عاشق

عاشق
****
من يوم ماسحرك نادانى
ولم همد لى حيل
وعاشرت نجمة صباحك
والسهر والليل
وانا اصلى فارس ياحلوه
بس مش فى الخيل
ماسك لجام كلمتى
واعرف حدود الميل
****
واما نادانى الهوى
وانا حلم فى سماكى
هفهف جناحى
وقلبى اتهز لنداكى
وفرد شباكى
تجيب الكلمه من بحرك
قرب لى موجك وقاللى
ع الشطوط غنوه
بصيت بعينى اترسم
جوايه ملاغيه
وندهت يانجمتى
وفردت جناحاتى
قلبى الفراغ اتخطف
ليكى ماشاورنى
كيف طفل شاتى
فى بردك لسه بيتتاتى
صبحت صلاتى غنا
ع الناى واناتى
ونسيت حدود سكتى
وجرفنى تيارك
سحر الغرام شدنى
والمد كان عاتى
وجريت الم الشبك
واحدف طموحاتى
قلبك لابيا شبك
ولاوده قربنى
وبقيت طريد غربتى
والموج معاندنى
وشربت يوم العطش
زيفك وتلويعك
وبلعت ريق الاسى
يوم شفت خذلانك
ومشيت خطاوى العشم
توهنى عنوانك
وعاشرت ليل الجفا
غربه ف غناويكى
وفردت باط المنى
يمكن اوافيكى
والقلب ليكى هتف
يحكى مواويلى
لكن قاسيت لوعتى
جوه حواريكى
ماوصلت يوم الوسع
ولاشفتلك شارع
رغم انى فارس غنا
وفى النيشان بارع
لكن بتدى الخلى
لويختلى بيكى
وانا اللى بيه الهوى
ميل نواحيكى
سابنى با عانى المنى
محتار ولابيكى
خليتى حزنى طغى
نقر شبابيكى
نزلت دموعى بكا
بلت سواد رمشك
والصبر بيا اشتكى
غيبة دفا عشك
ضيع حماس كلمتى
فى الوصل بالاشجان
والعقل لما عزم
يهجر شطوط ودك
مقدرش يهجر وعادلك
تجبره الاشواق
وكان مرار قسوتك
بلاسلوى او ترياق

ونسيم يهز الربيع
جوه ندى الاوراق
وانتى ياناسيه الوداد
لو كنتى شاريانى
ياعايقه حسنك طغى
والعشق ربانى
لتخفى عنى العناد
وتحسى اشجانى
وف يوم ماانول المراد
والقاكى رايدانى
ياسندريلا النغم
ياسحر الحانى
ح ابدر بياض ضحكتك
بسمه فى وش الريح
واقطف زهور الرضا
فى صحبة الموال
واقول لنسمة صفا
فيكى مايوم اتقال
والناى يعيد قصتى
يحكى ف غناويه
بعد الصلا ع النبى
شفتك منديه
ومعلقه كلمتى
فى الكف عنديه
عقد الكلام اتلضم
واتصافى بالنيه
طوقت عنقك حروف
وكتابه حنيه
ونثرت جيد مرمرك
بسمه فرايحيه
وفرط شعاعى العفى
من وهجك الصافى
ورجعت عاشق وراشق
سهم افصاحى
وافضل ياام الفوارس
للغنا خيال
عاشق بحورك وزارع
ع الشطوط امال
وف نول وصالك بحبى
ولم همد لى بال
---------------