معركتنا زمهلوية

كُنت سأنشر هذه الكلمات من بعد مبارة القمة
مباشرة ولكن أخرتى ظروف طارئة
_______________________
[/size]
معركتنا زمهلوية 263963_126354267449499_100002247807040_210855_4763102_s

معركتنا زمهلوية 263963_126354267449499_100002247807040_210855_4763102_s

القضية مش عادية
القضية دورى عام
معركتنا زمهلوية
جامدة طحن مفيش كلام
ماتش جه بعد إنتظار
بعد ما زاد المرار
للفريقين الكبار
ماتش مَطمع للجميع
كله نِفسه أكيد يفوز
بس مش علشان نعوز
حاجة تتحقق أوام
م الضرورى الإهتمام
بالحاجات الصعبة دِيّا
أما انا بالنسبة لِيّا
أنتمى للأهلوية
كُنت نِفسى الأهلى طبعاً
يبقى ماتش القمة ليه
بس هَرِجَعْ أقول لنفسى
دا النصيب .. وهنعمل ايه
إبتدى الماتش بحماس
وبهتاف الجمهورين
ماتش سُخن م الأساس
لَمّا أخر ثانيتين
الهجوم كان م الزمالك
ف البداية م اللقاء
كان طريقهم حَبّة سالك
بس فين هو البقاء
لَمّا هزّ شباكنا جعفر
قُلت لازم برضه نُصبر
لسه للمبارة بقية
أيوه جون كان فى البداية
بس لسه ع النهاية
وقت كافى مش قُلّيل
يقدر الأهلى يعدّل
فجأة ضغط الأهلى زاد
وانتهى الكسل المُعاد
هاجمة جت سُخنة وسريعة
وف ثوانى وف دقيقة
رافعة من بركات لجدو
جدو مين يقدر يِهدّو
هَبَدها راس دخلها جون
جاتنا حالة م الجنون
والفَرّح سيطّر علينا
التعادل .. حلو لينا
الزمالك تانى هاجمت
رافضة خالص ثانية تسكت
هجمة رايحة وهجمة جاية
ضايعة دِيّا وضايعة دِيّا
بس نالوا ف الأخير
بعد ما صبروا كتير
شوطة من ياسر جميلة
جابها جون تانى لفريقه
كورة كات ضايعة وعليلة
بس وقعت تحت إيده
فرصة مرضلهاش تضيع
واشترى مرضاش يبيع
جابها جون .. يبقى التقدم
قالوا شكل الأهلى سَلّم
بس مين .. دا الأهلى صامد
تحت اى ظروف تكون
والتاريخ موجود وشاهد
هو مين .. ومين يكون
سيلفا قال استنوا أنا فيها
سدّد هدِّف جاب التانى
كورة مهما احكيلكوا عليه
عُمر ماراح يوصفها كلامى
خِلص الماتش .. اتنين/اتنين
بس مابنش .. الدورى لمين
الأهلى .. ستة وخمسن
والزمالك .. تنقص خمسة
ماهنعرفش نِحكِّم لسه
غير لمّا الماتشات الجاية
نعرف مين الفايز فيها
وف كل الأحوال يااخوانا
إحنا اخوات مش هيفرقنا
أى شىء ف الدنيا يكون
لو نفضل على طول إيد واحدة
صعب الدنيا دا كله يهون
....................
ف النهاية .. عايز أقول
كان العنف دا كله ليه
هيا برضه دى الأصول
مال حُسام ومال جوزيه
هيا إيه فايدة دا كله
غير زعل وخصام وكُره
نِفسى يبقى بجد كله
الروح الرياضية فيه[/size]

الشاعر / الاستاذ احمد الشرقاوي

رغم اني مما لا يطيق الكورة

ومع ذالك تمتعة هنا بنصك الجميل

كل مودتي

الشاعر الكبير احمد الشرقاوى
قصيدة حلوة على اوضاع كتير غلط
كل الشكر لحضرتك
اخيك حلمى

ماهر حامد كتب:: الشاعر / الاستاذ احمد الشرقاوي

رغم اني مما لا يطيق الكورة

ومع ذالك تمتعة هنا بنصك الجميل

كل مودتي

زى ما قلت لحضرتك قبل كده ياأستاذنا

هتحب الكورة يعنى هتحب الكورة

ههههههههههه

خليك معانا انت بس

ومتقلقش

شكرا على هذا المرور العطر

لا حرمنى الله من عطر مدخالتكم

دمت بكل خير

تحياتى

حلمى مصلحى كتب:: الشاعر الكبير احمد الشرقاوى
قصيدة حلوة على اوضاع كتير غلط
كل الشكر لحضرتك
اخيك حلمى

الشكر كل الشكر لك

على هذا المرور الرائع

أستاذنا الغالى / حلمى مصلحى

مرور غالى الى قلبى

لك كل التحية والشكر عليه

دمت بكل خير

تحياتى

الشاعر احمد الشرقاوى

أجمل ما قيل عن هذه المباراة

الله عليك

شعر وكورة

استمتعت بالشعر

وكل ما احب اشوف المباراه هكون هنا

شكرا شكرا