ياعسكري.. يا ابو بوندوقية

ياعسكري..
يا ابو بوندوقية

عبد الناصر علام

ياعسكري يا
ابو بندقية

بلاش تخوّن
الثورجية

والثورية
ديّا ..

شريفة سارية..

وفاهمه
دارية

خلّت حيتان
الفساد "بساريا"

ثورتنا
يعني ..مش ملك شلة..

ولا ليها حسبة.. ولا ملك طايفة

ولا أيدها
خايفة ..

من غير مكابرة..

من غير مجاملة

ثورتنا
شاملة ..

مافيهاشي عملا

الثورة حق وحقيق وصادقة

مش عايزة
منّك ياسيدي صدقة

الثورة
شعبي اللي داق مراره

الثورة
شعبي اللي ياما لا لا

في عز ذل
الطغاه نطقها

وقالها "كلا" .. وألف لا.. لا

لا حد جاره

ولا حد غاثوا

ولاحد .. حد .. العذاب شويّة

فالثورة
بدري مدفوع تمنها

أيوه انت فيها
..

أيوه انت
منها

طبعا
حاميها ..

طبعا
ضامنها

صدقني ما
انتاش وصي عليها

الثورة هيّه..

عليك وصيّة

ياعسكري يا
ابو بندقية

**

ياعسكري ..
تشكر ياسيدي

أنا حر يا
اخي .. تبقاشي قيدي

ليك
السلامي ..

ليك
احترامي

ياللي انت ضهري..
ومعاك تمامي

ماتسيبشي
رووس الفساد.. تبرطع

وتدوس
كلامي.. وتهب فيّا

ياعسكري يا
ابو بندقية

**

خليك حيادي
وبلاش تميّل

"كما
كنت" هادي .. وزّان بتعدل

ولا حد فوق
المساءلة خالص

والنقد صحي وضروري عادي

عشان
مايبقي.. فيه مصداقية

ياعسكري يا
ابو بندقية

**

ياعسكري
انت .. ليه مش سامعني

دي ثورتي
.. وانا بيها معني

خليك
حاميها .. أرجوك طاوعني

ياللي انت
عارف ..

مين اللي باعها..

ومين شراها

مين اللي
خانها

وخان ثراها

سرق في
ميمها

وذل صادها ..

وذل راها

ولسه دم
الشهيد منتور

بلاش
ياسيدي ..تشتر وتنتر

وما
تفتريشي.. ياعم فكك

بلاش ..
بلاشي .. تزيد في شكك

حاسب جموع
اللي باعوا نقدي

بالمرة
يعني حاسبوا اللي شكك

فالثورة
قايدة ولا خوف عليها

هيه اللي
أعلي ..

ولا صوت
عاليها

فلا من
فلول النظام جموعها

ولا "م"
الزواني والبلطجية

فبلاش تخون
الثورجية

ياعسكري ..
يا ابو بندقية

**

الشاعر الكبير عبد الناصر
قصيدة جميلة ومعبرة
اخيك حلمى مصلحى

الله الله على جمال حروفك

الذى أطلقت عنان قلمك ليكون

صوت وحس الشعب

والناطق بلسان الثورة

الله عليك فى قولك

فا الثورة قايده ولا خوف عليها

كم رائعه ثورتك وكم رائعه حروفك

ايها الراقى عبد الناصر علام

فا انا لا أوفيك حقك مهما قولت

ولكن الصمت فى حضرة الجمال جمالا

دمت بحب

ملحوظه

تثبت بواسطتى

لروعة الحرف

هى اللى اعلى ولا صوت عاليها

مرحبا بالمبدع الشاعر

الاستاذ / عبد الناصر علام

قلم اعشقه مذ سنون

وها اليوم تجمعني وايّاك صفحة واحدة

ومع او غيث وفيض من قلمكم المبدع

وها هي الثورة في صراع ومرارة

شكرا لطرحك الجميل

الذي اشبع ذائقتي الشعريه

كل الود والتحيه

خالص معزتي

ماهر حامد

الـقـامــة الـشــعــريـــة

الأســـتاذ

عـبــد الـنــاصــر عــلاّم

يــاعـسـكــرى يــابــو بـُـنـدُقِـيـَّــة

تـلـك الأغـنـيــــة الـتـى كـنـا نـرددهــا ونـحــن صــغــار

كــان إخـتـيــارك رائـعــاً لـهــذه الـتـيـمـــة

لـتـكــون أغـنـيــة لــلـثــورة الـجـديــدة

كـلـمــاتــك كـمــا عـهـدنــاك تـحـمــل فــكــراً

داخــل الـفــكـــرة

كــل الـشــكــر أســتاذ عـبـد الـنـاصــر عــلام

لـك مـنــى كــل الـمــودة
حـمـــدى

------------------------------------------------------

حقا اخى الشاعر الكبير عبد الناصر علام
انت وحشتنا ووحشتنا اشعارك
الملتهبة نعم انت من مشعلى الثورة
ومهما قلنا عنك فلا نستطيع ان نوفيك حقك
تقبل تحياتى اخى وصديقى
الشاعر الكبير
ملك العامية بلا منازع
الشاعر عبد الناصر علام
ابن قنا الشامخة

الاستاذة المتألقة / عزه الزرقاني
أشكرك شكرا جزيلا علي حفاوتك وكرمك وأشكرك علي كلماتك الجميلة ، وانا سعيد جدا ، لأنني بينكم
تحياتي للجميع

المبدع الجميل / ماهر حامد
شرف لي أن اتواصل معك أيها الإنسان النبيل
ولك مني جزيل الشكر

أأستاذنا المبجل / حمدي شبانة
أنتم الأروع يا أستاذنا
وانتم الذين أضفتم لقصيدتي هذا البريق
فمروركم أضاء كلماتها ،
تحياتي يا أستاذنا

الشاعر المبدع / ناصر علي
شكرا ياصديقي علي مجاملتك الرقيقة
واتمني ان أكون عند حسن ظن الجميع
تقبل محبتي

استاذنا الجميل / حلمي مصيلحي
أشكرك علي مودتك ،
واغفر لي تأخري في الرد علي حضرتك ، ، تحياتي

صديقى العزيز المبدع دائما عبدالناصر علام
ما اجملها كلماتك حينما قلت :

الثورة حق وحقيق وصادقة

مش عايزة
منّك ياسيدي صدقة

الثورة
شعبي اللي داق مراره

الثورة
شعبي اللي ياما لا لا

في عز ذل
الطغاه نطقها

وقالها "كلا" .. وألف لا.. لا

الله الله رائع شاعرنا القدير بارك الله فيك

شاعر عدد المساهمات : 220 تاريخ التسجيل : 14/07/2011

الشاعر : عبد الناصر علام

إستخدمت عبارة دارجة في تراثنا ( يا عسكري يا أبو بندقية )

ولعبت بيها صح

الله ينور عليك وعلي قلمك