الحلم الهلامى

الصبح فى مدينتى دامع الخطوات
شارد النظرات
واخد جيوب الفقير لسكة القطارات
والناس غلابه والسكك مسافات
توصل محطه ..تبتدى محطات
الناس فى دايره ضوء الهموم فراشات
تحلم الحلم الهلامى
بعد حلم الروح ما مات
حلم البنات بالسيجا والنطه
بالجيبه والشنطه
بالتل لما الخل يدبح لها القطه
لكن هدوم الفرح دابت فى ليل التوت
احلام كتير ماتت ..احلام كتير بتموت
لكن برغم الموت
قلب البنات نابض...قلب الولاد نابض
والحزن لو قابض
الفرح بكره يفوت
فمتزعليش منى يا زهره الننى
لو كان بايدى اقطفك
واسكنك فى بيوت
ما كنت مره افوت ....قطر السعاده يفوت
لكن يادوب العرق عاطينى حق القوت
لا أنا سندباد عصرى
ولا امير قصرى
ولا فى مورثى البنكنوت أخضر
يا حبيبتى مش ح اقدر
اروى بغصونك عود
ولا اداعب العنقود
ولا اهش طير الليل لو جاكى بالاحزان
نبت الهنا بستان
محتاج سواقى أمان
وأذاى فى يوم يقدر
يروى النبات
!!!!.....عطشان