دم البنات / محمود جمعة

دَمْ البَنَاتْ / محمود جمعة
إلي إبنتي الشهيدة (بإذن الله) هالة ابو شعيشع
*************
زِفُوا الخَبر للشَمسْ
هالة مِرّوحَةْ
للجَنة رَايحة مِن سُكاتْ
أصْل في بَلدّنا
إللي الشَهَامة طَبْعَها
بيْحَنّوا إيد البَلْطَجِي بدّم البَََنَاتْ
******
زِفُوا العَرُوسَة
بتُوب جِديد
أبيض كَلُون حُب الوَطَنْ
والشَرعْ تَاجْها ع الجِبِين
مَتْسَمُهٌوش أبَداً كَفْنْ
حَبِيِبْتِي عَايشَةْ
والجَبَان هو الْلِي مَاتّْ
******
زِفْوُا الخَبَر
لتَراب بَلَدنا يَسْتَعِدْ
حيضُمْ بين أحَضَانُه
آية رَبِنا
(( وَلَقّدْ كَتَبْنَا فِي الزَّبُور ..))
هَالة بَقِتْ ف الضَلْمة نُور
نِوْرِثَها بَعد الذِكر
نِمْلِك أرْضِنَا
وتِصْلِي بِينَا الفَجْر
نون..والعاديات ْ

******
الله عَلي الوَرْدة
اللي يِرْويها نَدي فَجْر الشَهادة
الحُرة يِغْزِل قَلْبها
حُبّ الوَطَن
وتشُوف كَرَامِة أهْلَها
فَرض وعِبادة
لا الخُوف جَدار يمْنَعها
تخْطَف فَجْرَها
ولا حَتَي صُوت الُموت
يِعَلّمها السُكات
غَمَامَة
وَهَبتْ عُمرهَا
وإنْ كَان سَاعَاتْ
*****
الدَرسْ صَعب ياهَالة
سَامحِي وأعْذُرِي
صَغَروا الرِجَال حَواليِكي
واْنِت ف كُل ثَانية
بتِكْبَري
الدرسْ كَان (يا نَسِيبَة )
آياتِ الكِفَاح
مَكْتُوب بلون الدّم
حَيّ عَلي الفَلاح
نِتْنَفِس الحُرية في نَسِيم الوَطَن
يا أَكُون هِناك
زَيّ الحُسِين
دَمِّي يعَلّمكُوا الثََبَاتْ
الدَرسْ صَِعبْ
ورا الشَاشَاتْ
مَحْنَاش ف عَصْر الأنْبِيا
عَلشَان تِجِيلنَا مِن زَمَان المُعْجِزَات

الله عليك يا استاذ محمود جمعه

ويسلم قلمك وتسلم هاله ووالدها الذى علمها ورباها على ان الحياة بدون كرامه لا قيمه لها

فعلا كما قيل زعيم الامه / د/ محمد مرسي

كانوا رجال ..............

كل الود

» ميحكمشي ؟؟؟ / محمود جمعة
» تخريفات تاريخية جدا / محمود جمعة
» حنزل بكرة علي التحرير / محمود جمعة
» أهلا ومرحبا / بالشاعر الأستاذ محمود جمعة
» إغضــبي ....(رضا محمود)