قصيدة ( احلامنا )

احــــلامــنا

فى منامى شايف خطين
ولو انه كان يوم حطين
والفارس راكب فرسين
وفايده ماسك نصلين
بيحرر ارض فلسطين
وملايكة فاردة الجناحين
صحانى ابنى المسكين
ولسانى بيقول سطرين
النجدة يا بنى ادمين
فى رقابكم دم فلسطين

مسمومة العيشة يا ناس
مرسومة فى سجارة وكاس
وادمر فينا الاحساس
وسكنا وسواس خناس
والتوهه ماسكالنا الفاس
معتوهه قافلة بترباس
وما دمنا عايشين تايهين
بنلملم نعمل قرشين
ونسينا لنسد الدين
النجدة يا بنى ادمين
فى رقابكم دم فلسطين

ايامنا مش لاقية العيد
والفقر مدلدل عناقيد
وما دمنا اسياد وعبيد
مش ممكن تطلعلنا ايد
والدبة مانعة الزغاريد
زغرودة وشاسفها اتنين
ونسينا لنسد الدين
النجدة يا بنى ادمين
فى رقابكمدم فلسطين

احلامنا صبحت كوابيس
مرشوقة دبابيس دبابيس
والخلق شوية قراطيس
مبلولة هيموتو فطيس
وعنينا شايفة الاباليس
ورضينا بقفل وترابيس
وقاسينا من المر سنين
ونسينا لنسد الدين
النجدة يا بنى ادمين
فى رقابكم دم فلسطين
فى رقابكم دم فلسطين
فى رقابكم دم فلسطين

وعودة الى فلسطين

الباكيه

صباح برائحة بالورود

شاعرنا الاستاذ ناصر على

لي عودة ان شاء الله مؤكده

صباح برائحة الياسمين اخى وصديقى

الشاعر الكبير الاستاذ / ماهر حامد

واشكر مرورك العطر

» قصيدة ( ليه ؟؟ )
» قصيدة ( المراية)
» قصيدة ( السواقى )
» قصيدة (شفت الشمس ؟)
» قصيدة قومى يا مصر