قصيدة ( ايامنا )

موضوع: قصيدة ( ايامنا ) الأحد يوليو 31, 2011 9:24 pm

[/b]

ايامنا

يا زمان عشناه بطوله والعرض مشوفناهوش
ادى مرتب موظف معدود قال بالقروش

مش جايب لقمة ناشفة تصبح عالكروش

افواه مفتوحة لكن مرسوم فوق الوشوش

حلم الجعان فتايت هيصحى ما يلقاهوش

شوف الفقر فحياتنا فى زمان ما عشناهوش

شرط العروسة دش وان خوفت ما جبتهوش

مرفوض قال بالتلاتة للعذر مايسمعوش

دا انا مرة قابلنى واحد ويا ريتنى ما شوفتهوش

متحنجل بالموبايل والرنة ما سايبهوش

وقريت منه البطاقة من اسمه ما تعرفوش
الاسم بالتلاتة جعان حفيان بشوش
والمهنة فى البطاقة عاطل عليه ما لوش

والحالة الانسانية مخلوع من ناس ما جوش
عنوانه فى البطاقة حارة حلق وحوش
ايام مقلوبة فوقنا وبتضحك للقروش

صدقنى يا صاحبى اوعا تنسى اللى ما قولناهوش
مش كل كلام هقوله وان قولته ماتسمعوش
قصر الكلام يا صاحبى ادعى ربك يحوش

الله عليك يااستاذ ناصر

في منتهى الروعه

عدسة فنان

لقد سمعتها عدة مرات

دمت لنا مبدعا

كل التحية والود

اشكرك اخى الشاعر والمبدع الاستاذ /

ماهر حامد لمرورك الذى عطر

القصيدة وزادها بريقا

لك منى مودتى ومحبتى

وآدى ياستاذ ناصر يوتيوب
على السريع
من الداعم الفني

على باشا ماهر

كل الشكر والتقدير لابننا الغالى الاستاذ /

على ماهر حامد

ادامك الله لنا زخرا وعونا فانتم جيل

الخير والحب والتقدم

لك منى كل تقدير

الله عليك ياشاعر الغلابة
ربنا يذيدك كمان وكمان يافارس الشعر العامى

الله يخليك اخى الكريم ابو هاشم الاخميمى

على مرورك الطيب لك منى كل التحية

والود سلمت لنا شاعرا ومبدعا

» قصيدة ( ليه ؟؟ )
» قصيدة ( المراية)
» قصيدة ( السواقى )
» قصيدة (شفت الشمس ؟)
» قصيدة قومى يا مصر