محمد عبد الرازق زهيرى
من أصحاب المنتدي
عدد المساهمات : 29 تاريخ التسجيل : 26/06/2011
| موضوع: قراءه فى كتاب الحال المايل الأربعاء يوليو 06, 2011 1:03 pm | |
| قراءه فى كتاب الحال المايل
*****************
ناس تقول اللى جاريلنا
مالنا فيه ذنب وميول
واللى ينظر جوه حالنا
يلزمه دق الطبول
يلزمه يلفت نظرنا
ع اللى حاصل فى الاصول
واللى ضاعت من ضميرنا
اللى نايم فى الطلول
واللى شايف ما اضارنا
بس مالى ودنه طين
لجل مايحسش المنا
او يلبى اويدين
واللى زود فى عيارنا
لما صار عالى الطنين
واحنا رغم اللى جاريلنا
لسه برضه بنستهين
***
شفت ابنك وابن صلبك
لحمه رحرح صار خنافس
مد رجله جات فى وشك
ولبنات جاركم منافس
فى اللبان يندغ ماهمك
والشعور طالت ما حاسس
وارتدى اللبس المحبك
والحلق فى الودن بايس
سلسلة نضارته مشبك
وف رقبته عقد ماسس
قلتله يابنى وعاندك
ولا منه كنت يائس
واحنا رغم اللى جاريلنا
لسه برضه بنستهين
***
والمصونه ام العفاف
لما لافت ع اللطاف
الشباب الجمس دون
واللى شهونا اللى حاف
منكرت كل الفتون
بينت كل اللى خاف
والعلام جوه الحصون
رقص ع الواحده وهاف
علت الكعب اللى دون
واتكشف جوز الخشاف
ليها جيبه مينى خالص
بالفتايح للكتاف
لطخت خلقة باريها
والنهود تغرى الشواف
هل نهيتها اوهديتها
ولا قلدت الخراف
واحنا رغم الى جاريلنا
لسه برضه بنستهين
***
لما جارك استجارك
قلت مالى ومال هباب
اصله كان مش من عيارك
واتقفل فى وشه باب
قلت عنه انه تمبل
جاى بيتمحك وعاب
فين ايمانك سبته دبل
والمرض نال منه صاب
فينه حق الجار ياكمل
ياللى اكملت النصاب
فين زكاتك يامبجل
ولادينك صار سراب
واحنا رغم اللى جاريلنا
لسه برضه بنستهين
***
شفت اخوك فى الدين ضحيه
للعجم والغدارين
لو بتملك همه حيه
مااتكسر ولا كان يلين
لجل جبنك سبته وحده
دمه ينزف شىء مهين
واتكلنا ع اللى قصده
يمحى دينك مش يعين
ليه ضمير يغضب بشده
لو يهودى بات حزين
واى عربى يعيب فى عربى
بالادب متجهزين
يمسحوا منه كرامته
يحرموه يرفع جبين
واما صربى يمحى بوسنى
حتى شرفه ملطخين
ولاروسى يمحى شيشنى
والعراق يندى الجبين
واللى عامل قال حارسنى
يبدى اسفه كل حين
ويداديه لما يياسنى
واحنا اصله مغفلين
واللى قال فتحاوى شابك
فى حماس متنيلين
وابن بيروت الميليشى
يشكى حزب الله لمين
والقرانقى والترابى
بالبشير متشبكين
والاصولى بالميولى
والجميع قال مسلمين
يرضى مين يارب هذا
والغلابه محتارين
واحنا رغم اللى جاريلنا
لسه برضه بنستهين
***
ارعد البرق ف سمانا
والمطر نازل سيول
كل دا واحنا ف هوانا
ماارتدعنا عن ميول
او ضميرنا يوم حاسبنا
نعرف العله ونقول
ان دى غضبة طبيعه
واحنا مالنا فيها حول
نسيوا قال رب الطبيعه
واللى دانت له العقول
واستعانوا ع الفجيعه
بالعرى ودق الطبول
بالخلاعه التوقيعيه
واوبرا عايده فى الطلول
والفتاوى العلمانيه
واهل زمر وهز طول
واستباحوا كل رغبه
لحمه نيه بصحن فول
وتقولولى اللى جاريلنا
مالنا فيه ذنب وميول
واحنا رغم اللى جاريلنا
لسه برضه بنستهين
----------------- [/ | |
|
عزة الزرقاني
من أصحاب المنتدي
عدد المساهمات : 816 تاريخ التسجيل : 22/06/2011
| موضوع: رد: قراءه فى كتاب الحال المايل الأربعاء يوليو 06, 2011 4:52 pm | |
| الشاعر الرائع محمد عبد الرازق أسمح لى بتثبيت رائعتك اولا ثم أعود لروعة وجمال حروفك دمت بحب | |
|
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: قراءه فى كتاب الحال المايل الأربعاء يوليو 06, 2011 5:34 pm | |
| الشاعر العبقري الاستاذ
محمد عبد الرازق زهيري
روعه روعه روعه
تحيه تقدير كبير لك ولقلمك المبدع
كل مودتي
| |
|
إبتسام حسين
مشرف
عدد المساهمات : 132 تاريخ التسجيل : 25/06/2011
| موضوع: رد: قراءه فى كتاب الحال المايل الخميس يوليو 07, 2011 1:05 am | |
|
كل احوالنا ومصيرنا كله باين بالميزان بس روحنا ويا جيلنا نتطاول ونقول تمام نسينا روحنا ويا مالنا وبعيالنا الظلم هان
الله عليك كلمات ولا اروع مضمون يحاكى احوال الامه والعرب صدق الكلام فتحركت المشاعر معه
سلم نبض قلمك شاعرنا الرائع/محمد عبد الرازق تقبل مرورى واعجابى بقلمك
| |
|
سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: قراءه فى كتاب الحال المايل الخميس يوليو 07, 2011 7:02 pm | |
| واستباحوا كل رغبه
لحمه نيه بصحن فول
وتقولولى اللى جاريلنا
مالنا فيه ذنب وميول
واحنا رغم اللى جاريلنا
لسه برضه بنستهين الشاعر الاستاذ محمدعبدالرازق ودائما ماتضربون على الوتر الحساس منظومه رائعة ومعبرة لكم كل تحياتى
| |
|
عزة الزرقاني
من أصحاب المنتدي
عدد المساهمات : 816 تاريخ التسجيل : 22/06/2011
| موضوع: رد: قراءه فى كتاب الحال المايل السبت يوليو 09, 2011 7:52 pm | |
| هى الروعه ناطقه لحرفك شاعرنا القدير محمد عبد الرازق تحيتى لروعتك وحروفك البنائه دمت بحب | |
|
علا ماهر
من أصحاب المنتدي
عدد المساهمات : 53 تاريخ التسجيل : 19/05/2011 العمر : 41 الموقع : اليكس
| موضوع: رد: قراءه فى كتاب الحال المايل السبت يوليو 09, 2011 8:02 pm | |
| الشاعر الرائع الاستاذ
محمد عبد الرازق
كلمات جميله وقلم مبدع جدير بالقراءة والتقدير وفي انتظار كل ما هو جديد مع خالص تحيتي وشكري
| |
|