الست هى الاساس

موضوع: الست هى الاساس الأحد مايو 08, 2011 7:27 pm

الست هيى الأساس

مش هختلف وياك

وسعات بتبقى الشيطان

وسعات بتبقى ملاك

والشاطرة اللى هاتقدر

تحتوى جوزها

وتحسسه بدفئها

وتقوله بستناك

******

مش لويه بوزها

وطول الوقت ف المطبخ

وان كان رومانسى

يهزر هى بتسبخ

ولو جاميلها تقوله

ياشيخ دا لعب عيال

وتملى تشكى لجيرانها

ودايرة بتلبخ

*****

تشوفه بيحب أيه

وتقاسمه ف هوايته

وتبقى سنده وتبقى

العزوة ومرايته

اللى تبين محاسنه

مش بس سلبيات

وكمان بتيجى للعوج

وتبتدى قرايته

*****

ولو تشوفه حزين

تعينه ع الأيام

وتصبره ع الألم

وتدفعه لقدام

تضحك ف وشه

على الفاضى وع المليان

وتنسى كل التعب

قبل أما يجى ينام

*****

والراجل اللى يخون

يبقى من زوجته

لان هيى السبب

فى اللى قلق رحته

منكوشة طول النهار

ومبهدلة حالها

وهو طول النهار

يسعى لمصلحته

*****

وان خش بيته يلاقى

القرطة معصوبة

يسمع كلام يالطيف

فشر اللى قال طوبة

ونقار مايخلص

ولا زعببة أمشير

ناقص تبكس وتدى

باللى مكعوبة

*****

والراجل اللى ف بيته

مايلاقيش راحته

يإما يهرب بعيد

علشان يشوف بخته

يإما تبقى الخيانة

من وقت للتانى

وف الحالادى ودى

الغزل لبخته

*****

مهما يكون من شراسة

فى كل راجل طفل

لو حتى هذا الرجل

ترباس ومليون قفل

لازم يلين يتخضع

ويحس بوجودها

لكن تقولو لمين

وتفهمو ف ............

احمد راضى

هههههههههههههههههههه

ايوة الله في كل رجل طفل يا عم احمد
بس هما الايام دي عفريت تخيل لما الطفل يقوم من النوم ويلاقي عفريت نايم جانبه
ههههههههههه
الحمد لله انا ما عنديش حكومه يعني اتكلم براحتي

الله يكون في عون الجميع ويصبرهم ويفك اسرهم

قول امين يا عم احمد لو شاطر تقولها قولها هههههههههه

كل مودتي

ههههههههههههههههههههههههههههههههههههالله ع الدرس الجميل للأزواج

بس مين يسمع

دمت بكل حب

شكرا على هذا النص الرائع

أستاذ الرباعيات أ/أحمد راضى
ونصائح مفيدة
كتبت بعبارات بسيطة
وسهله
تقبل مرورى مع شكرى العميق
كل ودى

جميل هذا النص يا استاذ /احمد راضى والذى تناول الشق الاجتماعى

باسلوب سهل ورائع وبدون تعقيدات والجماليات

ايضا فى النص غزيرة نشكر لك

تقديمك لهذا النوع من

الابداع لك منى

مودتى ومحبتى

» الست مراتى
» الست دي امي لخالد عجاج