريِّس !!

جرى لك إيه دلوقتى !؟

جهنَّم .. ولَّعِت نارها

وأطهر دم .. بقَى سايح

خناقك .. سِمِعتُه الدنيا

وشافُه الجاىِّ والرَّايِح

وجُوَُُّاك الألم عَصْرَك

وباسمَع لك كلام جارح

وعين الحِقد .. من بَرَّه

تبُص بوشِّها الكــالِح

تقول العصر .. مش عصرَك !!

وتِنفُخ من بعيد فى النار

وحوِّلت العَمار لدمار !!

ونِرمى التُّهمَه ع الثوَّار

مصارين الحِشا جُوَّه ..

بتتخانِق ... وتتصالِح

وليه العِنـد راكبنـا

ولا بنِغفِر .. ولا نسامِح

ماتيجوا نوَحِّــد الكلمه

نِخَرَّج مصر م الأزمـه

وتِرجع بسمِـة الأُمَّـه

ونِبدى السَّطر م الأوِّل

ونِنسَى كتابة امبارح !!

شعر / محمد البسيونى

كفياك يا وطن سكوت و حروفك دم نازف

إتكلم اصرخ شيلناك هم وإنت ساكت

يا وطني أنا تعبت و كلامي واضح

إرحمونا خلونا نعيش نفرح ..خلو الفرح دائم

********حنان*******قلمي

ونِبدى السَّطر م الأوِّل

ونِنسَى كتابة امبارح !!

استاذ وشاعر كبير اوي

تحياتي وتقديري

» نقطه .. ومن أول السَّطر !!