جابر سلطان
من أصحاب المنتدي
عدد المساهمات : 36
تاريخ التسجيل : 01/07/2011
 | | موضوع: عشق الماريا الثلاثاء يوليو 12, 2011 12:17 am | |
| دقت مروحة الباب
دخلت والنور ف ضباب
فاقت عين خمار البار
هلل وقابلها بترحاب
سألته والشوق جوة عنيها
عاشق علي ننى النظرات
المٌن مجاش؟؟
ضحك الخمار
وبمكر خواجة
قالها قصدك زوربا المصري
اللي ورق كوتشينتوا بنات
لسه ياهانم علي شوف ساعتي
قدامة دقايق او لحظات
اصل المٌن نجم مجرات
وقت ظهوره تظهرعلامات
تظهر كل بنات الصالة
والكاس يرقص والخمارة
والستات تصبح ستات
اصل النسوه ى عشق المٌن
نسوه يوسف فى الحكايات
بصت له بعين مليانه عتاب
غضبت...لفت...خرجت م الباب
واتفاجئت بدخول المٌن
واقف بيسلم ع الاصحاب
فرشت له عينيها سرير
ومرايا حب
واتحرك فيه القلب يدب...يشب
وكأنه فى ليل الشوق عيل
عيل بيشابى ع اللى يحب
والمٌن حكيم
المٌن مفيش فى دماغه حريم
غير وش ماريا وعودها الحلو السنارى
والبنت عزيزه البيضا
الساكنه قصاده فى حى الحجارى
بتشوفها عنيه
ذكرى لماضى
لعزيزه عليه صبحت ماضى
كات عين يومه
كات مركب ابحاره وعومه
كات لما تشوفه
تجرى وتتعلق فى هدومه
يرفعها لفوق
ويزغزغ ضحكه ضحكتها
تضحك..تضحك..تضحك
لحد الضحك
مايرمى الفرح على هدومه
كات اخر عنبه فى عنقود امه
كات اخته المفطومه بدمه
والدم يحن
والمٌن فى جميع انواع العشق عظيم
لكنه مفيش فى دماغه حريم
غير وش ماريا
وقزازه خمره...وكاسين ونديم
وقصيده شعر
يبدئها الجاحظ على شط زيزينيا
يختمها الاخطل على شط جليم
المٌن ما فيش فى دماغه حريم
لكنه ان غاب
واتمرجح على مرجيحه الخمره
يتلموا عليه نسوان بحرى
وشباب بحرى
البيضا تزرغط والسمرا
يفرشوا ملاياتهم تحت كعابه
يرقصوا حواليه
يحيوا شبابه
يرقص وينط زوربا التانى
زوربا اللى جذوره فى موج بحرى
مش زوربا اللى جذوره يونانى
زوربا الانفوشى وترام كرموز
زوربا المٌن الشارب ملحه من بحر عجوز
زوربا المنشيه والتتويج وسوق العيد
اللى المقدونى فى مقدونيا
يرفع له الايد
وتفوق العاشقه من حلم المٌن
تندهه ع المٌن
يسمعها ويعمل ما سمعهاش
علشان بسكوتها ما يجرحهاش
المٌن حكيم
المٌن مفيش فى دماغه حريم
المٌن فى عشقه
محتاج لحنين
والعشق فى كعبه عشاقه
محتاج للحميه
محتاج تفانين
محتاج معشوقه تكون فى العشق
احمى من حد السكين
المٌن فى جميع انواع العشق عظيم
لكنه يخاف
من عشق الست المفتونه بعشق الفستاتين
كان يضحك ويقول لصحابه
الست العاشقه لفستانها
بتشوف الرجاله بعينها
حبه فستاتين
أسراها مرايا محاسنها
والروج ومراود كحل العين
محتاجه لعاشق مش عاشق
محتاجه لمانيكان بتارين
التلج الساكن انوثتها موّت رغبتها
موّت فيها الحميه
وموّت سهج البراكين
والمٌن فى عشقه ماريا حكيم
وماريا معاه احمى من حد السكين | |
|
ماهر حامد
خادم المصباح
عدد المساهمات : 2082
تاريخ التسجيل : 07/05/2011
| | موضوع: رد: عشق الماريا الخميس يوليو 14, 2011 1:22 am | |
| الشاعر الاستاذ
جابر سلطان
وعودة لرائعتك
ومعك يتابعك كل محبي الشعر
ولي عودة ان شاء الله
عدل سابقا من قبل ماهر حامد في الخميس يوليو 21, 2011 4:20 am عدل 1 مرات | |
|
عزة الزرقاني
من أصحاب المنتدي
عدد المساهمات : 816
تاريخ التسجيل : 22/06/2011
| | موضوع: رد: عشق الماريا الخميس يوليو 14, 2011 1:34 am | |
|
يسلام يسلام على المون معشوق البنات
رائع استاذ جابر بكل المقايس
ولكن دعنى اعود لجمال حروفا مجددا
لأغرق فى سحرها
فقط اريد ان اعرف منك استاذ جابر معنى قت فى اول الكلام مش فاهمه تقصد بها ايه
ياربت التوضيح
تحياتى وتقديرى
| |
|
عزة الزرقاني
من أصحاب المنتدي
عدد المساهمات : 816
تاريخ التسجيل : 22/06/2011
| | موضوع: رد: عشق الماريا الأربعاء يوليو 20, 2011 1:32 am | |
| عوده لشاعرنا الكبير جابر سلطانه ومدرسته الخاصه الذى نتعلم منها تحيتى وتقديرى | |
|
عزة الزرقاني
من أصحاب المنتدي
عدد المساهمات : 816
تاريخ التسجيل : 22/06/2011
| | موضوع: رد: عشق الماريا الجمعة يوليو 22, 2011 9:33 pm | |
| شاعرنا الكبير جابر سلطان
المن معشوق البنات
الغول
رائد الشعر وصاحب المدرسه الخاصه بجابر سلطان
عوده لرقى حروفك
دمت بحب
ملحوظه
تثبت بواسطتى لروعة الحرف | |
|
عزة الزرقاني
من أصحاب المنتدي
عدد المساهمات : 816
تاريخ التسجيل : 22/06/2011
| | موضوع: رد: عشق الماريا الخميس يوليو 28, 2011 7:36 pm | |
| عوده لروعه والشاعر الكبير جابر سلطان
دمت بحب وابداع | |
|
محمد البسيوني
المدير العام
عدد المساهمات : 1501
تاريخ التسجيل : 18/07/2011
| | موضوع: رد: عشق الماريا الخميس يوليو 28, 2011 10:36 pm | |
|
الشاعر الكبير جابر سلطان
تحياتى واحترامى
خدتنى من هنا من القاهره فى القطر المجرى السريع
وبسرعه برضه لففتنى فى الأنفوشى وكرموز والمنشيه
كله جرى فى جرى ، وبرغم كده ماتعبتش ياأخى !
أصل لما يكون الكلام جميل بيختصر المسافات .
أحسنت أخى جابر ، لكن اسمح لى اسألك :
إيه هو المن ؟
دمت بكل ود واحترام .
أخوك محمد البسيونى
| |
|
